O 26 de febreiro de 2026, o Departamento Territorial de Lugo ditou a resolución pola que se outorgan á empresa UFD Distribución Electricidad, S.A. as autorizacións administrativas previas e de construción, e se recoñece, en concreto, a utilidade pública da instalación eléctrica denominada Adecuación LMTA PRS803 no tramo entre os apoios núm. 88-27 e núm. 89-94.

Esta declaración de utilidade pública, segundo o disposto no artigo 54 da Lei 24/2013, do 26 de decembro, do sector eléctrico, implica a necesidade de ocupación dos bens ou de adquisición dos dereitos afectados e a súa urxente ocupación, para os efectos do artigo 52 da Lei de expropiación forzosa, do 16 de decembro de 1954.

De acordo co anterior, este departamento territorial, en cumprimento do disposto no artigo 52 da Lei de expropiación forzosa, resolve convocar a todas as persoas afectadas coas que non se chegou a un acordo, incluídas na relación de bens e dereitos que se insire como anexo a este acordo e que se expón tamén no taboleiro de anuncios do Concello de Carballedo, deducida da que se someteu a información pública no diario El Progreso do 8 de decembro de 2025 e no Diario Oficial de Galicia do 11 de decembro, para que comparezan o día 15 de xullo d 2026, no Concello de Carballedo, sinalado como punto de reunión para, de conformidade co procedemento que se establece no citado artigo, levar a cabo o levantamento das actas previas á ocupación.

Desta convocatoria darase traslado as persoas interesadas mediante a oportuna citación individual, na cal se sinalarán día e hora para o levantamento das actas previas. Así mesmo, no taboleiro de anuncios do Concello de Carballedo estará exposta a data do levantamento das actas. Todas persoas interesadas, así como as persoas interesadas que sexan titulares de calquera clase de dereitos ou intereses sobre os bens afectados, deberán acudir persoalmente ou representadas por unha persoa debidamente autorizada, achegando os documentos acreditativos da súa titularidade e poderán ir acompañadas dos seus peritos e dun notario pola súa conta (artigo 52.3 da Lei de expropiación forzosa).

Asi mesmo, advírtese a todos os interesados que poderán formular alegacións por escrito neste departamento territorial (rolda da Muralla, 70, Lugo) ata o momento do levantamento das actas previas, para os únicos efectos de corrixir os posibles erros cometidos na relación de bens e dereitos afectados (artigo 56.2 do Regulamento da Lei de expropiación forzosa).

Esta publicación realízase igualmente para os efectos do artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), cando os titulares dos predios propostos sexan descoñecidos, non se saiba o lugar de notificación, ou ben, tentada a notificación, non se puidese realizar (sen prexuízo da correspondente publicación no BOE) e así dirixirlle ao Ministerio Fiscal as dilixencias que se produzan, de conformidade co artigo 5 da Lei de expropiación forzosa, do 16 de decembro de 1954.

Lugo, 4 de maio de 2026

Gustavo J. Casasola de Cabo
Director territorial de Lugo

ANEXO

Predio	Políg.	Par.	Lugar	Cultivo	Titular	Data das actas	Hora
4	51	1005	Penedos	Monte baixo	María del Carmen Bouzán Moure	15.7.2026	10.30
6	51	1006	Penedos	Monte baixo	Descoñecido		11.15
10	51	1045	Lousedo	Monte baixo	Jose Luis Rey Pérez (fiscal)		11.15
13	51	1050	Lousedo	Monte baixo	Descoñecido		11.15
20	51	1070	Lousedo	Monte baixo	Descoñecido		11.15
21	51	1065	Regueira	Monte baixo	Descoñecido		11.15
24	51	993	Zarrapuza	Monte baixo	Manuel García González		10.45
27	51	981	Regueira	Monte alto	Descoñecido		11.15
30	51	969	Zarra Bridos	Monte baixo	Descoñecido		11.15
38	51	862	Peneda	Labradío	Francisco Rodríguez (fiscal)		11.15
51	51	887	Caño	Monte baixo	Descoñecido		11.15
52	51	886	Caño	Monte baixo	Descoñecido		11.15
55	51	879	Fonte	Labradío	María González Cortiñas		11.00
60	51	816	Zarreta	Labradío	Descoñecido		11.15
64	34	126	Prado de San Pedro	Monte baixo	Hrdos. de Amalia Figueiral (fiscal)		11.15
67	34	32	Naveira Nova	Labradío	Josefa Sanmartín Bouza (fiscal)		11.15