DOG 106 do 9/6/2026 - ANUNCIO do 1 de xuño de 2026, da Xerencia da Área Sanitaria de Vigo, polo que se dá publicidade á Resolución LD 4/2026 da mesma data de convocatoria pública para a provisión, polo sistema de libre designación, de dous postos de xefatura de estudos de formación sanitaria especializada, nos ámbitos de atención hospitalaria e de atención primaria.

IV. Oposicións e concursos

Servizo Galego de Saúde

ANUNCIO do 1 de xuño de 2026, da Xerencia da Área Sanitaria de Vigo, polo que se dá publicidade á Resolución LD 4/2026 da mesma data de convocatoria pública para a provisión, polo sistema de libre designación, de dous postos de xefatura de estudos de formación sanitaria especializada, nos ámbitos de atención hospitalaria e de atención primaria.

O Decreto 48/2023, do 20 de abril (DOG núm. 94, do 19 de maio) de ordenación do sistema de formación sanitaria especializada na Comunidade Autónoma de Galicia regula, na súa Sección 3ª, a «Xefatura de estudos de formación sanitaria especializada».

Esta xerencia, en exercicio das facultades atribuídas no Decreto 145/2024, do 20 de maio (DOG núm. 101, do 27 de maio), polo que se establece a estrutura orgánica do Servizo Galego de Saúde, na Orde do 22 de abril de 2020 (DOG núm. 82, do 29 de abril), sobre delegación de competencias en órganos centrais e periféricos do Servizo Galego de Saúde, e no Decreto 134/2019, do 10 de outubro (DOG núm. 204, do 25 de outubro), polo que se regulan as áreas sanitarias e os distritos sanitarios do Sistema Público de Saúde de Galicia,

RESOLVE:

Primeiro. Anunciar a convocatoria para cubrir, polo procedemento de libre designación, dous postos de xefatura de estudos de formación sanitaria especializada, nos ámbitos de atención hospitalaria de atención primaria.

Segundo. As retribucións dos postos ofertados serán as que correspondan de acordo coa orde pola que se ditan instrucións sobre a confección de nóminas do persoal ao servizo da Administración autonómica vixente.

Terceiro. As solicitudes para participar nesta convocatoria presentaranse, preferentemente, no rexistro de entrada do Servizo Galego de Saúde de Vigo, situado na rúa García Barbón, 51, ou a través de calquera dos procedementos do artigo 16 da Lei 39/2015, do 1 de outubro, do procedemento administrativo común das administracións públicas, no prazo de quince días hábiles, contados a partir do seguinte ao da publicación deste anuncio no Diario Oficial de Galicia.

Cuarto. As bases íntegras da convocatoria estarán expostas no taboleiro de anuncios das oficinas da Dirección de Recursos Humanos da Área Sanitaria de Vigo (avda. García Barbón, 51) así como na páxina web do Servizo Galego de Saúde (www.sergas.es).

Vigo, 1 de xuño de 2026

Francisco Javier Puente Prieto
Xerente da Área Sanitaria de Vigo

ANEXO

1. Denominación do posto: xefe/a de estudos de formación sanitaria especializada do Complexo Hospitalario Universitario de Vigo (CHUVI).

Procedemento de provisión: libre designación.

Nº de vacantes: 1.

2. Denominación do posto: xefe/a de estudos da unidade docente multiprofesional de Atención Familiar e Comunitaria.

Procedemento de provisión: libre designación.

Nº de vacantes: 1.