En cumprimento do previsto no artigo 142 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:

Solicitante: Comunidade de Usuarios da Riña.

Expediente: DH.A36.111483.

Volume total anual: 43.221,77 m3/ano.

Destino: abastecemento.

Orixe: doce (12) mananciais M1 a M12 e tres (3) pozos P1 a P3.

– M1, M9, M10 na parc. 1871, pol. 23 do catastro de Oia.

– M2 a M8, M11, M12, e P1 a P3 na parc. 1164, pol. 22 do catastro de Oia.

Lugar: A Riña.

Parroquia: Oia (Santa María).

Concello: Oia.

Descrición:

A auga dos mananciais condúcese a depósito 195,52 m3 na parcela 1164, polígono 22 do catastro de Oia desde o que se distribúe ás vivendas e locais que abastece a comunidade no lugar da Riña (Oia).

O proxecto pode consultarse na sección de participación pública do portal da internet de Augas de Galicia https://augasdegalicia.xunta.gal e nas oficinas deste servizo territorial, situadas na rúa San Salvador, 2-4º, 36240 Vigo (Pontevedra).

As persoas interesadas poderán presentar alegacións durante o prazo de vinte (20) días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Vigo, 29 de outubro de 2025

Susana Pérez González
Xefa do Servizo Territorial da Zona Hidrográfica de Galicia Sur