Antecedentes:

1. O día 16 de outubro de 2025, Roberto Pernas Palmeiro e Carlos Pernas Palmeiro solicitaron autorización para a transmisión inter vivos da concesión administrativa do parque de cultivos mariños Roberto Pernas Boutureira-Parque Cultivo-Paderne a favor de Adriana Alves Silva.

2. As persoas interesadas achegaron a documentación requirida para a súa tramitación.

3. O día 7 de abril de 2026, o técnico facultativo de recursos mariños do Departamento Territorial da Coruña da Consellería do Mar emitiu un informe técnico-biolóxico sobre o estado do parque no que se recolle que «cómpre salientar a baixa actividade detectada no parque de cultivo, evidenciada pola reducida produtividade rexistrada, o abandono de estruturas e sistemas de cultivo, así como pola diminución efectiva da superficie produtiva. Esta situación require da adopción de medidas correctoras orientadas a recuperar a súa capacidade produtiva e garantir unha xestión acuícola economicamente viable».

Consideracións legais e técnicas:

1. A competencia para ditar esta resolución correspóndelle á persoa titular da Consellería do Mar, de conformidade co disposto na Lei 11/2008, do 3 de decembro, de pesca de Galicia.

En virtude da Orde do 21 de febreiro de 2022 sobre delegación de competencias en diversos órganos de dirección da Consellería do Mar e na Presidencia da entidade pública empresarial Portos de Galicia, delégase esta competencia nas persoas titulares dos departamentos territoriais da Consellería do Mar.

2. O procedemento tramitouse de conformidade co establecido na Lei 39/2015, do 1 de outubro, do procedemento administrativo común das administracións públicas, coas especialidades previstas na Lei 11/2008, do 3 de decembro, de pesca de Galicia.

De acordo con todo o indicado,

RESOLVO:

Autorizar a transmisión inter vivos da concesión de actividade e de ocupación do dominio público marítimo-terrestre do seguinte establecemento:

Nome do establecemento: Roberto Pernas Boutureira-Parque Cultivo-Paderne.

Tipo: parque de cultivos mariños.

Localización: marxe dereita da ponte do Pedrido, concello de Paderne, A Coruña.

Número de rexistro: RA05725.

Superficie de dominio público marítimo-terrestre: 59.054,00 m2.

Especies autorizadas: ameixa xaponesa (Ruditapes philippinarum), ameixa babosa (Venerupis corrugata), ostra (Ostrea edulis), berberecho (Cerastoderma edule), ameixa fina (Ruditapes decussatus), birollo (Cerastoderma glaucum) e ostra rizada (Magallana gigas).

Título habilitante: concesión.

Data da resolución de outorgamento: 20.3.2009 (DOG núm. 108, do 4 de xuño).

Inicio da vixencia: 14.5.2009.

Remate da vixencia: 14.5.2029.

Tipo de transmisión: inter vivos.

Actuais titulares: Roberto Pernas Palmeiro (***4262**) e Carlos Pernas Palmeiro (***5421**).

Nova titular: Adriana Alves Silva (****4761*).

Baixo as seguintes condicións:

Primeira. A nova titular deberá presentar, no prazo máximo dun mes contado desde o día seguinte ao da publicación desta resolución no Diario Oficial de Galicia, a seguinte documentación:

a) Escritura pública notarial na que se formalice a transmisión onerosa ou lucrativa.

b) Xustificante da liquidación do imposto sobre transmisións patrimoniais e actos xurídicos documentados ou, de ser o caso, do imposto sobre sucesións e doazóns.

Segunda. Transcorrido o prazo indicado na condición primeira sen ter presentada a documentación requirida, a autorización quedará sen efecto, logo de resolución ditada por esta consellería.

Terceira. A nova titular queda subrogada nos dereitos e obrigas dos anteriores desde o momento de formalización da transmisión en escritura pública.

Cuarta. Deberanse adoptar as medidas correctoras necesarias para recuperar a capacidade produtiva do parque e garantir a súa viabilidade económica. As medidas adoptadas comunicaranse a través dos informes de seguimento dos efectos da actividade no dominio público marítimo-terrestre.

Contra esta resolución, que esgota a vía administrativa, as persoas interesadas poderán interpoñer recurso potestativo de reposición no prazo dun mes ante a persoa titular da Consellería do Mar, ou recurso contencioso-administrativo ante a xurisdición contencioso-administrativa no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), e no artigo 46.1 da Lei 29/1998, do 13 de xullo, reguladora da xurisdición contencioso-administrativa (BOE núm. 167, do 14 de xullo).

A Coruña, 20 de maio de 2026

A conselleira do Mar
P.D. (Orde do 21.2.2022)
María José Cancelo Baquero
Directora territorial da Coruña