En cumprimento do artigo 14.4 do Regulamento de reutilización da auga, aprobado polo Real decreto 1085/2024, de 22 de outubro, sométese a información pública a solicitude de concesión de augas rexeneradas procedentes da estación de augas rexeneradas (ERA) de Xaz con destino a rega de campo de golf, coas seguintes características:

Solicitante: Club de Campo Golf de Xaz, S.L., B01678937.

Expediente: DH.A15.109190.

Orixe: auga rexenerada da ERA de Xaz.

Caudal máximo instantáneo: 41,66 l/s.

Volume total anual: 123.869 m3/ano.

Destino: rega do campo de golf de Xaz (referencia catastral 4895401NH5949N).

Lugar: Xaz.

Parroquia: Dorneda (San Martiño).

Concello: Oleiros.

Descrición do aproveitamento:

Campo de Golf de Xaz, S.A.U. solicitou a autorización para a produción e a subministración de augas rexeneradas que se está a tramitar no expediente DH.A15.103755. O destino desta auga será a rega do campo de golf, para o que solicita a presente concesión administrativa.

A auga bombeada desde a estación depuradora de augas residuais de Xubín, do concello de Oleiros, chega á ERA de Xaz onde, tras ser tratada, verte no lago do campo de golf, que actúa como depósito de almacenamento do sistema de rega. O sistema de rega componse dun depósito de recloración e un grupo de presión para a rede de rega. O sistema conta tamén cun circuíto de recirculación que permite volver tratar na ERA e desinfectar a auga do lago, para manter a calidade da auga almacenada.

A documentación técnica pode consultarse na sección de participación pública do portal da internet de Augas de Galicia (https://augasdegalicia.xunta.gal) ), e nas oficinas deste servizo territorial, situadas na rúa Vicente Ferrer 2, 9º andar, 15008 A Coruña. Para facilitar esta consulta poderá solicitar cita previa no teléfono 981 18 25 30.

Os interesados poderán presentar alegacións durante o prazo dun (1) mes, contado a partir do día seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común.

A Coruña, 14 de maio de 2026

Roberto Arias Sánchez
Xefe do Servizo Territorial da Zona Hidrográfica de Galicia Norte