Mediante o Decreto de Alcaldía, de 22 de maio de 2025, acordouse nomear persoal funcionario de carreira do Concello de Pazos de Borbén da praza de arquitecto/a técnico/a, da escala de Administración especial, grupo A, subgrupo A2, de conformidade coa proposta do tribunal cualificador das probas selectivas convocadas polo sistema de concurso-oposición, da OEP do ano 2025, a Ana Celia Barcia Rodríguez, con DNI ***3458**.

A persoa nomeada deberá tomar posesión no prazo máximo dun (1) mes desde a publicación da resolución/nomeamento, de acordo co indicado nas bases.

Contra este presente acordo poderán interporse os seguintes recursos: potestativo de reposición, ante o mesmo órgano que ditou o acordo, no prazo dun mes contado a partir do día seguinte ao desta notificación. Contencioso-administrativo, ante o Xulgado do Contencioso-Administrativo de Pontevedra, no prazo de dous meses contados desde o día seguinte ao desta notificación, se non se interpuxo o de reposición. Se se interpuxo este último, o prazo de dous meses empezará a contar desde o día seguinte ao da notificación da resolución do recurso de reposición, se esta for expresa. Se a resolución non for expresa, o prazo para interpor o recurso contencioso-administrativo será de seis meses contados a partir do día seguinte a aquel en que se produza a desestimación por silencio administrativo. Calquera outro que considere conveniente, baixo a súa responsabilidade.

Pazos de Borbén, 25 de maio de 2026

Xosé Luciano Otero Camiña
Alcalde