A Xunta Arbitral de Transportes de Galicia, instrumento de protección e defensa das partes que interveñen na actividade de transporte, creouse, no marco da Lei 16/1987, do 30 de xullo, de ordenación dos transportes terrestres, pola Orde da Consellería de Ordenación do Territorio e Obras Públicas do 9 de outubro de 1991 (Diario Oficial de Galicia núm. 232, do 23 de outubro).
A súa actual composición vén determinada pola Resolución desta dirección xeral, do 2 de xuño de 2025, pola que se establece a composición da Xunta Arbitral de Transportes de Galicia (DOG núm. 108, do 9 de xuño) e a Resolución do 2 de outubro de 2025 pola que se modificou (DOG núm. 198, do 14 de outubro).
Debido a cambios nas persoas que ocupan postos na Administración e comunicación da Confederación de Empresarios de Galicia, considérase oportuno modificar a actual composición da Xunta Arbitral de Transportes de Galicia.
De conformidade co exposto,
RESOLVO:
Primeiro. Modificar os puntos 1.2, 2.1.1, 2.6 e 3.2 da Resolución da Dirección Xeral de Mobilidade, do 2 de xuño de 2025, pola que se establece a composición da Xunta Arbitral de Transportes de Galicia, relativos a presidentes suplentes e a vogais representantes da Administración, que pasa a ter a seguinte redacción:
1. Presidente/a.
1.1. Titular:
– Pablo Alejandro Amenedo Bermúdez.
1.2. Suplentes.
– Laura González-Dopeso Portela.
– Eduardo Suárez Campo.
2. Vogais:
2.1. Representantes da Administración:
2.1.1. Titulares:
– Laura González-Dopeso Portela.
– Mª Teresa Somoza García.
2.6. Representante das empresas cargadoras, por proposta da Confederación de Empresarios de Galicia:
2.6.1. Titular:
– José Antonio Neira Cortés.
2.6.2. Suplente:
– José Manuel Maceira Blanco.
3. Secretario/a:
3.2. Suplentes:
– Laura González-Dopeso Portela.
– Marta Figueiras García.
Segundo. A modificación anterior entenderase vixente e aplicable a partir da publicación desta resolución no Diario Oficial de Galicia.
Santiago de Compostela, 12 de xuño de 2026
Judit Fontela Baró
Directora xeral de Mobilidade