Mediante a Resolución do 21 de maio de 2026 (DOG núm. 99, do 29 de maio) publicouse a relación provisional de persoas admitidas e excluídas no concurso ordinario para a provisión de postos de traballo vacantes do corpo de auxiliares de carácter técnico de Administración especial da Administración xeral da Comunidade Autónoma de Galicia, escala de xerocultor ou xerocultora, e do corpo auxiliar da Administración xeral da Comunidade Autónoma de Galicia, escala de persoal de servicios xerais (PSX).

Transcorrido o prazo establecido nas bases para presentar reclamacións á exclusión das listas provisionais, esta dirección xeral, no uso da competencia delegada pola Consellería de Facenda e Administración Pública en virtude do disposto no artigo 1 da Orde do 8 de xaneiro de 2020 (DOG núm. 16, do 24 de xaneiro),

RESOLVE:

Aprobar a relación definitiva de persoas solicitantes admitidas e excluídas do concurso para a provisión de postos de traballo vacantes de Administración especial da Administración xeral da Comunidade Autónoma de Galicia, corpo de auxiliares de carácter técnico, escala de xerocultor ou xerocultora, e do corpo auxiliar da Administración xeral da Comunidade Autónoma de Galicia, escala de persoal de servicios xerais (PSX).

A relación de persoas admitidas e excluídas publicarase no portal web corporativo da Xunta de Galicia https://www.xunta.gal/funcion-publica, na epígrafe de «Concurso de traslados».

A listaxe de persoas solicitantes excluídas figura como anexo desta resolución.

As respostas ás reclamacións poderanse consultar no portal web corporativo da Xunta de Galicia https://www.xunta.gal/funcion-publica/concurso-de-traslados/xeracion-de-reclamacions co DNI e co código da reclamación formulada.

Contra esta resolución, que pon fin á vía administrativa, poderase interpoñer recurso potestativo de reposición ante o conselleiro de Facenda e Administración Pública no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou ben directamente recurso contencioso-administrativo ante as seccións da orde xurisdicional contencioso-administrativa do tribunal de instancia correspondente no prazo de dous meses contados dende a mesma data, de conformidade co establecido na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 18 de xuño de 2026

Nuria Aguilar Vázquez
Directora xeral de Emprego Público e Administración de Persoal

ANEXO

1º apelido	2º apelido	Nome	NIF	Causa/s da exclusión
Carballo	Pérez	Javier	***2924**	4
Costa	Camino	Isabel	***0932**	4, 12
Negreira	Rodríguez	Ana Rosa	***6442**	13, 118
Peña	Peña	María Begoña	***7777**	12

Relación das causas de exclusión:

Código da causa	Causa de exclusión
4	Falta o nomeamento para a escala desde a que concursa.
12	Corpo-escala ou especialidade, relación de servizo ou tipo de administración non se corresponde cos do concurso.
13	Non cumpre o tempo exixido no posto definitivo.
118	Non posúe dous anos na categoría profesional equivalente á escala/especialidade de funcionarización.