Pola Orde do 27 de febreiro de 2026 (DOG do 23 de marzo), a Consellería de Educación, Ciencia, Universidades e Formación Profesional convocou axudas para financiar actividades das confederacións e federacións de nais e pais do alumnado e das asociacións de nais e pais do alumnado de centros de educación especial para o ano 2026.

O artigo 14 da dita orde establece que se constituirá unha comisión que será a encargada de comprobar as solicitudes e propoñer a distribución das axudas. Reunida esta comisión, de acordo coa proposta formulada por ela e de conformidade co artigo 13 da orde de referencia,

RESOLVO:

Ordenar a publicación no Diario Oficial de Galicia do contido íntegro da Resolución do 15 de xuño de 2026 pola que se conceden axudas para financiar actividades das confederacións e federacións de nais e pais do alumnado e das asociacións de nais e pais do alumnado de centros de educación especial para o ano 2026, que se xunta a esta resolución no anexo.

Santiago de Compostela, 16 de xuño de 2026

Jesús Manuel Álvarez Bértolo
Director xeral de Centros e Recursos Humanos

ANEXO

Resolución do 15 de xuño de 2026 pola que se conceden axudas para financiar actividades das confederacións e federacións de nais e pais do alumnado e das asociacións de nais e pais do alumnado de centros de educación especial para o ano 2026

Pola Orde do 27 de febreiro de 2026 (DOG do 23 de marzo), a Consellería de Educación, Ciencia, Universidades e Formación Profesional convocou axudas para financiar actividades das confederacións e federacións de nais e pais do alumnado e das asociacións de nais e pais do alumnado de centros de educación especial para o ano 2026.

Reunida a comisión prevista no artigo 14 da citada orde, de acordo coa proposta formulada por ela e de conformidade co artigo 13 da orde de referencia,

RESOLVO:

Primeiro. Concederlles as axudas, nas contías que se sinalan, ás confederacións, federacións de nais e pais do alumnado e ás asociacións de nais e pais do alumnado de centros de educación especial relacionadas no anexo I.

Segundo. Excluír as ANPAS que figuran no anexo II.

Terceiro. Para facer efectivo o pagamento das axudas, os beneficiarios presentarán electronicamente, de acordo co establecido no artigo 17 da orde de convocatoria, dirixida á Dirección Xeral de Centros e Recursos Humanos, Subdirección Xeral de Centros, Servizo de Apoio Económico e Axudas ao Estudo, ata o día 31 de outubro de 2026, a seguinte documentación:

a) A xustificación dos gastos realizados, mediante orixinais ou copias compulsadas de facturas e/ou nóminas e acreditación documental de que se efectuou o seu aboamento. Non se admiten recibos como xustificación dos gastos.

b) Unha declaración actualizada do anexo II publicado na Orde do 27 de febreiro de 2026 (DOG do 23 de marzo), pola que se convocan as axudas para o ano 2026.

A resolución, que esgota a vía administrativa, poderá ser obxecto de recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contado a partir do día seguinte ao da súa publicación no Diario Oficial de Galicia, de acordo co establecido no artigo 10.1.a) da Lei 29/1998, do 13 de xullo, reguladora da xurisdición contencioso-administrativa.

Así mesmo, contra ela poderase recorrer potestativamente en reposición no prazo dun mes, ante o conselleiro de Educación, Ciencia, Universidades e Formación Profesional, de acordo cos artigos 123 e 124 da Lei 39/2015, do 1 de outubro, reguladora do procedemento administrativo común das administracións públicas.

ANEXO I

CIF	Confederación/Federación/ANPA EE	Beneficiario	Concello	Importe (€)
G15115165	Confapa (Confed. Galega ANPAS Centros Públicos)	Confederación	A Coruña	8.249,00
G70416557	Confederación ANPAS Galegas	Confederación	Santiago de Compostela	9.898,00
G15098114	Congapa	Confederación	Ourense	4.461,00
G15042617	Federación Provincial ANPAS Centros Públicos-FAPA Coruña	Federación Provincial	A Coruña	4.795,00
G70222195	Federación Centros Públicos Compostela	Federación Provincial	Santiago de Compostela	3.035,00
G27019140	Fapacel Federación Provincial ANPAS Centros Públicos	Federación Provincial	Lugo	3.555,00
G27043389	FAPA Lugo	Federación Provincial	Lugo	1.715,00
G32009037	Federación Provincial ANPAS Centros Públicos As Burgas	Federación Provincial	Ourense	3.435,00
G94202843	FEAPA Pontevedra	Federación Provincial	Vilagarcía de Arousa	1.855,00
G36020311	Federación Provincial ANPAS Centros Públicos-FANPA	Federación Provincial	Pontevedra	5.255,00
G32025538	Federación ANPAS Centros Privados e Concertados Ourense	Federación Provincial	Ourense	1.715,00
G36743946	Foanpas Federación ANPAS Olívica	Federación Comarcal	Vigo	2.707,00
G36822682	Federación de ANPAS do Val Miñor	Federación Comarcal	Gondomar	1.587,00
G36412039	FANPO Federación de ANPAS O Condado, Paradanta e Louriña	Federación Comarcal	Ponteareas	1.647,00
V15869431	ANPA CEE Elviña Aspanaes	ANPA EE	A Coruña	953,00
G15412026	ANPA CEE Terra de Ferrol	ANPA EE	Ferrol	953,00
G15747678	ANPA CEE Amicos	ANPA EE	Ribeira	953,00
G15874290	ANPA Colexio Duques de Lugo	ANPA EE	Santiago de Compostela	953,00
G27159425	ANPA CEE Santa María	ANPA EE	Lugo	953,00
G27220839	ANPA CEE Infanta Elena	ANPA EE	Monforte de Lemos	953,00
G32202798	ANPA CEE O Pino	ANPA EE	Ourense	953,00
G36130169	ANPA CEE Joaquina Sobrino	ANPA EE	A Guarda	953,00
G36753895	ANPA La Ilusión del Val Miñor	ANPA EE	Nigrán	953,00
G36152262	ACEESCA	ANPA EE	O Porriño	953,00
G36630614	ANPA CEE A Menela	ANPA EE	Vigo	953,00
G36131027	ANPA CEE Vilagarcía de Arousa	ANPA CEE	Vilagarcía de Arousa	953,00
G36024941	ANPA CEE Os Mecos	ANPA EE	Vilagarcía de Arousa	953,00

ANEXO II

Nome da ANPA	Concello	Causa da exclusión
ANPA A Granda	Cospeito	Non ser ANPA de educación especial
ANPA CEIP Virxe de Covadonga	Ourense	Non ser ANPA de educación especial
ANPA Manuel Murguía	Arteixo	Non ser ANPA de educación especial