De acordo co disposto na Lei orgánica 2/2023, do 22 de marzo, do sistema universitario (BOE do 23 de marzo); no Decreto 266/2002, do 6 de setembro (DOG do 17 de setembro), de contratación do profesorado universitario; no II Convenio colectivo para o persoal docente e investigador das universidades da Coruña, Santiago de Compostela e Vigo; e mais nos estatutos da Universidade de Vigo, aprobados polo Decreto 13/2019, do 24 de xaneiro (DOG do 22 de febreiro), este reitorado, no uso das competencias recoñecidas pola Lei orgánica do sistema universitario, resolve anunciar a convocatoria do seguinte concurso público:

Referencia: LA2601.

Categoría: listaxes de profesorado substituto.

Número de listaxes: 9.

A información completa pódese consultar na sede electrónica da Universidade de Vigo https://sede.uvigo.gal/ así como na páxina electrónica https://secretaria.uvigo.gal/uv/web/convocatoria/public/index filtrando polo tipo «Concursos de profesorado» e empregando como palabras chave a referencia da categoría. Para calquera outra información e aclaración de dúbidas pódense dirixir ao Servizo de Persoal Docente e Investigador no teléfono 986 81 37 65 ou no enderezo de correo electrónico consultapdi@uvigo.gal

O prazo de presentación de solicitudes é de dez (10) días hábiles contados desde o día seguinte ao da publicación do presente anuncio no Diario Oficial de Galicia, solicitudes que se deben dirixir ao reitor no modelo oficial, obrigatoriamente acompañadas dos documentos acreditativos previstos na convocatoria.

Vigo, 18 de xuño de 2026

Manuel Joaquín Reigosa Roger
Reitor da Universidade de Vigo