O artigo 27 do Estatuto de autonomía de Galicia recolle, no seu número 22, a competencia exclusiva da Comunidade Autónoma galega na promoción do deporte e a adecuada utilización do lecer. Na súa virtude, aprobouse a Lei 3/2012, do 2 de abril, do deporte de Galicia, pola que se procura, entre outros propósitos, promover o deporte de competición e de alto nivel en colaboración coas federacións deportivas e demais entidades con competencia en materia de deporte.

No ámbito do deporte de alto nivel, o artigo 35 da lei establece que, en función dos intereses deportivos da Comunidade Autónoma, poderán ser declaradas persoas deportistas de alto nivel, alto rendemento, rendemento deportivo de base e vitalicias, persoas adestradoras ou técnicas recoñecidas de alto nivel, e persoas xuízas e árbitras recoñecidas de alto nivel que reúnan os requisitos que se determinan regulamentariamente. A relación das persoas destes colectivos recoñecidas de alto nivel publicarase no Diario Oficial de Galicia e seranlles de aplicación os beneficios que se prevexan regulamentariamente.

En desenvolvemento da citada Lei do deporte, ditáronse o Decreto 165/2020, do 17 de setembro, polo que se regula o deporte de alto nivel, de alto rendemento e de rendemento deportivo de base de Galicia, e a Orde do 23 de xuño de 2021 pola que se establecen os criterios técnico-deportivos para a obtención das condicións de persoa deportista de alto nivel, alto rendemento, rendemento deportivo de base, vitalicias, persoas técnicas, árbitras e xuízas de alto nivel. Esta normativa atribúe á Comisión galega de avaliación do alto nivel deportivo, do alto rendemento e do rendemento deportivo de base propoñer o recoñecemento de alto nivel deportivo das persoas que reúnan os requisitos nela establecidos. A Comisión elevará a proposta de resolución á persoa titular do órgano competente en materia de deporte.

Na súa consecuencia, atendendo á proposta da Secretaría Xeral para o Deporte do 18 de xuño de 2026, con base aos acordos adoptados pola Comisión galega de avaliación do alto nivel deportivo na súa reunión do 18 de xuño de 2026, a Consellería de Presidencia, Xustiza e Deportes

RESOLVE:

Primeiro. Aprobar a relación de persoas deportistas de alto nivel, alto rendemento, rendemento deportivo de base e vitalicias, persoas adestradoras ou técnicas, xuízas e árbitras recoñecidas de alto nivel que se relacionan no anexo I desta resolución e que, en consecuencia, gozan dos beneficios que para tal consideración se atribúan coa vixencia que tamén se relaciona no anexo I desta resolución.

Segundo. Publicar no Diario Oficial de Galicia a relación das solicitudes desestimadas e a causa, que se relacionan no anexo II desta resolución.

Terceiro. Esta resolución esgota a vía administrativa e contra ela pode interpoñerse recurso potestativo de reposición perante a persoa titular da Consellería de Presidencia, Xustiza e Deportes, no prazo dun mes contado a partir do día seguinte ao da súa publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben, recurso contencioso-administrativo perante o Tribunal Superior de Xustiza de Galicia no prazo de dous meses contados a partir do día seguinte ao da súa publicación, segundo dispoñen os artigos 10 e 46 da Lei 29/1998, do 13 de xullo, reguladora da xurisdición contencioso-administrativa.

Cuarto. Esta orde entrará e vigor o día seguinte ao da súa publicación no Diario Oficial de Galicia.

Santiago de Compostela, 19 de xuño de 2026

Diego Calvo Pouso
Conselleiro de Presidencia, Xustiza e Deportes

ANEXO I

Persoas deportistas recoñecidas de alto nivel, alto rendemento, rendemento deportivo de base, vitalicias, adestradoras ou técnicas, persoas árbitras e xuízas

	Apelidos	Nome	DNI	Modalidade	Proposto	Vixencia
1	Aldrey Ventureira	Vega	***3481**	Ciclismo	Deportista rendemento deportivo de base	4.7.2026
2	Álvarez Mosteiro	Jorge	***0373**	Tenis	Deportista rendemento deportivo de base	Un ano desde a data da resolución
3	Cacheiro Blanco	Diego	***0376**	Xadrez	Deportista de alto nivel	3.8.2028
4	Castaño Martínez	Martín	***9776**	Patinaxe	Deportista de alto nivel	Cinco anos desde a data da resolución
5	Cidrás Álvarez	Pedro	***6407**	Ciclismo	Deportista rendemento deportivo de base	Un ano desde a data da resolución
6	Cortes Ferreño	Marta	***0149**	Baloncesto	Deportista rendemento deportivo de base	Un ano desde a data da resolución
7	Diéguez Curros	Adrián	***0234**	Patinaxe	Deportista de alto nivel	Cinco anos desde a data da resolución
8	Espada Radio	Noemí	***3457**	Salvamento e socorrismo	Deportista de alto nivel	1.6.2030
9	Granado Álvarez	Ezequiel Alejandro	***4058**	Halterofilia	Deportista de alto rendemento	15.11.2030
10	Graña Fajardo	Consuelo	***4153**	Montañismo	Deportista rendemento deportivo de base	Un ano desde a data da resolución
11	Gutiérrez Peña	Pedro Ángel	***1868**	Balonmán	Deportista rendemento deportivo de base	27.8.2026
12	Lamas López	Jacobo	***9207**	Balonmán	Deportista rendemento deportivo de base	Un ano desde a data da resolución
13	Ocampo Illanes	Héctor	***5765**	Esgrima	Deportista rendemento deportivo de base	24.7.2027
14	Romero Galdo	Sara	***2971**	Tríatlon	Deportista rendemento deportivo de base	Un ano desde a data da resolución
15	Souto Piñeiro	Manuel Nicolás	***4425**	Vela	Deportista de alto nivel	Cinco anos desde a data da resolución
16	Suárez Martínez	Pedro	***0302**	Natación	Deportista rendemento deportivo de base	17.7.2026
17	Videla Miguéns	Andrea	***7292**	Taekwondo	Deportista de alto nivel	16.3.2030
18	Zuluaga Lamazares	Hugo	***9061**	Atletismo	Deportista de alto nivel	Cinco anos desde a data da resolución

ANEXO II

Relación das solicitudes desestimadas e a causa

	Apelidos	Nome	DNI	Modalidade	Causa
1	Hermilla Coello	Laura	***1311**	Ximnasia	Por mérito deportivo
2	Marti Rosende	Lucía	***8297**	Patinaxe	Por mérito deportivo
3	Montero Rodríguez	Eduardo	***3239**	Ximnasia	Por mérito deportivo
4	Quintana Rodríguez	Lara	***6284**	Ximnasia	Por mérito deportivo
5	Río García	Lorena	***2559**	Patinaxe	Por mérito deportivo
6	Vázquez Gómez	José	***0704**	Ximnasia	Por mérito deportivo