Acciona Inmobiliaria, S.L.U. solicita de Augas de Galicia a autorización de obras coas seguintes características:

Solicitante: Acciona Inmobiliaria, S.L.U.

Expediente: DH.W36.115657.

Lugar/parroquia: lugar Mourelos, parroquia Noalla.

Concello: Sanxenxo.

Descrición das obras:

Execución da urbanización SU12 Noalla e dun colector de augas pluviais para evacualas en Rego dos Mouros (cód. río: 260) no punto con coordenadas UTM: X = 511010; Y = 4697633 (ETRS89 fuso 29N) e demolición dunha obra de paso fluvial en desuso situada nese punto.

Este anuncio ten por obxecto abrir a regulamentaria información pública que prescribe o artigo 109 do Real decreto 849/1986, do 11 de abril, polo que se aproba o Regulamento do dominio público hidráulico, para xeral coñecemento, por un prazo de vinte (20) días contados a partir do seguinte á data de publicación no Diario Oficial de Galicia, co fin de que os que se sintan prexudicados poidan presentar as súas reclamacións, durante o prazo sinalado, no Concello de Sanxenxo ou nas oficinas deste servizo, situadas na rúa López de Neira, 3, 4º, local 403, Vigo (Pontevedra), onde estará exposto o expediente de que se trata, para que poida ser examinado por quen o desexe, con cita previa no enderezo electrónico dgs.augas@xunta.gal. O proxecto obxecto desta autorización estará dispoñible para a súa consulta na páxina web deste organismo de bacía, http://augasdegalicia.xunta.gal, na sección denominada participación pública.

Vigo, 19 de xuño de 2026

Susana Pérez González
Xefa do Servizo Territorial da Zona Hidrográfica de Galicia Sur