Mediante a Resolución do 15 de abril de 2026, da Xerencia da Área Sanitaria de Pontevedra e O Salnés (DOG núm. 80, do 30 de abril), convocouse a provisión, polo sistema de libre designación, do posto de coordinador/a de Atención Primaria do Servizo de Virxe Peregrina (Pontevedra).

En virtude das competencias atribuídas polo Decreto 134/2019, do 10 de outubro, polo que se regulan as áreas sanitarias e os distritos sanitarios do Sistema público de saúde de Galicia (DOG núm. 204, do 25 de outubro), o xerente da Área Sanitaria de Pontevedra e O Salnés

RESOLVE:

Primeiro. Declarar deserta a convocatoria do posto de coordinador/a de Atención Primaria do Servizo de Virxe Peregrina (Pontevedra) na Área Sanitaria de Pontevedra e O Salnés, por non presentarse ningún/ningunha aspirante ao procedemento convocado.

Segundo. Contra a presente resolución poderá interpoñerse recurso de alzada ante a Dirección Xeral de Recursos Humanos do Servizo Galego de Saúde, no prazo dun mes, contado desde o día seguinte ao da publicación desta resolución, segundo o establecido nos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Pontevedra, 23 de xuño de 2026

José Manuel Flores Arias
Xerente da Área Sanitaria de Pontevedra e O Salnés