Mediante este anuncio, e debido a que os abaixo relacionados non se atoparon nos domicilios que figuran nos rexistros deste centro, ou que alegaron distintas causas para non recibir as notificacións as persoas que a lexislación autoriza para facerse cargo delas, comunícaselles ás persoas incluídas na relación que se insire que:

Segundo o recollido no anexo IX do Real decreto 1030/2006, do 15 de setembro, polo que se establece a carteira de servizos do Sistema nacional de saúde e o procedemento para a súa actualización, así como no artigo 83 da Lei xeral de sanidade, e na disposición adicional 22 do texto refundido da Lei xeral da Seguridade Social, aprobado por Real decreto lexislativo 1/1994, do 20 de xuño, de non achegar no prazo de 10 días os datos e a documentación necesaria para poder facturar ao terceiro obrigado ao pagamento a asistencia sanitaria que lle foi prestada neste centro sanitario, os gastos asistenciais serán ao seu cargo, tal e como se recolle no artigo 1 do Decreto 56/2014, do 30 de abril (DOG do 21 de maio), polo que se establecen as tarifas dos servizos sanitarios prestados nos centros dependentes do Servizo Galego de Saúde, polo que se emitirá a factura dos gastos sanitarios ao seu nome.

Para todo tipo de consulta ou aclaración sobre a documentación que hai que presentar deberán poñerse en contacto co Servizo de Facturación deste centro sanitario, no teléfono 986 88 52 92.

Para que conste e sirva de notificación aos interesados e en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, expido, asino e selo este anuncio. A eficacia desta notificación queda supeditada á súa publicación no taboleiro de edictos único (TEU) do Boletín Oficial del Estado (BOE).

Pontevedra, 18 de xuño de 2026

José Flores Arias
Director xerente da Área Sanitaria de Pontevedra e O Salnés

ANEXO

Nome do doente	DNI/NIF
	76829902N
	Y3983025Z
	78143611F
	Y7686490L
	35316788N
	00875667B
	76827424H
	46913586A
	55895877N
	Z3741226M
	75117863R
	55805557J
	35295784F
	36139514M
	35640072P