Con data do 9 de xuño de 2026, mediante resolución da Presidencia da Deputación Provincial de Ourense, aprobouse provisionalmente o estudo informativo Acondicionamento e mellora integral na OU-0508 Ponte dos Gozos (OU-536)-Parada de Sil (OU-0604), no concello de Nogueira de Ramuín; e ao abeiro do establecido no artigo 21 da Lei 8/2013, do 28 de xuño, de estradas de Galicia, e no artigo 50 do Decreto 66/2016, do 26 de maio, polo que se aproba o Regulamento xeral de estradas de Galicia, acordouse o sometemento ao trámite de información pública do estudo en materia de estradas.

A duración da información pública será de trinta (30) días hábiles contados a partir do día seguinte ao da publicación deste anuncio no Diario Oficial de Galicia, período en que o estudo pode ser examinado polas persoas que o consideren oportuno, as cales poderán formular por escrito as observacións que coiden convenientes relativas á concepción global do trazado deseñado.

Durante o dito prazo, o estudo estará dispoñible para a súa consulta nos seguintes lugares:

– Nas oficinas da Área de Infraestruturas, sitas no segundo andar do Pazo Provincial, rúa Progreso, núm. 32, en Ourense, de luns a venres das 9.00 ás 14.00 horas.

– No casa do concello de Nogueira de Ramuín (estrada Nogueira, 3, Luintra, 32160 Nogueira de Ramuín, Ourense).

– Na sede electrónica da Deputación Provincial de Ourense: https://sede.depourense.es/sta/CarpetaPublic/doEvent?APP_CODE=STA&PAGE_CODE=PTS2_TABLON

Ourense, 23 de xuño de 2026

Luis Menor Pérez
Presidente da Deputación Provincial de Ourense