DOG 136 do 22/7/2026 - RESOLUCIÓN do 14 de xullo de 2026 pola que se acorda a aprobación inicial e se somete a información pública o proxecto de expropiación, por taxación conxunta, dos bens e dereitos afectados pola execución da etapa 2 do proxecto de interese autonómico (PIA) Factoría do Deporte Galego-Galicia Sports 360, no concello de Mos, de clave PO/25/208.80.

VI. Anuncios

a) Administración autonómica

Axencia Galega de Infraestruturas

RESOLUCIÓN do 14 de xullo de 2026 pola que se acorda a aprobación inicial e se somete a información pública o proxecto de expropiación, por taxación conxunta, dos bens e dereitos afectados pola execución da etapa 2 do proxecto de interese autonómico (PIA) Factoría do Deporte Galego-Galicia Sports 360, no concello de Mos, de clave PO/25/208.80.

Antecedentes:

I. Mediante o Acordo do 10 de novembro de 2022 (DOG núm. 242, do 22 de decembro) o Consello da Xunta de Galicia declarou de interese autonómico o proxecto denominado Factoría do Deporte Galego-Galicia Sports 360, promovido pola entidade Real Club Celta de Vigo, S.A.D., no concello de Mos.

II. Polo Acordo do Consello da Xunta de Galicia, do 14 de abril de 2025 (DOG núm. 91, do 14 de maio), aprobouse definitivamente o PIA Factoría do Deporte Galego-Galicia Sports 360, o cal figura inscrito no Rexistro de Ordenación do Territorio e Planeamento Urbanístico de Galicia co número de rexistro ROTPG/OT/1/2025.

III. O artigo 1.1.6 da normativa do PIA establece, de conformidade co previsto no artigo 59 da Lei 1/2021, do 8 de xaneiro, de ordenación do territorio de Galicia (LOT), que a aprobación do PIA leva implícita a declaración de utilidade pública e interese social e a necesidade de ocupación dos bens e da adquisición dos dereitos afectados, para os efectos de expropiación, de ocupación temporal ou de imposición ou de modificación de servidumes.

IV. Pola súa parte, o artigo 1.3.1 da normativa do PIA establece, conforme o previsto no artigo 51 da LOT, que a xestión do PIA da Factoría do Deporte Galego-Galicia Sports 360, se levará a cabo polo procedemento de expropiación forzosa, sendo que a persoa física ou xurídica promotora da actuación terá a consideración de beneficiaria da expropiación.

V. Correspóndelle á Administración autonómica, a través da consellería competente por razón da materia, exercer a potestade expropiatoria en favor da persoa beneficiaria e adoptar todas as resolucións que impliquen exercicio da dita potestade, sen prexuízo da intervención, das facultades e das obrigas que legalmente lle corresponden á persoa beneficiaria.

VI. O procedemento de expropiación forzosa será tramitado de acordo co establecido na normativa vixente en materia de expropiación forzosa pola Consellería de Presidencia, Xustiza e Deportes da Xunta de Galicia como consellería competente por razón da materia a que se refire o proxecto, tendo o Real Club Celta de Vigo, S.A.D., como entidade promotora da actuación, a consideración de beneficiaria da expropiación.

VII. O prezo xusto dos bens e dos dereitos expropiados fixarase polo procedemento de taxación conxunta.

VIII. Mediante a Resolución do 7 de xaneiro de 2026, a Consellería de Presidencia, Xustiza e Deportes encomendoulle á Axencia Galega de Infraestruturas da Xunta de Galicia, de conformidade co previsto no artigo 13.1 da Lei 14/2013, do 26 de decembro, de racionalización do sector público autonómico, e no artigo 8 da Lei 16/2010, do 17 de decembro, de organización e de funcionamento da Administración xeral e do sector público autonómico de Galicia, a xestión das actuacións necesarias en relación co proceso de expropiación dos bens e dos dereitos afectados pola execución do PIA denominado Factoría do Deporte Galego-Galicia Sports 360. A dita resolución foi publicada no DOG núm. 16, do 26 de xaneiro de 2026.

IX. Para o desenvolvemento das actuación previstas, o PIA establece tres etapas ou fases de execución diferenciadas. Cada unha das fases de execución corresponde a un ámbito territorial concreto para efectos da súa xestión e da súa execución.

X. A etapa 2 corresponde ao completamento das instalacións e das edificacións da Cidade deportiva Afouteza, ao Centro integral para a capacitación da industria do deporte (CICID) e a Residencia para deportistas e estudantes.

Os terreos afectos á etapa 2 do PIA son os correspondentes a unha superficie de 70.520 m², dos cales 68.051 m² pertencen a 74 predios de titularidade de particulares (incluídos, total ou parcialmente, dentro da delimitación do ámbito do PIA) e os restantes 2.469 m² corresponden á superficie afectada polo monte veciñal en man común da parroquia de Tameiga (Mos).

XI. O procedemento de taxación conxunta encóntrase regulado no artigo 118 da Lei 2/2016, do 10 de febreiro, do solo de Galicia, e nos artigos 291 e seguintes do Decreto 143/2016, do 22 de setembro, polo que se aproba o Regulamento da Lei do solo de Galicia (RLSG).

XII. O contido mínimo do proxecto expropiatorio encóntrase regulado no artigo 292 do RLSG. O Real Club Celta de Vigo, S.A.D., en canto que entidade beneficiaria da expropiación, presentou o Proxecto de expropiación por taxación conxunta dos bens e dereitos afectados pola execución da etapa 2 do proxecto de interese autonómico Factoría do Deporte Galego-Galicia Sports 360 no concello de Mos (Pontevedra), asinado por técnico competente, e que cumpre cos requisitos formais e de contido establecidos na normativa vixente de aplicación.

XIII. No que se refire ao procedemento de aprobación do proxecto expropiatorio, corresponde a súa aprobación inicial á Administración expropiante. Así mesmo, deberá ser sometido a un trámite de información pública durante un prazo dun (1) mes, mediante a inserción dos correspondentes anuncios no Diario Oficial de Galicia e nun diario dos de maior circulación da provincia, para que aquelas persoas que poidan resultar interesadas formulen as observacións e as reclamacións que consideren oportunas e, en particular, no relativo á titularidade ou á valoración dos seus respectivos dereitos.

Asemade, as taxacións notificaranse individualmente a aquelas persoas que aparezan como titulares de bens ou dereitos. Para tal efecto, daráselles traslado literal da correspondente folla de valoración e da proposta de fixación dos criterios de valoración, para que poidan formular alegacións no prazo dun (1) mes, contado a partir da data de notificación.

Dado que o órgano expropiante non é o municipio, procede escoitar o Concello de Mos durante o prazo dun (1) mes contado desde a notificación.

De conformidade co anterior,

RESOLVO:

Primeiro. Aprobar inicialmente o proxecto de expropiación, por taxación conxunta, dos bens e dereitos afectados pola execución da etapa 2 do proxecto de interese autonómico Factoría do Deporte Galego-Galicia Sports 360, no concello de Mos, de clave PO/25/208.80.

Segundo. Someter a información pública o dito proxecto, durante o prazo dun (1) mes, mediante a súa publicación no Diario Oficial de Galicia e nun diario dos de maior circulación da provincia, para que, mediante un escrito dirixido á Axencia Galega de Infraestruturas (presentado nos lugares establecidos no artigo 16 da Lei 39/2015, do 1 de outubro, do procedemento administrativo común das administracións públicas), aquelas persoas que poidan resultar interesadas formulen as observacións e/ou as reclamacións que consideren convenientes, en particular, no relativo á titularidade ou valoración dos seus respectivos dereitos.

O contido íntegro do proxecto inicialmente aprobado estará dispoñible no seguinte enderezo electrónico:

https://vivendaeinfraestruturas.xunta.gal/transparencia/pia/factoria-deporte

Terceiro. Notificarlles as taxacións de xeito individual ás persoas que aparezan como titulares de bens e dereitos no proxecto, mediante traslado literal das correspondentes follas de valoración e da proposta de fixación dos criterios de valoración, para que formulen as alegacións que consideren convenientes no prazo dun (1) mes a partir da súa notificación.

Ante a eventualidade de que poidan existiren persoas interesadas descoñecidas neste procedemento, se ignore o lugar de notificación ou ben, intentada esta, non se poida practicar, a publicación desta resolución servirá de notificación co alcance e coa finalidade previstos no artigo 44 da Lei 39/2015, do 1 de outubro, do procedemento administrativo común das administracións públicas, sen prexuízo da súa preceptiva publicación no Boletín Oficial del Estado.

Cuarto. Notificarlle o proxecto expropiatorio aprobado inicialmente ao Concello de Mos para que poida formular as alegacións que considere oportunas no prazo dun (1) mes contado desde a notificación.

Santiago de Compostela, 14 de xullo de 2026

María Deza Martínez
Directora da Axencia Galega de Infraestruturas

ANEXO

Relación de bens, dereitos e titulares afectados pola execución da etapa 2 do proxecto de interese autonómico Factoría do Deporte Galego-Galicia Sports 360, no concello de Mos, de clave PO/25/208.80

Predio núm.	Referencia catastral	Titular	Superficie total m²	Superficie afectada m²	Bens afectados
Cant.	Ud.	Descrición
1	36033A05300648	CMVMC de Tameiga (Mos)	93.9192	2.469
	36033A05300587
	36033A05309017
2	36033A05300652	CMVMC de Tameiga (Mos)	2.154	1.932
3	36033A05300595	CMVMC de Tameiga (Mos)	230	230
4	36033A05300596	CMVMC de Tameiga (Mos)	639	639
5	36033A05300593	Manuel Rodríguez Rodríguez	377	377	15	Pés	Eucalyptus globulus; D_40; Ht_20,3
5	36033A05300593	Manuel Rodríguez Rodríguez	377	377	5	Pés	Quercus sp; D_35; Ht_14,0
6	36033A05300594	Alejandro García Portela	298	298	7	Pés	Eucalyptus globulus; D_38; Ht_13,4
6	36033A05300594	Alejandro García Portela	298	298	1	Pés	Quercus sp; D_35; Ht_15,0
7	36033A05300653	Real Club Celta de Vigo, S.A.D.	339	316
8	36033A05300599	Hdros. de Víctor Barros Arjones	638	152	8	Pés	Eucalyptus globulus; D_40; Ht_15,5
9	36033A05300679	Doral Residencias Gestión Sociosanitaria, S.L.	288	288
10	36033A06700003	Real Club Celta de Vigo, S.A.D.	3.125	3.125
11	36033A06700004	Real Club Celta de Vigo, S.A.D.	2.992	2.992
12	36033A06700005	Real Club Celta de Vigo, S.A.D.	2.454	2.454
13	36033A06700006	Real Club Celta de Vigo, S.A.D.	2.174	2.174
14	36033A06700007	Real Club Celta de Vigo, S.A.D.	1.877	1.877
15	36033A06700008	Real Club Celta de Vigo, S.A.D.	1.878	1.878
16	36033A06700009	Real Club Celta de Vigo, S.A.D.	501	501
17	36033A06700010	Real Club Celta de Vigo, S.A.D.	301	301
18	36033A06700011	Hdros. de Saladina González Lorenzo	107	107
19	36033A06700502	Cesáreo Rodríguez Rodríguez	116	116
20	36033A06700015	Cesáreo Rodríguez Rodríguez	6.866	1.342	26	Pés	Eucalyptus globulus; D_42; Ht_20,9
21	36033A06700012	Real Club Celta de Vigo, S.A.D.	1.779	1.704
22	36033A06700013	Real Club Celta de Vigo, S.A.D.	1.283	1.226
23	36033A06700014	Real Club Celta de Vigo, S.A.D.	1.343	1.285
24	36033A06700018	Real Club Celta de Vigo, S.A.D.	1.531	1.461
25	36033A06700019	Real Club Celta de Vigo, S.A.D.	1.681	1.632
26	36033A06700021	Real Club Celta de Vigo, S.A.D.	2.025	1.968
27	36033A06700024	Real Club Celta de Vigo, S.A.D.	1.171	1.162
28	36033A06700026	Real Club Celta de Vigo, S.A.D.	2.143	2.143
29	36033A06700032	Iria Sandra Pérez Fernández	1.312	1.312
		María Sandra Pérez Fernández
		Óscar Pérez Fernández
30	36033A06700033	Real Club Celta de Vigo, S.A.D.	1.226	1.226
31	36033A06700020	Real Club Celta de Vigo, S.A.D.	883	883
32	36033A06700509	Real Club Celta de Vigo, S.A.D.	206	206
33	36033A06700508	Real Club Celta de Vigo, S.A.D.	143	143
34	36033A06700025	Real Club Celta de Vigo, S.A.D.	502	502
35	36033A06700079	María Dolores Campo Rodríguez	440	440
35	36033A06700079	María José Campo Rodríguez	440	440
36	36033A06700078	Real Club Celta de Vigo, S.A.D.	1.769	1.769
37	36033A06700077	Real Club Celta de Vigo, S.A.D.	2.420	233
38	36033A06700113	Cesáreo Rodríguez Rodríguez	275	275
39	36033A06700114	Real Club Celta de Vigo, S.A.D.	554	554
40	36033A06700116	Pacífico Carrera González	130	130
41	36033A06700115	Real Club Celta de Vigo, S.A.D.	347	347
42	36033A06700118	María Dolores Campo Rodríguez	409	409
42	36033A06700118	María José Campo Rodríguez	409	409
43	36033A06700117	Hdros. de Eduardo Cesáreo Silva Campos	320	320
44	36033A06700119	Real Club Celta de Vigo, S.A.D.	821	821
45	36033A06700120	Real Club Celta de Vigo, S.A.D.	866	866
46	36033A06700121	Real Club Celta de Vigo, S.A.D.	227	227
47	36033A06700512	Real Club Celta de Vigo, S.A.D.	401	401
48	36033A06700513	Real Club Celta de Vigo, S.A.D.	796	796
49	36033A06700123	Real Club Celta de Vigo, S.A.D.	785	785
50	36033A06700124	Carmen Rodríguez Rodríguez	302	302
51	36033A06700133	Cándida González Campo	339	339
52	36033A06700125	Real Club Celta de Vigo, S.A.D.	840	840
53	36033A06700126	Real Club Celta de Vigo, S.A.D.	924	897
54	36033A06700127	Real Club Celta de Vigo, S.A.D.	930	787
55	36033A06700128	Irene Gómez Prado	825	588	40	Pés	Eucalyptus globulus; D_25; Ht_26,3
55	36033A06700128	Irene Gómez Prado	825	588	3	Pés	Pinus pinaster; D_35; Ht_8,19,9
56	36033A06700129	Bernardino Lago	973	587	17	Pés	Eucalyptus globulus; D_25; Ht_14,8
56	36033A06700129	Bernardino Lago	973	587	2	Pés	Pinus pinaster; D_35; Ht_21,3
57	36033A06700130	Hdros. de Arsenio Lorenzo Serodio	909	433	5	Pés	Eucalyptus globulus; D_25; Ht_20,2
58	36033A06700131	Real Club Celta de Vigo, S.A.D.	899	263
59	36033A06700132	José María Carrera González	1.020	44
60	36033A06700498	Real Club Celta de Vigo, S.A.D.	401	401
61	36033A06700112	Real Club Celta de Vigo, S.A.D.	1.856	1.856
62	36033A06700499	Real Club Celta de Vigo, S.A.D.	372	372
63	36033A06700111	Real Club Celta de Vigo, S.A.D.	1.719	1.719
64	36033A06700108	Real Club Celta de Vigo, S.A.D.	3.980	3.980
65	36033A06700106	Real Club Celta de Vigo, S.A.D.	510	510
66	36033A06700511	Real Club Celta de Vigo, S.A.D.	648	648
67	36033A06700510	Real Club Celta de Vigo, S.A.D.	858	858
68	36033A06700507	Real Club Celta de Vigo, S.A.D.	892	892
69	36033A06700100	Real Club Celta de Vigo, S.A.D.	1.493	1.493
70	36033A06700099	María Dolores Campo Rodríguez	795	795
70	36033A06700099	María José Campo Rodríguez	795	795
71	36033A06700095	Real Club Celta de Vigo, S.A.D.	2.743	2.743
72	36033A06700092	Real Club Celta de Vigo, S.A.D.	2.046	217
73	36033A06700017	Clara Mª Rodríguez Fernández	899	103	13	Pés	Eucalyptus globulus; D_38; Ht_17,0
		Mª José Rodríguez Fernández
		Mª Carmen Rodríguez Fernández
		Ana Rosa Rodríguez Fernández
74	36033A06700022	Eduardo Cambeiro Rivero	1.020	49
75	36033A06700023	Digna Barros Rodríguez	401	10