De acordo co disposto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria, cuxo texto completo se pode atopar na Base de datos nacional de subvencións (https://www.infosubvenciones.es/bdnstrans/GE/es/convocatoria/920664).

Primeiro. Persoas beneficiarias

Alumnado matriculado en centros propios no curso 2026/27, nas titulacións oficiais de grao ou máster universitario sinaladas no anexo II da convocatoria, no campus en que se opta á bolsa.

Segundo. Obxecto

O obxecto desta convocatoria é desenvolver programas formativos conxuntos coas empresas e coas institucións que melloren a empregabilidade do estudantado, a través do fomento dunha mellor formación teórica e práctica do estudantado, colaborando, en réxime de compatibilidade cos seus estudos, en actividades cun forte compoñente de aprendizaxe e adquisición de novas capacidades e destrezas directamente vinculadas á titulación en que se matricula.

Terceiro. Bases regulatorias

Resolución reitoral pola que se convocan bolsas de formación en centros de investigación dirixidas ao estudantado da Universidade de Vigo para o curso 2026/27.

Cuarto. Contía

A contía total do crédito destinado a estas axudas será de vinte e catro mil trescentos corenta e un con catro céntimos (24.341,04 €).

Quinto. Prazo de presentación de solicitudes

Desde o 22 de xullo ata o 2 de setembro de 2026.

Vigo, 21 de xullo de 2026

A reitora
P.D. (Resolución reitoral do 2.7.2026; DOG do 8 de xullo)
María Dolores González Álvarez
Vicerreitora de Estudantes e Vida Universitaria