En cumprimento do previsto no artigo 248 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de autorización de vertedura:

Solicitante: Concello de Rois

NIF: P1507500E.

Expediente: DH.V15.116298.

Lugar: Agro Longo.

Parroquia: Urdilde.

Concello: Rois.

Tipo de vertedura: augas residuais domésticas depuradas.

Caudal máximo anual: 64.210 m³/ano.

Punto de vertedura: X=522.332; Y=4.742.097.

Medio receptor: Rego dos Casteláns (conca do río Ulla).

Tratamento/evacuación:

As augas residuais domésticas recollidas no saneamento dos núcleos da Calle e Macedos-Urdilde son tratadas nun sistema de depuración deseñado para 546 habitantes equivalentes e constituído por unha canle de desbaste con reixa automática, peneira de parafuso autolimpante, decantador-dixestor primario, tratamento biolóxico mediante contactor biolóxico rotativo (CBR), decantador secundario e adición de cloruro férrico para a eliminación de fósforo, antes da súa vertedura ao Rego dos Casteláns mediante unha condución de PVC.

O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal) e nas oficinas de Augas de Galicia, situadas na praza de Camilo Díaz Baliño, 7-9, Santiago de Compostela. Para iso, se o desexa, poderá concertar cita previa no correo electrónico tramitaciondph.augas@xunta.gal ou nos teléfonos 981 54 41 41 e 981 54 50 87.

As persoas interesadas poderán presentar alegacións durante o prazo de trinta días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 9 de xuño de 2026

María Belén Pichel García
Xefa da Área de Verteduras