O Decreto 34/2021, do 11 de febreiro, polo que se crea no ámbito do Servizo Galego de Saúde a categoría estatutaria de médico/a de hospitalización a domicilio (Diario Oficial de Galicia núm. 40, do 1 de marzo), establece na disposición transitoria primeira un procedemento específico de acceso á devandita categoría nos termos previstos no artigo 34 da Lei 55/2003, do 16 de decembro, do Estatuto marco do persoal estatutario dos servizos de saúde, e do artigo 25.3 do Decreto 206/2005, do 22 de xullo, de provisión de prazas de persoal estatutario do Servizo Galego de Saúde.

Para estes efectos, o Decreto 34/2021, do 11 de febreiro, establece que se realizará convocatoria diferenciada para o acceso, polo sistema de concurso, á categoría e ás prazas concretas de persoal médico de hospitalización a domicilio, aberta ao persoal licenciado ou graduado universitario en medicina e título oficial de médico/a especialista con vínculo de fixeza que desempeñe ou desempeñase no Servizo Galego de Saúde, na data de entrada en vigor deste decreto ou con anterioridade, as funcións propias da categoría de persoal médico de hospitalización a domicilio.

Convocado o concurso específico para o ingreso na categoría estatutaria de persoal médico de hospitalización a domicilio pola Resolución do 22 de decembro de 2025, da Dirección Xeral de Recursos Humanos (Diario Oficial de Galicia núm. 3, do 7 de xaneiro de 2026), e recibidas as propostas cos/coas aspirantes seleccionados/as realizadas polas comisións avaliadoras de conformidade co previsto nas bases cuarta e quinta da devandita resolución pola que se aproban as bases do procedemento do concurso específico para o ingreso na categoría estatutaria de persoal médico de hospitalización a domicilio, este centro directivo, como órgano convocante do proceso,

RESOLVE:

Primeiro. Declarar finalizado o concurso específico para o ingreso na categoría estatutaria de persoal médico/a de hospitalización a domicilio, convocado pola Resolución desta Dirección Xeral de Recursos Humanos do 22 de decembro de 2025.

Segundo. Nomear como persoal estatutario fixo do Servizo Galego de Saúde as persoas aspirantes seleccionadas que se inclúen no anexo desta resolución, na categoría de persoal médico de hospitalización a domicilio.

Terceiro. Adxudicarlles ás devanditas persoas aspirantes a praza correspondente que figura no indicado anexo.

Cuarto. De conformidade co previsto na base 5.1 da Resolución do 22 de decembro de 2025, o nomeamento terá efecto o día seguinte ao da publicación desta resolución no Diario Oficial de Galicia.

As persoas aspirantes seleccionadas poderán solicitar o pase á situación de excedencia por prestación de servizos no sector público na categoría de orixe.

Quinto. Contra esta resolución, que pon fin á vía administrativa, as persoas interesadas poderán interpoñer recurso contencioso-administrativo no prazo de dous meses, contados a partir do día seguinte ao da súa publicación, ante o xulgado do contencioso-administrativo competente, de conformidade co establecido nos artigos 8, 14 e 46 da Lei 29/1998, do 13 de xullo, reguladora da xurisdición contencioso-administrativa.

Potestativamente, e con carácter previo, poderán interpoñer recurso de reposición, ante esta Dirección Xeral de Recursos Humanos do Servizo Galego de Saúde, no prazo dun mes contado a partir da mesma data.

Santiago de Compostela, 24 de xullo de 2026

María del Mar Pousa Cobas
Directora xeral de Recursos Humanos

ANEXO

Médico/a de hospitalización a domicilio

DNI	Apelidos e nome	Centro directivo	Centro	Localidade	Quenda
***2810**	Benito García, José Ignacio	A.S. de Vigo	Complexo Hospitalario Universitario de Vigo	Vigo	-
***4524**	Carballada Rico, Carmen	A.S. de Ferrol	Complexo Hospitalario Universitario de Ferrol	Ferrol	-
***3423**	Fernández Benito, José	A.S. de Santiago de Compostela e Barbanza	Complexo Hospitalario Universitario de Santiago de Compostela	Santiago de Compostela	-
***8597**	Fernández Fernández, José Luis	A.S. de Lugo, A Mariña e Monforte de Lemos	Hospital Público da Mariña	Burela	-
***6124**	Fernández Lamelo, Fernando José	A.S. de Lugo, A Mariña e Monforte de Lemos	Complexo Hospitalario Universitario de Lugo	Lugo	-
***4094**	Fernández Valdivielso, Elvira	A.S. de Lugo, A Mariña e Monforte de Lemos	Complexo Hospitalario Universitario de Lugo	Lugo	-
***2518**	Fra Pérez, María Belén	A.S. de Lugo, A Mariña e Monforte de Lemos	Hospital Público da Mariña	Burela	-
***2624**	García Martínez, María Aránzazu	A.S. de Lugo, A Mariña e Monforte de Lemos	Complexo Hospitalario Universitario de Lugo	Lugo	-
***8491**	Gayoso Couce, María	A.S. de Pontevedra e O Salnés	Hospital Público do Salnés	Vilagarcía de Arousa	-
***5675**	Goas Castro, Aurora Aida	A.S. de Lugo, A Mariña e Monforte de Lemos	Complexo Hospitalario Universitario de Lugo	Lugo	-
***1936**	Hermida Porto, María Leticia	A.S. da Coruña e Cee	Complexo Hospitalario Universitario da Coruña	A Coruña	-
***1795**	Iglesias Gallego, Marina	A.S. de Santiago de Compostela e Barbanza	Hospital Público da Barbanza	Ribeira	-
***9755**	Iglesias Rey, Antonio	A.S. de Ourense, Verín e O Barco de Valdeorras	Complexo Hospitalario Universitario de Ourense	Ourense	-
***4407**	Lamelo Alfonsín, Fernando	A.S. da Coruña e Cee	Complexo Hospitalario Universitario da Coruña	A Coruña	-
***6977**	Pérez Garrido, María Isabel	A.S. de Ourense, Verín e O Barco de Valdeorras	Complexo Hospitalario Universitario de Ourense	Ourense	-
***9799**	Rodríguez Trigo, Sandra	A.S. de Ourense, Verín e O Barco de Valdeorras	Complexo Hospitalario Universitario de Ourense	Ourense	-
***3482**	Silva César, Miguel Ángel	A.S. da Coruña e Cee	Complexo Hospitalario Universitario da Coruña	A Coruña	-
***4237**	Villamil Cajoto, Iago	A.S. de Lugo, A Mariña e Monforte de Lemos	Hospital Público da Mariña	Burela	-
***3511**	Villar del Castillo Alonso, Alberto Manuel	A.S. de Santiago de Compostela e Barbanza	Complexo Hospitalario Universitario de Santiago de Compostela	Santiago de Compostela	-
(*) Ocúltase parcialmente o número de documento nacional de identidade para preservar os datos de carácter persoal, de acordo coa Lei orgánica 3/2018, do 5 de decembro.