Para os efectos do previsto no artigo 36 da Lei 21/2013, do 9 de decembro, de avaliación de impacto ambiental (BOE núm. 296, do 11 de decembro); no artigo 6 do Real decreto 975/2009, do 12 de xuño, sobre xestión dos residuos das industrias extractivas e de protección e rehabilitación do espazo afectado por actividades mineiras (BOE núm. 143, do 13 de xuño); e no artigo 23 da Lei 3/2008, do 23 de maio, de ordenación da minaría de Galicia (DOG núm. 109, do 6 de xuño), este departamento territorial

ACORDA:

Someter a información pública, durante un prazo de trinta días hábiles, que se contarán desde o seguinte ao da publicación do presente acordo no Diario Oficial de Galicia, o proxecto de explotación, o estudo de impacto ambiental e o plan de restauración da solicitude de ampliación de superficie da autorización de aproveitamento de recursos da sección A de Monte da Costa, número 8, situada no concello de Arteixo, provincia da Coruña, promovida pola sociedade Lista Granit, S.A.

Durante o prazo indicado, aquelas persoas ou entidades que se consideren afectadas polo citado proxecto poderán examinar o expediente na Sección de Minas do Departamento Territorial da Consellería de Economía e Industria da Coruña, Edificio Administrativo de Monelos, 2º andar, rúa Vicente Ferrer, núm. 2, 15071 A Coruña, das 9.00 ás 14.00 horas, de luns a venres, para o que se necesitará cita previa que se pode solicitar no enderezo electrónico seccion.minas.coruna@xunta.gal ou no teléfono 981 18 49 13, así como no portal da devandita consellería (https://economia.xunta.gal/transparencia/informacion-publica/en-tramitacion/explotacions-mineiras), e formular as súas alegacións por escrito ante este órgano administrativo, presentándoas en calquera das oficinas previstas no artigo 16.4 da Lei 39/2015, do 1 de outubro, do procedemento administrativo común das administracións públicas.

Logo de que transcorra o período de información pública, proseguirase coa tramitación da avaliación de impacto ambiental ordinaria, prevista na Lei 22/2013, do 9 de decembro, á que está sometido este proxecto, cuxa autorización compete, como órgano substantivo, á Consellería de Economía e Industria ao abeiro do establecido na Lei 3/2008, do 23 de maio.

A Coruña, 27 de xullo de 2026

Isidoro Martínez Arca
Director territorial da Coruña