DOG 146 do 5/8/2026 - EDICTO de información pública da aprobación inicial do proxecto de expropiación por taxación conxunta dos bens e dereitos necesarios para completar a urbanización parcial da rúa Alonso López, esquina coa rúa Muíño do Vento.

VI. Anuncios

b) Administración local

Concello de Ferrol

EDICTO de información pública da aprobación inicial do proxecto de expropiación por taxación conxunta dos bens e dereitos necesarios para completar a urbanización parcial da rúa Alonso López, esquina coa rúa Muíño do Vento.

A Xunta de Goberno Local, na sesión que tivo lugar o día 4 de maio de 2026, acordou a aprobación inicial do proxecto de expropiación por taxación conxunta dos bens e dereitos necesarios para completar a urbanización parcial da rúa Alonso López, esquina coa rúa Muíño do Vento, e outros acordos complementarios, e facer as publicacións e notificacións regulamentarias.

Consonte o disposto no artigo 118 da Lei 2/2016, do 10 febreiro, do Solo de Galicia, o expediente exponse ao público polo prazo dun mes, contado a partir do día seguinte á súa inserción no Diario Oficial de Galicia, para que aquelas persoas que poidan resultar interesadas formulen as observacións e reclamacións que xulguen convenientes, en particular no que atinxe á titularidade ou á valoración dos seus respectivos dereitos, coa obriga de achegar a documentación acreditativa do seu dereito no devandito prazo.

O expediente pode consultarse nas oficinas do Negociado de Planeamento e Xestión do Concello de Ferrol, sitas na rúa María, número 52-54, 5º andar, das 9.00 ás 14.00 horas, e no taboleiro de anuncios da páxina web do Concello, na seguinte ligazón: https://www.ferrol.es/Sede/TaboleiroAnuncios

Para a debida publicidade, e para os efectos das alegacións oportunas no devandito prazo, exponse a seguinte relación de bens e dereitos para expropiar:

Núm.de predio	Referencia catastral	Superficie predio	Afección	Superficie afectada	Titular	NIF
01	1249712NJ6114N0001HP	194,66 m²	Parcial	122 m²	María Piedad Porta Martínez (25 %)	*8086
					Vicente Antonio Porta Montero (7 %)	*6118
					María José Porta Montero (7 %)	*4480
					Claudina Montero Otero (11 %)	*7800
					María Montserrat Porta Hermida (25 %)	*6053
					Óscar Porta Maciñeira (12,5 %)	*9374
					Araceli María Porta Maciñeira (12,5 %)	*0556
02	1249713NJ6114N0001WP	132 m²	Parcial	26 m²	Javier Orozco Corredoira (50 %)	*1868
02	1249713NJ6114N0001WP	132 m²	Parcial	26 m²	María Esperanza Escribano Villajos (50 %)
03	1249714NJ6114N0001AP	91 m²	Parcial	21 m²	Javier Orozco Corredoira (50 %)	*1868
03	1249714NJ6114N0001AP	91 m²	Parcial	21 m²	María Esperanza Escribano Villajos (50 %)

Ferrol, 24 de xullo de 2026

Xosé Manuel Rey Varela
Alcalde