De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícaselles ás persoas relacionadas no anexo o acto que se indica no expediente sancionador en materia de estradas (Lei 8/2013, do 28 de xuño, de estradas de Galicia), logo de que fose devolto polo servizo de Correos por resultar descoñecida a persoa destinataria ou porque, unha vez intentada, non se puido efectuar a notificación.

Segundo se establece no artigo 46 da citada lei, as persoas interesadas disporán dun prazo de 10 días, contados desde o seguinte ao da publicación deste anuncio no taboleiro de edictos único (TEU) do Boletín Oficial del Estado (BOE), para comparecer na sede deste Departamento Territorial da Consellería de Vivenda e Planificación de Infraestruturas (avenida María Victoria Moreno, 43, 1º, Edificio Administrativo, 36003 Pontevedra), se desexan examinar o expediente e coñecer o contido íntegro deste acto, que contén tamén o ofrecemento dun prazo de alegacións ou de recursos. Transcorrido o dito prazo de dez días sen se efectuar a comparecencia, a notificación entenderase producida desde o día seguinte ao do vencemento do prazo sinalado para comparecer.

A eficacia desta notificación queda supeditada á súa publicación no TEU do BOE.

Pontevedra, 29 de xullo de 2026

José Manuel González González
Director territorial de Pontevedra

ANEXO

Expediente	Persoa interesada	Acto notificado	Precepto infrinxido	Estrada
115/25	Jacobo Álvarez Comesaña	Incoación do expediente	61.2.b)	PO-330, Vigo-Vincios
025/26	José Souto Villanueva	Incoación do expediente	61.3.h)	PO-551, Marín-Rande
028/26	Hdros. de Eugenio Filgueira	Incoación do expediente	61.2.b)	PO-313, Marín-Moaña