No Tribunal de Instancia, Sección do Contencioso-Administrativo número 2 de Santiago de Compostela, tramítase o recurso 205/2026 (procedemento abreviado), interposto por Carlos Bravo Blázquez fronte á desestimación presunta do recurso de reposición formulado o 17 de novembro de 2025, ante a Dirección Xeral de Recursos Humanos do Servizo Galego de Saúde (Sergas), contra a Resolución do 6 de outubro de 2025, da Dirección Xeral de Recursos Humanos, pola que se efectúan o nomeamento como persoal estatutario fixo e a adxudicación de destino definitivo das personas aspirantes seleccionadas nos procesos selectivos, polo sistema de concurso-oposición, para o ingreso en diversas especialidades da categoría de enfermeiro/a especialista, fisioterapeuta e terapeuta ocupacional, convocados polas resolucións de 15 de decembro de 2022 (DOG núm. 202, do 20 de outubro). O recorrente presentouse na categoría de fisioterapeuta.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 3 de agosto de 2026

María del Mar Pousa Cobas
Directora xeral de Recursos Humanos