De conformidade co disposto nos artigos 44 e 82 da Lei 39/2015, do 1 de outubro, do procedemento administrativo común das administracións públicas, notifícaselles e outórgaselles audiencia aos titulares dos establecementos que no anexo se mencionan, no procedemento de baixa e cancelación da inscrición no Rexistro de Empresas e Actividades Turísticas da Comunidade Autónoma de Galicia.

Mediante a visita da Inspección comprobouse que nos establecementos que se relacionan no anexo non se realiza nin exerce a actividade turística.

Considerando que nos expedientes non consta ningunha comunicación do cesamento da actividade, esta área provincial acordou, ao abeiro do establecido no artigo 46 da Lei 7/2011, do 27 de outubro, do turismo de Galicia, e no artigo 17 do Decreto 82/1987, do 26 de marzo, polo que se crea o Rexistro de Empresas e Actividades Turísticas da Comunidade Autónoma de Galicia, iniciar o expediente de baixa de oficio dos establecementos relacionados no anexo.

O que se notifica aos titulares dos establecementos referidos no dito anexo, para que no prazo de 15 días poidan efectuar as alegacións que consideren pertinentes, e poderán examinar o expediente e obter copias dos documentos contidos nel, na Área Provincial da Axencia de Turismo de Galicia de Lugo.

Lugo, 31 de xullo de 2026

Paloma Vázquez Fernández
Xefa da Área Provincial de Turismo de Lugo

ANEXO

Signatura	Denominación	Titular	Enderezo	Localidade
C-LU-000033	El Emigrante	El Houssaine El Omari	Praza Suso Gayoso, 10	Vilalba
V-LU-000518	El Descanso	García y Rivera Foz, S.C.	Estrada Xeral Eixo, 6	Foz
R-LU-000135	El Descanso	García y Rivera Foz, S.C.	Estrada Xeral Eixo, 6	Foz
R-LU-001685	O Carrizo	María José Seoane Bermúdez	Lugar O Carrizo-Santaballa	Vilalba
V-LU-007188	La casa del lobo	La casa del lobo, S.C.	Rúa Basanta Silva, 12	Vilalba