A Alcaldía do Concello do Barco de Valdeorras, mediante o Decreto núm. 2026-1381, do 27 de xullo de 2026 e publicado integramente no taboleiro de anuncios e no Portal de transparencia, aloxados ambos na sede electrónica do Concello (https://sede.concellodobarco.gal), acordou aprobar a oferta de emprego público do ano 2026 do Concello do Barco de Valdeorras incluíndo as seguintes prazas vacantes:
A. Funcionarios de carreira:
A.1. Funcionarios da Administración xeral:
Dúas prazas de funcionario de carreira, escala da Administración xeral, subescala administrativa (2 prazas). Das dúas prazas unha cubrirase polo procedemento de promoción interna e outra mediante quenda libre.
O prazo máximo para a convocatoria do proceso de promoción interna será o 31 de decembro de 2026 e deberá rematar o proceso no prazo máximo de tres anos desde a publicación da oferta de emprego público. O sistema selectivo será o concurso oposición, restrinxida aos funcionarios de carreira do Concello do Barco de Valdeorras.
O prazo máximo para a convocatoria do proceso de selección en quenda libre será o 31 de decembro de 2028 e deberá rematar o proceso no prazo máximo de tres anos desde a publicación da oferta de emprego público. O sistema selectivo será a oposición.
A.2. Funcionarios do corpo de policía local:
– 1 praza de funcionario de carreira, escala básica, categoría policía, denominación policía local, integradas no grupo C, subgrupo C1.
A Academia Galega de Seguridade Pública realizará a selección segundo o Convenio para a asunción pola Administración xeral da Comunidade Autónoma de Galicia da convocatoria e desenvolvemento dos procesos selectivos unitarios para o acceso ás diferentes categorías dos corpos da policía local e das prazas de auxiliares de policía local e das prazas de vixilantes municipais entre a Consellería de Presidencia, Xustiza e Deportes da Xunta de Galicia e o Concello do Barco de Valdeorras, asinado o 18 e o 20 de marzo de 2026, e deberá rematar o proceso no prazo máximo de tres anos desde a publicación da oferta de emprego público.
B. Persoal laboral.
– 1 praza de persoal laboral fixo-descontinuo, denominada peón de parques e xardíns. A selección realizarase en quenda libre e mediante o sistema de concurso oposición. O prazo máximo para a convocatoria do proceso de selección será o 31 de decembro de 2028 e deberá rematar o proceso no prazo máximo de tres anos desde a publicación da oferta de emprego público.
De acordo co previsto na Lei 39/2015, do 1 de outubro, do procedemento administrativo común das administracións públicas, e na Lei 29/1998, do 13 de xullo, reguladora da xurisdición contencioso-administrativa, contra este acordo, que pon fin á vía administrativa, poderá interpoñerse, con carácter potestativo, recurso de reposición no prazo dun mes desde esta publicación ante o alcalde, ou un recurso contencioso-administrativo no prazo de dous meses ante os xulgados do contencioso-administrativo de Ourense.
O Barco de Valdeorras, 28 de xullo de 2026
Aurentino Alonso Araujo
Alcalde