Feitos:

Primeiro. O día 7 de agosto de 2026 tivo entrada nesta unidade a solicitude para a inscrición no Rexistro e depósito de convenios colectivos, acordos colectivos de traballo e plans de igualdade, da acta da Comisión negociadora do VI Convenio colectivo autonómico de Galicia de aparcamentos, garaxes, estacionamentos regulados de superficie e retirada e depósito de vehículo da vía pública, en que se actualizan as táboas salariais para o ano 2026.

Consideracións legais e técnicas:

Primeiro. A Secretaría Xeral de Emprego e Relacións Laborais ten atribuídas, entre outras funcións, as competencias que como autoridade laboral lle corresponden á consellería, de conformidade co disposto no Decreto 147/2024, do 20 de maio, polo que se establece a estrutura orgánica da Consellería de Emprego, Comercio e Emigración.

Segundo. De acordo co artigo 25 do citado Decreto 147/2024, a Secretaría Xeral de Emprego e Relacións Laborais é o órgano competente de coordinación dos rexistros administrativos de eleccións sindicais, de asociacións empresariais e sindicais (Deose), de convenios colectivos (Regcon) e de empresas acreditadas para intervir no proceso de contratación no sector da construción (REA).

Terceiro. O artigo 8 do Real decreto 713/2010, do 28 de maio, sobre rexistro e depósito de convenios colectivos, acordos colectivos de traballo e plans de igualdade, regula o procedemento de inscrición de solicitudes de rexistro e convenios e acordos colectivos de traballo e establece que a autoridade laboral competente ditará a resolución en que ordene o seu rexistro, depósito e publicación no boletín oficial correspondente.

Revisada a documentación achegada e tendo en conta a normativa aplicable, a Secretaría Xeral de Emprego e Relacións Laborais, na súa condición de autoridade laboral,

RESOLVE:

Primeiro. Ordenar o depósito e a inscrición no Rexistro e depósito de convenios colectivos, acordos colectivos de traballo e plans de igualdade, da acta da Comisión negociadora do VI Convenio colectivo autonómico de Galicia de aparcamentos, garaxes, estacionamentos regulados de superficie e retirada e depósito de vehículo da vía pública, en que se actualizan as táboas salariais para o ano 2026.

Segundo. Dispoñer a súa publicación no Diario Oficial de Galicia.

Contra esta resolución, que non pon fin á vía administrativa, poderase interpoñer un recurso de alzada ante o conselleiro de Emprego, Comercio e Emigración no prazo dun mes contado desde o día seguinte ao da súa publicación no Diario Oficial de Galicia, de conformidade co establecido nos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 11 de agosto de 2026

Susana Pérez Iglesias
Secretaria xeral de Emprego e Relacións Laborais

Acta da Comisión Negociadora do VI Convenio Colectivo Autonómico de Galicia de Aparcamentos, Garaxes, Estacionamentos Regulados de Superficie e Retirada e Depósito de Vehículo da Vía Pública

Mediante a videoconferencia realizada o día 2 de xuño de 2026, ás 10.00 horas, reúnense as persoas que a continuación se relacionan, nas representacións que se indican:

Por Asesga:

Ana Herrera Couceiro

María Fernández Ruiz

Teresa Silva Ginel

Teresa Durán Manso

Manuel Barrios Bel

Por CC.OO.:

José Manuel Costas Román

Isabel Barral Rubio

José Manuel Couto Requejo

Por UGT:

Martín Martínez Figueiro

Adrián López Villar

Iván Cancela Romero

Rakel Rodríguez Parada

O obxecto da reunión, previamente coñecido polas partes, é:

Revisar e actualizar, se procede, as táboas salariais aplicables para o ano 2026.

ACORDOS:

Primeiro. En aplicación do establecido na disposición derradeira primeira do convenio, increméntanse nun 2,90% as últimas táboas salariais publicadas correspondentes ao ano 2025, configurando así as novas táboas salariais de aplicación para o ano 2026, que se achegan como anexo a esta acta. As persoas traballadoras afectadas por este convenio non poderán percibir salarios inferiores ao SMI establecido en cada momento; a contía correspondente deberá incrementarse mediante un complemento ao SMI.

Segundo. Acórdase facultar a persoa que designe o Consello Galego de Relacións Laborais para que, en nome desta comisión, realice cantas xestións sexan necesarias para o depósito, rexistro e publicación polos organismos competentes desta acta.

Non habendo máis asuntos que tratar, levántase a sesión ás 10.30 horas.

ANEXO

Táboa salarial ano 2026

Nivel	Clasificación profesional	Salario base mensual (15)	Complemento convenio mensual (15)	Complemento transporte mensual (11)	Total anual	Valor horas extras
Grupo soporte
I	Xefe/a de área	938,10 €	228,52 €	86,01 €	18.445,34 €	10,89 €
	Licenciado/a-Grao superior	1.017,86 €	241,08 €	86,01 €	19.830,13 €	11,94 €
II	Xefe/a de sección	915,39 €	224,78 €	86,01 €	18.048,66 €	10,64 €
	Técnico/a medio - Diplomado/a	978,48 €	234,56 €	86,01 €	19.141,66 €	11,45 €
III	Oficial administrativo	875,03 €	218,42 €	86,01 €	17.347,87 €	10,10 €
IV	Auxiliar administrativo	828,94 €	211,77 €	86,01 €	16.556,84 €	9,60 €
Grupo operativo
I	Xefe/a de servizo ou de centro
II	Encargado/a	915,39 €	224,78 €	86,01 €	18.048,66 €	10,64 €
III	Operador de guindastre	911,61 €	217,64 €	86,01 €	17.884,83 €	10,64 €
	Axente de aparcamento	868,56 €	217,41 €	86,01 €	17.235,66 €	10,04 €
	Oficial de mantemento	868,56 €	217,41 €	86,01 €	17.235,66 €	10,04 €
	Controlador/a	868,56 €	217,41 €	86,01 €	17.235,66 €	10,04 €
	Técnico/a Mantem. ORA/Guindastre	868,56 €	217,41 €	86,01 €	17.235,66 €	10,04 €
	Inspector	869,47 €	217,64 €	86,01 €	17.252,68 €	10,05 €
	Administrativo/a de depósito	861,02 €	216,21 €	86,01 €	17.104,50 €	9,97 €
	Operador/a centro de control	844,58 €	216,43 €	86,01 €	16.861,26 €	9,77 €
IV	Auxiliar de aparcamento	813,76 €	208,63 €	86,01 €	16.281,85 €	9,33 €
	Engraxador/a-Lavacoches
	Axudante de depósito
	Axudante de conservación	813,76 €	208,63 €	86,01 €	16.281,85 €	9,33 €
	Persoal de limpeza	785,74 €	204,25 €	86,01 €	15.795,83 €	9,01 €