En cumprimento do disposto na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental; na Lei 9/2021, do 25 de febreiro, de simplificación administrativa e de apoio á reactivación económica de Galicia; na Lei 24/2013, do 26 de decembro, do sector eléctrico; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 21/2013, do 9 de decembro, de avaliación ambiental e demais normas vixentes de aplicación, sométese a información pública a solicitude relacionada coa instalación que se describe a continuación:
Solicitante/promotor: Iberdrola Renovables Galicia, S.A. (NIF: A32259541).
Enderezo: rúa Circunvalación 17. 32350 A Rúa (Ourense).
Denominación do proxecto: Repotenciación do parque eólico Monte Treito.
Núm. expediente: IN408A 2025/019.
Concellos afectados: Dodro, Lousame, Rianxo e Rois (A Coruña).
Potencia que se instalará: 31,5 MW (7 aeroxeradores a 4,5 MW).
Potencia evacuable: 30,39 MW.
Produción neta anual: 109 373 MWh/ano.
Orzamento de execución material: 33.995.697,07 €.
Prazo de execución: nove (9) meses.
Ámbito territorial e localización das instalacións:
Coordenadas perimétricas da poligonal do parque eólico repotenciado:
|
Vértice poligonal |
Coordenadas UTM fuso 29 ETRS89 |
|
|
X |
Y |
|
|
R01 |
515.874,27 |
4.735.585,16 |
|
R02 |
517.574,29 |
4.735.585,16 |
|
R03 |
517.073,46 |
4.733.785,30 |
|
R04 |
519.374,42 |
4.733.351,79 |
|
R05 |
520.174,68 |
4.734.485,15 |
|
R06 |
520.174,68 |
4.734.975,15 |
|
R07 |
521.674,33 |
4.734.975,15 |
|
R08 |
521.674,33 |
4.734.485,15 |
|
R09 |
520.374,43 |
4.730.785,42 |
|
R10 |
518.574,30 |
4.731.485,13 |
|
R11 |
517.818,74 |
4.730.285,12 |
|
R12 |
515.240,94 |
4.730.285,12 |
|
R13 |
516.174,28 |
4.732.385,14 |
|
R14 |
515.274,27 |
4.732.985,14 |
Coordenadas dos aeroxeradores:
|
Aeroxerador |
Coordenadas UTM fuso 29 ETRS89 |
|
|
X |
Y |
|
|
10.1 |
516.191,00 |
4.733.871,00 |
|
10.2 |
516.209,00 |
4.733.418,00 |
|
10.3 |
517.319,00 |
4.732.119,00 |
|
10.4 |
517.361,00 |
4.731.514,00 |
|
10.5 |
520.116,00 |
4.733.319,00 |
|
10.6 |
519.732,00 |
4.732.363,00 |
|
10.7 |
516.892,00 |
4.730.463,00 |
Coordenadas da subestación de Treito:
|
Vértices subestación |
Coordenadas UTM fuso 29 ETRS89 |
|
|
X |
Y |
|
|
1 |
519.183,14 |
4.732.651,06 |
|
2 |
519.211,90 |
4.732.631,10 |
|
3 |
519.219,47 |
4.732.617,05 |
|
4 |
519.239,70 |
4.732.652,01 |
|
5 |
519.202,13 |
4.732.678,17 |
Obxecto da actuación:
O parque eólico Monte Treito está en funcionamento desde o ano 2001. Por este motivo, Iberdrola Renovables Galicia, S.A., promove unha renovación tecnolóxica completa do parque, que implica a desinstalación dos corenta (40) aeroxeradores existentes e a súa substitución por sete (7) aeroxeradores de maior potencia e eficiencia, mantendo a potencia máxima evacuable autorizada.
Na fase de desmantelamento do parque está prevista a retirada dos aeroxeradores, centros de transformación, cimentacións existentes, unha torre de medición, canalizacións eléctricas subterráneas e camiños cuxo uso non se prevé coa nova configuración. Tamén se levará a cabo a restauración ambiental dos terreos e a adaptación da subestación eléctrica existente ás novas condicións de explotación derivadas da repotenciación.
Características técnicas da instalación:
• Sete (7) aeroxeradores tripá do fabricante Vestas modelo V136, de 4,5 MW de potencia nominal unitaria, cun diámetro de rotor de 136 m e unha altura de buxa de 82 m.
• Sete (7) centros de transformación de 5.300 kVA de potencia e relación de transformación 0,72/20 kV, que se instalarán no interior de cada aeroxerador, cos seus correspondentes equipamentos de seccionamento, manobra e protección.
• Rede soterrada de 20 kV para conectar os aeroxeradores coa subestación existente de Treito 66 kV, composta por tres circuítos de ternas de cable unipolar do tipo RH5Z1-OL 12/20 kV AL + H16 XLPE, de seccións de 240 mm2 e 500 mm2.
• Rede de comunicacións Ethernet co fin de realizar as tarefas de monitorización e control do parque eólico, que usará como soporte un cable de fibra óptica con 16 fibras monomodo, que se tenderá nas mesmas gabias dispostas para a evacuación da enerxía eléctrica.
• Rede de posta á terra constituída por cable de cobre espido de 50 mm2 de sección.
• Adaptación na subestación eléctrica existente de Treito 66 kV, obxecto do expediente IN407A-1999/227-1, ás novas condicións de explotación derivadas da repotenciación do parque eólico Monte Treito, consistente na redución do número de circuítos de media tensión procedentes dos aeroxeradores de catro (4) a tres (3), na adecuación das conexións da rede soterrada de 20 kV ás correspondentes celas de liña da subestación, mantendo unha das celas como reserva, e a substitución do armario de control de planta (PPC) e do sistema Scada do parque eólico.
• A evacuación da enerxía realizarase desde a SET de Treito 66 kV a través da liña aérea existente LAT 66 kV parque eólico Monte Treito, obxecto do expediente IN407A 1999/226-1, ata a liña Tambre-Padrón de 66 kV. A infraestrutura de evacuación existente non forma parte do presente proxecto.
• Obra civil consistente na execución das plataformas de montaxe e cimentacións dos aeroxeradores, así como a creación ou adecuación das vías de acceso, da rede interior, das canalizacións para conducións eléctricas e obras auxiliares asociadas.
Obxecto da información pública:
A solicitude ten por obxecto o outorgamento das autorizacións administrativas previa e de construción das instalacións de produción de enerxía eléctrica correspondente ao proxecto de repotenciación do parque eólico Monte Treito. Estas autorizacións, de conformidade co disposto no artigo 53.1, letras a) e b), da Lei 24/2013, do 26 de decembro, do sector eléctrico, confiren respectivamente o dereito a realizar unha instalación concreta e a facultade para a súa construción. Os procedementos tramítanse segundo o establecido na Lei 8/2009, do 22 de decembro, pola que se regula o aproveitamento eólico en Galicia. A competencia para autorizar os proxectos corresponde á Dirección Xeral de Enerxías Renovables e Cambio Climático.
O proxecto das instalacións eléctricas está sometido ao procedemento de avaliación de impacto ambiental ordinaria, de acordo co disposto no artigo 7.1 da Lei 21/2013, do 9 de decembro, de avaliación ambiental.
Documentación que se expón:
1. O proxecto de execución: repotenciación do parque eólico Monte Treito. Concellos de Dodro, Lousame, Rianxo e Rois, A Coruña (España) (visado 15.1.2026).
2. O estudo de impacto ambiental (EIA): Estudo de impacto ambiental do proxecto de renovación tecnolóxica do parque eólico Monte Treito. Termos municipais de Lousame, Rois, Rianxo e Dodro (provincia da Coruña). Xaneiro 2026 (asinado o 21.1.2026).
Polo exposto, sométese a información pública para o coñecemento xeral e para que se poida examinar a documentación técnica anteriormente relacionada e, de ser o caso, presentar as alegacións ou observacións que se consideren oportunas, dentro do prazo de trinta (30) días, que se contará a partir do día seguinte ao da publicación deste acordo no Diario Oficial de Galicia (DOG), de conformidade co artigo 33.10 da citada Lei 8/2009, do 22 de decembro.
A documentación estará á disposición para a súa consulta nas dependencias do Servizo de Enerxías Renovables e Infraestruturas do Departamento Territorial da Coruña da Consellería de Medio Ambiente e Cambio Climático (rúa Vicente Ferrer, núm. 2, 2º andar, 15071 A Coruña, teléfonos 981 18 49 82 e 981 18 49 83), de luns a venres, das 9.00 ás 14.00 horas, así como nas casas dos concellos afectados. Así mesmo, tamén se poderá consultar no portal web desta consellería a través da seguinte ligazón:
https://medioambiente.xunta.gal/enerxias-renovables/documentos-exposicion-publica
A Coruña, 10 de agosto de 2026
Mª Pilar Arias Graña
Directora territorial da Coruña