O Pleno da Corporación, na sesión que tivo lugar o día 25 de xuño de 2026, adoptou, entre outros, o seguinte acordo:

Primeiro. Aprobar definitivamente o estudo de detalle para a agregación de dúas parcelas na rolda da Muralla, números 37 e 38, no concello de Lugo, promovido pola entidade mercantil Mosquera Alvariño Promociones, S.L., de conformidade co que dispón o artigo 80 da Lei 2/2016, do solo de Galicia.

Segundo. Publicar este acordo no Diario Oficial de Galicia e remitirlle o estudo de detalle á consellería competente en materia de urbanismo para inscribilo no Rexistro de Ordenación do Territorio e Planeamento Urbanístico de Galicia, conforme ao disposto nos artigos 82 e 88 da Lei 2/2016, do solo de Galicia.

O contido íntegro do documento estará á disposición do público no sitio web do Concello de Lugo.

Terceiro. Contra a aprobación definitiva do estudo de detalle poderase interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ao da súa publicación no Diario Oficial de Galicia.

O contido íntegro do documento aprobado poderá consultarse na seguinte ligazón: https://concellodelugo.gal/gl/actuacions/normativa-urbanistica

Lugo, 16 de xullo de 2026

A alcaldesa
P.D. (Decreto da Alcaldía 4003/2026, do 12 de maio)
Ramón Manuel Cabarcos Rodríguez
Tenente de alcaldesa e delegado da Área de Urbanismo