Mediante a Resolución do 28 de abril de 2026 (DOG do 11 de maio e BOE do 8 de xuño), convocáronse probas selectivas para cubrir seis prazas na escala de axudantes de arquivos, bibliotecas e museos, especialidade biblioteca (subgrupo A2) da USC, pola quenda de acceso libre. Unha vez finalizado o prazo de presentación de solicitudes,
RESOLVO:
Primeiro. Declarar aprobada e facer pública a lista provisional de persoas admitidas e excluídas ás citadas probas pola quenda de acceso libre.
Segundo. Indicar que a citada lista provisional está exposta no taboleiro electrónico da USC e na web:
https://www.usc.gal/gl/institucional/goberno/area/xestionpersoal/PAS/oep/listado
Terceiro. As persoas aspirantes excluídas ou que non figuren na relación de admitidas, dispoñen dun prazo de dez días hábiles, contados a partir do seguinte ao da publicación desta resolución no Diario Oficial de Galicia, para poder emendar os defectos que motivaran a exclusión ou a omisión.
Cuarto. Para emendar a exclusión ou omisión cubrirase o formulario de emendas do catálogo de procedementos na seguinte ligazón:
https://sede.usc.es/formularios/solicitudes/emendaSelecPersoalFuncionario.htm
Quinto. As persoas aspirantes que, dentro do prazo sinalado, non emenden a exclusión ou aleguen a omisión, xustificando o dereito a ser incluídas na relación de persoas admitidas, serán definitivamente excluídas da realización das probas.
Sexto. Nomear, en aplicación da base 5.1 da convocatoria, o tribunal do proceso selectivo. Estará composto polas seguintes persoas:
Tribunal titular:
Presidenta:
– María Isabel Casal Reyes, funcionaria de carreira da escala facultativa de arquivos, bibliotecas e museos da USC.
Vogais:
– Ana González da Costa, funcionaria de carreira da escala facultativa de arquivos, bibliotecas e museos da USC.
– Cristal Martínez Pousa, funcionaria de carreira da escala de axudantes de arquivos, bibliotecas e museos, especialidade bibliotecas da USC.
– Antonio Fernández Domínguez, funcionario de carreira da escala facultativa de arquivos, bibliotecas e museos, especialidade de arquivos da Xunta de Galicia.
Secretario:
– José Ramón Basante Barbazán, persoal directivo profesional da USC, que actuará con voz e voto.
Tribunal suplente:
Presidenta:
– María Cana Villar, funcionaria de carreira da escala facultativa de arquivos, bibliotecas e museos, especialidade bibliotecas da USC.
Vogais:
– César Gómez Pérez, funcionario de carreira da escala de axudantes de arquivos, bibliotecas e museos, especialidade bibliotecas da USC.
– María Carmen Posse Rivera, funcionaria de carreira da escala de axudantes de arquivos, bibliotecas e museos, especialidade bibliotecas da USC.
– María Lourdes Pérez González, funcionaria de carreira da escala facultativa de arquivos, bibliotecas e museos, especialidade bibliotecas da USC.
Secretaria:
– Elsa María Mosquera Barcia, funcionaria de carreira da escala técnica superior de Administración da USC, que actuará con voz e voto.
Santiago de Compostela, 21 de agosto de 2026
Rosa María Crujeiras Casais
Reitora da Universidade de Santiago de Compostela