Mediante o Acordo do Pleno do 28 de maio de 2026, aprobouse a modificación puntual número 2 das normas subsidiarias de planeamento municipal de Ponte Caldelas.

Conforme ao disposto no artigo 18 da Lei 1/2019, en relación co artigo 83.5.b) da Lei 2/2016, sométese o expediente a información pública durante o prazo dun mes, a través da publicación do correspondente anuncio no Diario Oficial de Galicia e en dous dos xornais de maior difusión na provincia.

Durante este prazo, calquera persoa interesada poderá examinar o expediente nas dependencias municipais ou na sede electrónica deste Concello (https://pontecaldelas.sedelectronica.es/info.0), así como formular as alegacións que considere pertinentes.

Conforme ao artigo 47 da Lei 2/2016 e ao artigo 86 do Decreto 143/2016, suspéndese o procedemento de outorgamento de licencias de parcelación de terreos, edificación e demolición no ámbito da citada modificación puntual non substancial durante o prazo máximo de dous anos, contados desde a aprobación inicial, e extinguirase a suspensión coa aprobación definitiva da modificación puntual non substancial.

Ponte Caldelas, 24 de agosto de 2026

Andrés Díaz Sobral
Alcalde