Para os efectos previstos no artigo 54 da Lei 7/2012, do 28 de xuño, de montes de Galicia, dáselle publicidade á proposta de deslindamento parcial do monte veciñal en man común Serra de Férveda, Marco e Pedreda con propiedades particulares, presentada o 2 de abril de 2025 pola comunidade de Tórdea, propietaria do monte.

O día 21 de agosto de 2026, o Servizo de Montes de Lugo emitiu un informe favorable relativo a esta proposta.

Contra o deslindamento proposto, no prazo dun mes, que comezará a contar a partir do día seguinte ao da publicación deste anuncio, as persoas interesadas poderán presentar perante a comunidade propietaria as alegacións e os títulos que acrediten a propiedade ou a posesión dos predios afectados.

Durante este prazo, a documentación deste expediente estará dispoñible para a súa consulta no Servizo de Montes de Lugo, na rolda da Muralla, 70, baixo 2º, de luns a venres, das 9.00 ás 14.00 horas, para os efectos de coñecer integramente o contido da devandita proposta.

Lugo, 3 de setembro de 2026

María Olga Iglesias Fontal
Directora territorial de Lugo