Elaborada a proposta de estrutura de custos do servizo de recollida e transporte de residuos sólidos urbanos dos concellos de Begonte, Castro de Rei, Cospeito, Friol, Guntín, Mondoñedo, Outeiro de Rei e Rábade, ao abeiro do disposto no artigo 9.7.c) do Real decreto 55/2017, do 3 de febreiro, polo que se desenvolve a Lei 2/2015, do 30 de marzo, de desindexación da economía española, sométese ao trámite de información pública polo prazo de vinte (20) días, a partir da súa publicación no Diario Oficial de Galicia, durante os cales os interesados no expediente poderán formular as alegacións que se consideren oportunas.

Por outra banda, e ao abeiro do disposto no artigo 83.2 da Lei 39/2015, do 1 de outubro, do procedemento administrativo común das administracións públicas, o expediente de estrutura de custos ponse á disposición das persoas interesadas na sede electrónica do Concello de Begonte (https://begonte.sedeelectronica.es).

A proposta de estrutura de custos foi elaborada baixo criterios técnicos e contrastada coas estruturas de custos presentadas polos tres operadores económicos que deron resposta ao requirimento do Concello. Polo tanto, a estrutura considérase axeitada para tomar como referencia no establecemento do réxime de revisión de prezos que figurará prevista nos pregos que rexerán o futuro contrato de servizos.

Estrutura simplificada de custos:

Epígrafe	Estudo custos
Custos xestión de residuos	43,62 %
Custos de persoal	32,91 %
Gastos en bens correntes e servizos	09,83 %
Varios	02,19 %
Amortización e financiamento	11,45 %

O que se fai público para xeral coñecemento.

Begonte, 8 de setembro de 2026

José Ulla Rocha
Alcalde