Mediante a Orde do 31 de xullo de 2026, publicada no Diario Oficial de Galicia número 149, do 10 de agosto de 2026, convocouse a provisión, polo sistema de libre designación, de tres postos de traballo da Consellería de Medio Ambiente e Cambio Climático que se detallan no anexo desta orde.
De conformidade co establecido nos artigos 88.2 e 92 da Lei 2/2015, do 29 de abril, do emprego público de Galicia, e nos artigos 6.2, 8 e 27 do Decreto 151/2022, do 4 de agosto, polo que se aproba o Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galicia e das entidades públicas instrumentais integrantes do sector público autonómico, e en uso das atribucións conferidas polo artigo 17.2.c) da citada lei, esta consellería
DISPÓN:
Primeiro. Resolver a convocatoria pública efectuada mediante a Orde do 31 de xullo de 2026 e adxudicarlles ás persoas funcionarias de carreira indicadas no anexo os postos que tamén se especifican, unha vez vistas as propostas-informes da persoa titular do centro directivo ao que están adscritos os postos convocados sobre a apreciación da súa idoneidade para o desempeño do correspondente posto con respecto ás demais persoas solicitantes e ao considerar que cumpren cos requisitos e especificacións que se exixen para o posto adxudicado na relación de postos de traballo e, polo tanto, na convocatoria.
Segundo. O cesamento no destino actual efectuarase no prazo de tres días hábiles contados a partir do seguinte ao da publicación desta resolución de convocatoria pública de libre designación no Diario Oficial de Galicia ou, de ser o caso, segundo o establecido na normativa de aplicación na Administración de procedencia.
A toma de posesión da praza adxudicada deberá efectuarse no prazo de tres (3) días hábiles a partir do día seguinte ao do cesamento se non implica cambio de residencia ou de sete días hábiles se comporta cambio de residencia. Cando a persoa adxudicataria do posto obteña coa súa toma de posesión o reingreso ao servizo activo, o prazo será dun (1) mes.
O cómputo dos prazos posesorios iniciarase cando finalicen os permisos ou licenzas que, de ser o caso, fosen concedidos. Nos supostos de incapacidade temporal, o cómputo do prazo iniciarase a partir da correspondente alta.
Terceiro. As dilixencias de cesamento e toma de posesión do persoal funcionario deberán ser tramitadas a través do sistema electrónico que xestiona o Rexistro Único de Persoal e de Postos de Traballo, de conformidade co establecido no artigo 7 do citado Decreto 151/2022, do 4 de agosto.
Cuarto. Contra esta orde, que pon fin á vía administrativa, as persoas interesadas poderán interpoñer recurso potestativo de reposición perante a persoa titular da Consellería de Medio Ambiente e Cambio Climático, no prazo dun mes contado a partir do día seguinte ao da súa publicación no Diario Oficial de Galicia, consonte o establecido na Lei 39/2015, do 1 de outubro, do procedemento administrativo común das administracións públicas, ou poderán impugnala directamente perante o xulgado do contencioso-administrativo competente, no prazo de dous meses contados a partir da mesma data, segundo o que establece a Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 11 de setembro de 2026
Ángeles Vázquez Mejuto
Conselleira de Medio Ambiente e Cambio Climático
ANEXO
Apelidos e nome: Thomas de Carranza Moreira, Catalina Anastasia.
NRP/DNI: ******9802 A2060.
Grupo/subgrupo: A1.
Corpo e/ou escala: corpo superior da Administración xeral da Comunidade Autónoma de Galicia.
Código do posto: MA.C03.00.002.15770.001.
Denominación: subdirector/a xeral de Meteoroloxía e Cambio Climático.
Nivel: 30.
Centro de destino: Dirección Xeral de Enerxías Renovables e Cambio Climático.
Localidade: Santiago de Compostela.
Apelidos e nome: Bernal Cortegoso, María Teresa.
NRP/DNI: ******7024 A2060.
Grupo/subgrupo: A1.
Corpo e/ou escala: corpo superior da Administración xeral da Comunidade Autónoma de Galicia.
Código do posto: MA.C03.00.003.15770.001.
Denominación: subdirector/a xeral do Litoral.
Nivel: 30.
Centro de destino: Dirección Xeral de Enerxías Renovables e Cambio Climático.
Localidade: Santiago de Compostela.
Apelidos e nome: Lamas Rivero, Patricia.
NRP/DNI: ******5146 A2060.
Grupo/subgrupo: A1.
Corpo e/ou escala: corpo superior da Administración xeral da Comunidade Autónoma de Galicia.
Código do posto: MA.C03.00.000.15770.055.
Denominación: xefatura do Servizo de Planificación e Coordinación.
Nivel: 28.
Centro de destino: Dirección Xeral de Enerxías Renovables e Cambio Climático.
Localidade: Santiago de Compostela.
* O NRP/DNI encóntrase cifrado co fin de protexer os datos de carácter persoal.