De acordo co disposto na Lei orgánica 2/2023, do 22 de marzo (BOE do 23 de marzo), do sistema universitario (en diante, LOSU), e, en virtude do previsto no Real decreto 678/2023, do 18 de xullo, polo que se regula a acreditación estatal para o acceso aos corpos docentes universitarios e o réxime dos concursos de acceso a prazas dos ditos corpos (BOE do 6 de setembro), (en diante, RDCA), e ao abeiro do establecido nos estatutos da Universidade de Vigo, aprobados polo Decreto 13/2019, do 24 de xaneiro, da Xunta de Galicia (DOG do 22 de febreiro), conforme o acordo adoptado polo Consello de Goberno e publicada no Diario Oficial de Galicia, tras obter a oportuna autorización da Comunidade Autónoma de Galicia, a oferta de emprego público do persoal docente e investigador para o ano 2024 (Resolución do 20 de decembro de 2024; DOG do 27 de decembro), que recolle unha reserva do 15 % de prazas para investigadores de excelencia con acreditación I3/R3.

Este reitorado, no uso das competencias recoñecidas pola LOSU, resolveu convocar concurso, polo procedemento de urxencia, das prazas que figuran no anexo I desta resolución, que se corresponden con parte da mencionada cota, con suxeición ás seguintes

Bases da convocatoria

Primeira. Normas xerais

Este concurso rexerase pola LOSU, o RDCA, a Lei 39/2015, do 1 de outubro, do procedemento administrativo común das administracións públicas (BOE do 2 de outubro), (en diante, LPACAP), a Lei 40/2015, do 1 de outubro, de réxime xurídico do sector público (BOE do 2 de outubro), (en diante, LRXSP), o Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado Público (BOE do 31 de outubro), (en diante, EBEP), a normativa reguladora dos concursos de acceso aos corpos docentes universitarios e ás categorías de profesorado permanente laboral e axudante doutor, aprobada polo Consello de Goberno o 20 de decembro de 2024 (modificada en Consello de Goberno o 12 de marzo de 2025) e as bases desta convocatoria e demais normativa que resulten de aplicación.

Segunda. Requisitos das persoas candidatas

2.1. Para poderen ser admitidas a realizar estas probas selectivas, as persoas que sexan aspirantes deberán reunir os requisitos exixidos nesta base na data de finalización do prazo de presentación de solicitudes e mantelos ata a toma de posesión:

a) Ter nacionalidade española ou ser nacional dun Estado membro da Unión Europea ou nacional daqueles Estados aos cales, en virtude de tratados internacionais subscritos pola Unión Europea e ratificados por España, lles sexa de aplicación a libre circulación de traballadores e traballadoras nos termos establecidos no EBEP.

Tamén poderán participar o cónxuxe, descendentes e descendentes do cónxuxe, das persoas con nacionalidade española e de quen sexa nacional doutros Estados membros da Unión Europea, sempre que non estean separados de dereito, menores de vinte e un anos ou maiores da dita idade que vivan ás súas expensas. Este último beneficio será igualmente de aplicación a familiares de nacionais doutros Estados cando así se prevexa nos tratados internacionais subscritos pola Unión Europea e ratificados por España.

b) Ter dezaseis anos de idade e non ter superado os setenta.

c) Estar en posesión da titulación de doutor ou doutora. No caso de títulos obtidos no estranxeiro, deberase achegar credencial que acredite a súa homologación ou o seu recoñecemento para o exercicio como docente de universidade.

d) Estar acreditado ou acreditada para o corpo docente de profesores e profesoras titulares de universidade conforme o establecido no RDCA ou no Real decreto 1312/2007, do 5 de outubro, ou ben estar habilitado/a para o corpo de profesores e profesoras titulares de universidade conforme o establecido no Real decreto 774/2002, do 26 de xullo.

e) Ter aboado as taxas por dereitos de exame dentro do prazo de presentación de solicitudes.

f) Non ter sido separado/a do servizo, mediante expediente disciplinario, de ningunha Administración pública, nin encontrarse inhabilitado/a para o exercicio das funcións públicas. Quen sexa aspirante de nacionalidade distinta á española, deberá acreditar non estar baixo sanción disciplinaria ou condena penal que impida, no seu Estado, o acceso á función pública.

g) Posuír a capacidade funcional para o desempeño das tarefas correspondentes á praza.

h) Estar en posesión de certificado I3/R3, obtido tal e como establece a Secretaría Xeral de Universidades para a emisión dos ditos certificados.

2.2. As persoas candidatas acreditarán o coñecemento de, polo menos, unha das dúas linguas oficiais da Universidade de Vigo no momento de saída a concurso da praza, de conformidade co establecido na lexislación vixente, e cos seguintes efectos:

a) As persoas candidatas acreditarán un coñecemento suficiente do español como lingua estranxeira de nivel B2 ou superior, mediante algún dos certificados incluídos na táboa de acreditacións aceptadas pola Asociación de Centros de Linguas no Ensino Superior (ACLES). Estarán exentas deste requisito as persoas que sexan nacionais de Estados que teñan o español como lingua oficial.

b) A acreditación do coñecemento do idioma galego farase de conformidade coa normativa autonómica aplicable mediante un diploma Celga3 (o equivalente) ou superior.

A Universidade de Vigo disporá os medios necesarios para que o profesorado seleccionado que inicialmente non poida acreditar algunha das dúas linguas oficiais da Universidade de Vigo estea en condicións de facelo antes de transcorridos dous anos desde o nomeamento, de tal xeito que dous anos tras o nomeamento teña as competencias requiridas tanto en lingua española como galega.

2.3. As persoas aspirantes que teñan recoñecida legalmente unha discapacidade igual ou superior ao 33 % deberán achegar fotocopia do certificado en vigor que acredite o recoñecemento da discapacidade de que se trate. En caso de precisar algunha adaptación, e co obxecto e de que se poida garantir a igualdade de oportunidades das persoas con discapacidade e poder adoptar as medidas oportunas, xuntaráselle á solicitude de participación no concurso un escrito en que en que soliciten as adaptacións de tempo e medios correspondentes. As persoas aspirantes a que se refire este parágrafo que non soliciten as adaptacións no momento de presentar a solicitude de participación ao concurso entenderase que non as precisan ou que renuncian a elas, e non poderán formular solicitude delas en ningún outro momento posterior do procedemento.

Á vista das propostas de adaptación efectuadas, a Comisión de Acceso determinará as medidas de adaptación ás necesidades das persoas con discapacidade que fosen admitidas ao concurso e así o solicitasen.

2.4. De conformidade co artigo 72.2 da LOSU, non poderá participar neste concurso quen ocupe unha praza de corpos docentes universitarios nesta ou noutra universidade, obtida mediante concurso de acceso, salvo que se producise o desempeño efectivo dela durante, polo menos, dous anos.

Terceira. Solicitude telemática

3.1. O prazo de presentación de solicitudes será de vinte días hábiles, contados a partir do día seguinte ao da publicación desta convocatoria no Boletín Oficial del Estado. Cando o último día do prazo for inhábil, entenderase prorrogado ao primeiro día hábil seguinte.

3.2. Para solicitar a participación neste concurso, as persoas interesadas deberán cubrir previamente, para cada referencia/praza, e en todo caso durante o prazo indicado na base 3.1, o formulario que, se establecese especificamente e que estará dispoñible a través das ligazóns indicadas na epígrafe «Observacións» da información electrónica desta convocatoria (accesible na web http://secretaria.uvigo.gal/uv/web/convocatoria/public/index, filtrando por Tipo: «Concursos de profesorado» e empregando como palabra clave «TU2504»). Esta mesma aplicación permitirá levar a cabo a liquidación dos dereitos de exame a que se fai referencia na base 3.5.

3.3. Sen prexuízo da inscrición e o pagamento anteriores, durante o prazo indicado na base 3.1 e a través da sede electrónica da Universidade de Vigo (https://sede.uvigo.gal), mediante o procedemento específico «SPDI-4º concurso público profesores/as titulares de universidade (reserva I3/R3)» presentaranse os seguintes documentos, e será causa de exclusión a falta dalgún deles:

a) Copia simple do documento nacional de identidade. Quen sexa aspirante, non posúa a nacionalidade española e teña dereito a participar deberá presentar fotocopia do documento que acredite a súa nacionalidade e, de ser o caso, os documentos que acrediten o vínculo de parentesco e o feito de viviren a expensas ou estaren a cargo de quen for nacional doutro Estado co cal teña o dito vínculo. Así mesmo, deberá presentar declaración xurada ou promesa de non estar separado de dereito do seu cónxuxe e, de ser o caso, do feito de viviren ás súas expensas ou estaren ao seu cargo.

b) Copia do título de doutor ou doutora, que se poderá substituír polo informe obtido desde «A miña Carpeta cidadá» (https://carpetaciudadana.gob.es/), epígrafe «Títulos universitarios». Cando corresponda, deberase xuntar a credencial de homologación ou recoñecemento profesional.

c) Copia dos documentos que acrediten o cumprimento dos requisitos que se sinalan na alínea «d)» da base 2.1.

d) Copia dos documentos que acrediten o cumprimento dos requisitos que se sinalan na alínea «h)» da base 2.1.

e) Unicamente no caso de aspirantes que ocupen unha praza de corpos docentes universitarios (funcionarios) e non pertenzan á Universidade de Vigo, certificado orixinal (folla de servizos) da universidade ou organismo de que dependan, que acredite o seu desempeño.

f) Xustificante, de ser o caso, da exención parcial ou total de taxas.

g) Unicamente no caso de aspirantes de Estados que non teñan o castelán como lingua oficial, certificación ou documento que acredite o cumprimento dalgún dos requisitos de idioma que se sinalan na base 2.2.

3.4. De conformidade co disposto no artigo 16.8 da LPACAP, carecerá de validez e eficacia a presentación de solicitudes e a realización de calquera acto efectuado a través de medios distintos dos indicados nestes dous puntos. A non inscrición en prazo e a non presentación de documentación en sede en prazo non son emendables e determinarán a exclusión definitiva do concurso de quen sexa aspirante.

3.5. Os dereitos de exame para cada praza (TU2504) serán de 44,17 euros. O pagamento deberase levar a cabo no prazo de presentación de instancias a que se refire a base 3.1. A falta de pagamento dos dereitos de exame en prazo non é emendable e determinará a exclusión definitiva do concurso de quen sexa aspirante, excepto que acredite o pagamento ou a exención da citada taxa.

A liquidación de taxas realizarase a través da aplicación de inscrición, e o importe correspondente poderá aboarse en efectivo ou con tarxeta. En efectivo poderase facer unicamente nalgunha das entidades bancarias colaboradoras coa Universidade de Vigo: Abanca, Banco Santander ou CaixaBank. Con tarxeta realizarase a través da aplicación informática, que permitirá seleccionar esta opción, e será necesario seguir con atención o proceso ata a súa finalización e comprobar que o pagamento foi realizado correctamente.

Segundo o disposto no artigo 23 da Lei 6/2003, do 9 de decembro, de taxas, prezos e exaccións da Comunidade Autónoma de Galicia, estarán exentas do pagamento as persoas con discapacidade igual ou superior ao 33 % e os membros de familias numerosas clasificadas na categoría especial. Aplicaráselles unha bonificación do 50 % na taxa de inscrición aos membros de familias numerosas de categoría xeral. Nos tres supostos será necesario que coa solicitude presenten as respectivas certificacións que o acrediten.

Así mesmo, terán unha bonificación do 50 % da taxa as persoas que figuren como demandantes de emprego desde, polo menos, os seis meses anteriores á data de publicación desta convocatoria e que non estean percibindo prestación ou subsidio por desemprego, aspectos que deberán ser certificados pola oficina dos servizos públicos de emprego.

De conformidade co disposto na Lei 8/1989, do 13 de abril, de taxas e prezos públicos, procederá a devolución das taxas de participación cando non se realice o feito impoñible por causas non imputables ao suxeito pasivo; neste caso, a persoa interesada deberá solicitar a devolución e achegar os datos necesarios para a transferencia bancaria correspondente. Xa que logo, non procederá a devolución nos supostos de exclusión definitiva por causa imputable á persoa interesada.

3.6. Os erros de feito que se poidan advertir poderanse emendar en calquera momento, de oficio ou por petición da persoa interesada. Quen for aspirante queda vinculado aos datos que fixo constar na súa solicitude, e poderá unicamente demandar a súa modificación mediante escrito motivado, dentro do prazo establecido na base 3.1 para a presentación de solicitudes. Transcorrido este prazo, non se admitirá ningunha petición desta natureza, agás causa excepcional sobrevida, xustificada e discrecionalmente apreciada pola Universidade.

3.7. A publicación dos actos que integran este procedemento no taboleiro de anuncios da sede electrónica servirá de notificación para todos os efectos, de acordo co previsto no artigo 45.1 da LPACAP.

Con independencia dos lugares en que regulamentariamente se deban publicar, tanto a convocatoria como os actos e acordos que integran este proceso selectivo se publicarán a título divulgativo na páxina electrónica da Universidade de Vigo https://secretaria.uvigo.gal/uv/web/convocatoria/public/index

Cuarta. Admisión de aspirantes

4.1. No prazo máximo de quince (15) días hábiles, contados desde a finalización do prazo de presentación de solicitudes, a reitora da Universidade de Vigo ditará resolución en que aprobe a relación provisional de persoas admitidas e excluídas, con indicación das causas de exclusión.

4.2. Contra a dita resolución, as persoas interesadas poderán presentar reclamación, ante a reitora, no prazo de cinco (5) días hábiles contados desde o día seguinte ao da súa publicación. Posteriormente, ditarase unha resolución reitoral en que se aprobe a relación definitiva de persoas admitidas e excluídas. As reclamacións entenderanse resoltas coa publicación da lista definitiva.

Quinta. Desenvolvemento das actuacións en modo virtual ou presencial

Os concursos realizaranse nas dependencias da Universidade de Vigo, sexan virtuais ou físicas, de acordo co disposto pola normativa de concursos e, de ser o caso, pola Presidencia da correspondente comisión, atendendo ao seguinte:

a) Desenvolveranse de forma virtual, a través da plataforma electrónica da Universidade de Vigo que se estableza, os actos de constitución e presentación de documentación por candidatos e candidatas.

b) O acto de defensa a que se refire a base 7.5 poderá ser presencial ou mixto, segundo determine a propia Comisión. En todo caso, será obrigatoria e necesariamente presencial, na dependencia física da Universidade de Vigo que estableza a Presidencia, para candidatos e candidatas e para os membros da Comisión que pertenzan á Universidade de Vigo. En caso de modalidade mixta, a intervención en liña daqueles membros da Comisión que o poidan facer de modo virtual realizarase a través da plataforma electrónica da Universidade de Vigo.

No caso de que todos/as os/as membros da Comisión sexan alleos á Universidade de Vigo, a Dirección do Departamento a que pertence a área de coñecemento polo que sae a praza velará polo correcto desenvolvemento de todo o proceso de defensa e selección, e terá que estar presente no momento da defensa para asegurar a presencialidade dos/das candidatos/as e o correcto desenvolvemento desta.

Sexta. Comisións de acceso

6.1. As comisións de acceso deberán procurar unha composición equilibrada entre mulleres e homes, salvo cando non sexa posible por razóns fundadas e obxectivas, debidamente motivadas. De acordo co que establece a normativa de 2024 da Universidade de Vigo reguladora dos concursos de acceso, a composición das comisións é a que figura no anexo II desta convocatoria e terá a categoría primeira das recollidas no artigo 30 do Real decreto 462/2002, do 24 de maio, sobre indemnizacións por razón do servizo.

O nomeamento como membro dunha comisión é irrenunciable, salvo cando concorra causa xustificada, debidamente alegada pola persoa interesada e así apreciada polo reitorado.

Unha vez publicadas as listaxes definitivas de persoas admitidas e excluídas ao concurso, desde o Servizo de Persoal Docente e Investigador remitiráselles á Presidencia e á Secretaría de cada comisión a relación de candidatos e candidatas correspondente á praza ou prazas que esa comisión vaia avaliar.

Todos os membros integrantes da Comisión, tanto titulares como suplentes, deberán declarar formalmente se incorren ou non nos supostos de conflito de intereses a que se refire o artigo 32.4 do RDCA ou nalgún dos supostos de abstención do artigo 23 da LRXSP.

Resolta a renuncia, a abstención ou a recusación, as persoas afectadas serán substituídas polos seus respectivos suplentes e, na súa falta, por orde correlativa e, en último caso, resolverá a reitora.

6.2. Agás petición expresa da Presidencia e debidamente autorizada, cada comisión terá a súa sede e actuará no centro en que teña a súa sede o departamento a que está adscrita a praza convocada.

6.3. As comisións deberanse constituír no prazo de quince (15) días hábiles desde a publicación da relación definitiva de persoas admitidas e excluídas. Transcorrido o prazo sen que se constituíse a comisión correspondente, a reitora procederá á substitución da persoa que exerza a Presidencia titular.

A constitución de cada comisión exixirá a asistencia de tres membros, titulares ou suplentes, de ser o caso. A Presidencia, unha vez realizadas as consultas pertinentes cos restantes membros, convocará a quen sexa membro titular e, de ser o caso, suplente, cunha antelación mínima de 48 horas, e fixo lugar (hipervínculo de acceso á plataforma electrónica), data e hora para proceder ao acto de constitución da Comisión. Os membros titulares serán substituídos polos seus respectivos suplentes, en primeiro lugar, ou por orde correlativa.

No acto de constitución, a Comisión establecerá os criterios de valoración do concurso adecuados ao perfil de cada praza tendo en conta que os méritos relativos a experiencia investigadora e de transferencia e de experiencia docente e de innovación educativa deben ter o mesmo peso, nunha marxe entre o 35 e o 45 % do total da puntuación. A Comisión fará públicos estes criterios no taboleiro de anuncios da sede electrónica da Universidade de Vigo antes do acto de presentación de candidatos e candidatas.

6.4. Unha vez constituída a Comisión, en caso de ausencia da persoa que exerza a Presidencia, esta será substituída polo catedrático ou catedrática de universidade con maior antigüidade que teña recoñecidos, polo menos, dous tramos de investigación.

6.5. Para que a Comisión poida actuar validamente, requirirase a asistencia de, polo menos, dous dos seus membros, entre os cales figurarán obrigatoriamente as persoas que ocupen a Presidencia e a Secretaría. Os membros da Comisión que estean ausentes da proba cesarán en tal condición, sen prexuízo das responsabilidades en que poidan ter incorrido.

6.6. Á Secretaría de cada comisión corresponderanlle as actuacións administrativas e a xestión económica propias da Comisión, auxiliada polo persoal de administración e servizos do departamento a que estea adscrita a praza.

6.7. Durante o desenvolvemento do concurso, a Comisión resolverá as dúbidas que poidan xurdir na aplicación destas normas, así como o que proceda nos casos non previstos nelas. En todo momento, a súa actuación axustarase ao disposto na LPACAP e na LRXSP.

Sétima. Acto de presentación e proba

7.1. A Presidencia da Comisión invitará, a quen participe no concurso, a facer entrega da súa documentación, indicando lugar (hipervínculo de acceso ao espazo en liña asignado a cada candidato/a) e prazo dispoñible para facelo, cuxo peche non poderá ter lugar antes do quinto día hábil posterior ao da publicación do baremo e dos criterios de valoración.

7.2. No acto de presentación, quen sexa concursante entregará en soporte informático:

a) O seu curriculum vitae normalizado completo (CVN-FECYT), no cal detallarán os seus méritos e historial académico, docente, investigador, de transferencia e de xestión.

b) O seu proxecto docente e investigador adecuado ao perfil do concurso.

c) Un exemplar das publicacións e dos documentos acreditativos do consignado no currículo, con independencia de que a Comisión poida solicitar documentación complementaria acreditativa orixinal ou compulsada. Aqueles exemplares que non poidan ser achegados en formato electrónico, entregaranse en soporte físico.

7.3. Vencido o prazo outorgado para o desenvolvemento do acto de presentación, a Comisión fixará e publicará no taboleiro de anuncios da sede electrónica da Universidade de Vigo o lugar, a data e a hora de comezo da proba, a cal se deberá iniciar no prazo máximo de cinco (5) días hábiles, contado desde o peche do acto de presentación. Este prazo poderá ser renunciable por escrito polas persoas concursantes. Igualmente, fixará o prazo durante o cal poderán examinar a documentación presentada polas restantes persoas que concursen.

A orde de actuación iniciarase, atendendo á ordenación alfabética resultante da lista definitiva de persoas admitidas, por aquelas cuxo primeiro apelido comece pola letra «B» (Resolución do 29 de xuño de 2026, da Secretaría de Estado de Función Pública, pola que se publica o resultado do sorteo a que se refire o Regulamento xeral de ingreso do persoal ao servizo da Administración do Estado; BOE do 3 de xullo).

7.4. As mulleres embarazadas que prevexan a coincidencia do parto coas datas de realización do exercicio polas circunstancias derivadas do seu avanzado estado de xestación ou, eventualmente, nos primeiros días do puerperio, poderano pór en coñecemento do tribunal e engadiranlle á comunicación o correspondente informe médico oficial. A comunicación deberase realizar dentro dos cinco días hábiles seguintes ao do anuncio da data do exame e implicará o consentimento da interesada para permitir o acceso dos integrantes da Comisión aos datos médicos necesarios relacionados coa súa situación. A Comisión acordará se procede ou non realizar a proba nun lugar alternativo, aprazala ou adoptar ambas as medidas conxuntamente. Para iso terá en conta, ademais do alegado pola interesada, os dereitos dos demais aspirantes a unha resolución do proceso axustada a tempos razoables, e as necesidades e intereses da Universidade. Contra tal acordo non caberá recurso, sen prexuízo de que as razóns da impugnación se inclúan en calquera outro recurso admisible, de acordo coas regras xerais do proceso selectivo.

7.5. A Comisión valorará exclusivamente os méritos que, sendo alegados no curriculum vitae por quen sexa aspirante, estean debidamente xustificados, sempre referidos á data de finalización do prazo de presentación de solicitudes.

7.6. Os concursos constarán dunha única proba, que será pública e obrigatoria, que consistirá na exposición oral, durante un tempo mínimo de trinta minutos e máximo de dúas horas, dos méritos e historial académico docente e investigador, así como do proxecto docente e investigador presentado. A continuación, a Comisión debaterá co candidato ou candidata durante un tempo máximo de dúas horas sobre os seus méritos, o seu proxecto docente e investigador e a adecuación destes ao perfil da praza obxecto do concurso.

7.7. Finalizada a proba, cada membro da Comisión entregaralle á Presidencia un informe razoado axustado aos criterios previamente fixados, de cada unha das persoas que concorren, con expresión explícita de voto favorable ou desfavorable.

7.8. A proposta de provisión de prazas, que incluirá un anexo cunha desagregación suficientemente detallada das puntuacións outorgadas a cada persoa candidata en cada unha das epígrafes e subepírafes do baremo, realizarase con base na puntuación acadada por cada candidato/a e nos informes emitidos polos membros da Comisión. En caso de empate, recorrerase á votación, sen que sexa posible a abstención. De persistir o empate, dirimirá o voto do presidente ou presidenta.

Oitava. Proposta, presentación de documentos, nomeamento e toma de posesión

8.1. As comisións proporán e elevarán á reitora, motivadamente e con carácter vinculante, unha relación de todos os candidatos e candidatas que superasen a proba por orde de preferencia para o nomeamento nun número que non exceda o número de prazas convocadas a concurso. Poderán propor a non provisión da praza xustificando esta decisión. Este acordo publicarase no taboleiro de anuncios da sede electrónica da Universidade de Vigo.

8.2. No prazo dos tres días hábiles seguintes ao de remate da súa actuación, a Secretaría da Comisión entregará no Servizo de Persoal Docente e Investigador da Universidade de Vigo a documentación completa relativa ás súas actuacións e a documentación presentada por cada persoa que concursase.

8.3. As persoas propostas para a provisión das prazas deberán presentar no prazo dos dez (10) días hábiles seguintes ao de publicación da proposta da Comisión, a través da sede electrónica da Universidade de Vigo (https://sede.uvigo.gal), empregando o procedemento SXER . Instancia xenérica, con indicación da referencia da praza e dirixidos ao Servizo de Persoal Docente e Investigador, os seguintes documentos:

a) Declaración xurada ou promesa de non incorrer en incompatibilidade segundo o establecido na Lei 53/1984, do 26 de decembro, de incompatibilidades do persoal ao servizo das administracións públicas (BOE do 4 de xaneiro de 1985).

b) Copia electrónica auténtica do título de doutor ou doutora. Non será preciso achegar este documento se xunto coa solicitude se presentou o informe de «A miña Carpeta cidadá».

c) Copia electrónica auténtica da acreditación e copia electrónica auténtica do certificado I3/R3. Non será preciso achegar estes documentos se xunto coa solicitude se presentaron orixinais electrónicos.

d) Declaración xurada ou promesa de non ter sido separado/a mediante expediente disciplinario do servizo de calquera das administracións públicas ou dos órganos constitucionais ou estatutarios das comunidades autónomas, nin encontrarse en inhabilitación absoluta ou especial para empregos ou cargos públicos de acordo co establecido no artigo 56.1.d) do EBEP.

No caso de ser nacional doutro Estado, acreditar non estar inhabilitado/a ou en situación equivalente nin ter sido sometido/a a sanción disciplinaria ou equivalente que impida, no seu Estado, nos mesmos termos o acceso ao emprego público.

e) Certificado médico oficial ou informe de saúde de non padecer enfermidade nin defecto físico ou psíquico que o/a incapacite para o desempeño das funcións correspondentes a docente de universidade.

Os aspirantes que estean a prestar servizos na Universidade de Vigo estarán exentos de presentar a documentación relativa ás alíneas «d)» e «e)».

Quen teña a condición de funcionario ou funcionaria de carreira en universidade ou organismo distinto da Universidade de Vigo estará exento/a de xustificar e presentar os documentos das alíneas «d)» e «e)» e deberá presentar no seu lugar certificado (folla de servizos) da súa institución que acredite a súa condición e de cantas circunstancias consten na súa folla de servizos.

8.4. A reitora da Universidade de Vigo efectuará o nomeamento como funcionario ou funcionaria docente de carreira das persoas propostas pola Comisión nun número que non exceda o de prazas convocadas a concurso, unha vez que acreditasen en prazo a documentación requirida. De non o faceren, a reitora procederá ao nomeamento da seguinte persoa na orde proposta.

8.5. O nomeamento especificará a denominación da praza: corpo e área de coñecemento. Comunicaráselle ao correspondente rexistro para efectos do outorgamento do número de rexistro de persoal e inscrición nos corpos respectivos, remitiráselle para a súa publicación ao Boletín Oficial del Estado e ao Diario Oficial de Galicia e comunicaráselle ao Consello de Universidades.

8.6. No prazo máximo de vinte (20) días hábiles, contados desde o seguinte ao da publicación do nomeamento no Boletín Oficial del Estado, a persoa proposta deberá tomar posesión do seu destino, momento en que adquirirá a condición de funcionario ou funcionaria de carreira do corpo de profesoras e profesores titulares de universidade.

8.7. As referencias a materias e ao centro de adscrición que poida ter a convocatoria non suporán dereito de vinculación exclusiva para tal destino para quen teña adxudicada a praza.

Novena. Comisión de Reclamacións

9.1. Contra a proposta da Comisión, as persoas admitidas no concurso poderán presentar reclamación, ante a reitora da Universidade de Vigo, no prazo máximo de cinco (5) días hábiles contados desde o seguinte ao da súa publicación no taboleiro de anuncios da sede electrónica da Universidade de Vigo. A reclamación presentarase a través da sede electrónica (https://sede.uvigo.gal), mediante o procedemento SXER Instancia xenérica, dirixida ao Servizo de Persoal Docente e Investigador da Universidade de Vigo, e con indicación da referencia da praza. Admitida a trámite a reclamación, suspenderase o nomeamento ata a súa resolución definitiva.

9.2. As reclamacións que se presenten anunciaranse no taboleiro de anuncios da sede electrónica da Universidade de Vigo. As persoas interesadas disporán dun prazo de cinco (5) días hábiles para formularen alegacións en relación co contido da reclamación.

9.3. As reclamacións serán valoradas pola Comisión de Reclamacións da Universidade de Vigo, que examinará o expediente relativo ao concurso, valorará os aspectos puramente procedementais e verificará o efectivo respecto, por parte da Comisión de Selección, da igualdade de condicións dos candidatos e candidatas e dos principios de mérito e de capacidade destes no procedemento do concurso de acceso. Resolverá no prazo máximo de tres meses, ratificando ou non a proposta reclamada. Neste último caso, retrotraerase o expediente ata o momento en que se obxectou o vicio, e a Comisión de Selección deberá formular nova proposta, tras o cal que a reitora ditará a resolución de acordo coa proposta da Comisión de Reclamacións.

9.4. As resolucións da reitora a que se refire o punto anterior deste artigo esgotan a vía administrativa e serán impugnables directamente, ante a xurisdición contencioso-administrativa, de acordo co establecido na Lei 29/1998, do 13 de xullo, reguladora da xurisdición contencioso-administrativa.

Décima. Devolución da documentación presentada polas persoas aspirantes

A documentación presentada ao concurso deberá ser retirada do Servicio de Persoal Docente e Investigador, logo de petición da persoa interesada, dentro do prazo de tres meses contados desde a finalización do procedemento ou, de ser o caso, desde que a resolución impugnada adquira firmeza. A documentación que non sexa retirada no dito prazo será destruída.

Décimo primeira. Protección de datos

As persoas participantes están obrigadas a facilitar aqueles datos e información que a Administración exixa para a tramitación e instrución deste procedemento e, en caso de non o faceren, serán excluídas do proceso selectivo.

De conformidade co artigo 13 do Regulamento (UE) 2016/679 do Parlamento Europeo e do Consello, do 27 de abril, relativo á protección de persoas físicas con respecto ao tratamento de datos persoais e á libre circulación destes datos, e co disposto no artigo 11 da Lei orgánica 3/2018, do 5 de decembro, de protección de datos persoais e garantía dos dereitos dixitais, os datos persoais que figuren nos ditos documentos serán tratados baixo a responsabilidade da Universidade de Vigo, co propósito de xestionar a tramitación deste concurso, ao abeiro da LPACAP, a LOSU e os estatutos da Universidade de Vigo.

De conformidade co disposto no artigo 45 da LPACAP, a Universidade de Vigo está lexitimada para a publicación daqueles datos persoais que sexan precisos atendendo á natureza e á finalidade do acto que sexa obxecto de publicación. Non obstante, e co fin de previr riscos da publicidade de datos persoais de vítimas de violencia de xénero, a persoa afectada comunicaralle esta circunstancia coa maior celeridade á Unidade de Igualdade da Universidade de Vigo (986 81 34 19 e igualdade@uvigo.es).

As persoas participantes teñen dereito a solicitarlle ao responsable do tratamento, en calquera momento, o acceso, a rectificación ou a supresión dos seus datos persoais e a limitación do seu tratamento, así como a oporse a este tratamento e a solicitar, salvo casos de interese público e/ou exercicio de poderes públicos, a portabilidade dos seus datos. Estes dereitos poderanse exercer a través de calquera dos medios e vías previstos na súa política de protección de datos (dispoñible en https://www.uvigo.gal/proteccion-datos), incluído o envío á súa persoa delegada de protección de datos a través do correo electrónico dpd@uvigo.gal

Así mesmo, se a súa solicitude non é atendida pola Universidade de Vigo, teñen dereito a presentar unha reclamación ante a Axencia Española de Protección de Datos.

Décimo segunda. Norma derradeira

12.1. O tempo transcorrido entre a publicación desta convocatoria e a resolución do concurso non poderá exceder dos seis meses. Para estes efectos, non computará o mes de agosto, que se considerará inhábil para os efectos de actuación das comisións.

12.2. Contra esta resolución, que esgota a vía administrativa, poderase interpor recurso, ante a xurisdición contencioso-administrativa, no prazo de dous meses contados a partir do día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.

As persoas interesadas poderán optar por interpor recurso de reposición, no prazo dun mes contado a partir do día seguinte ao da publicación desta resolución, ante a reitora. Neste caso non se poderá interpor recurso contencioso-administrativo ata que sexa resolto expresamente ou se produza a desestimación presunta do recurso de reposición interposto, segundo o previsto no artigo 123.2 da LPACAP.

Vigo, 16 de setembro de 2026

María Carmen García Mateo
Reitora da Universidade de Vigo

ANEXO I

Datos das prazas

Praza nº 1.

Referencia:	TU2504-C02-240-TU-TC-01
Nº de prazas:	1
Corpo/categoría:	Profesor/a titular de universidade
Área de coñecemento:	A0240 Edafoloxía e Química Agrícola
Departamento:	D00c02 Bioloxía Vexetal e Ciencias do Solo
Actividade docente e investigadora:	O perfil correspóndese con materias da área
Centro de traballo:	101 Facultade de Ciencias
Observacións:	Estar en posesión de certificado I3/R3

Praza nº 2.

Referencia:	TU2504-C04-819-TU-TC-01
Nº de prazas:	1
Corpo/categoría:	Profesor/a titular de universidade
Área de coñecemento:	A0819 Zooloxía
Departamento:	D00c04 Ecoloxía e Bioloxía Animal
Actividade docente e investigadora:	O perfil correspóndese con materias da área
Centro de traballo:	302 Facultade de Bioloxía
Observacións:	Estar en posesión de certificado I3/R3

Praza nº 3.

Referencia:	TU2504-C05-265-TU-TC-01
Nº de prazas:	1
Corpo/categoría:	Profesor/a titular de universidade
Área de coñecemento:	A0265 Estatística e Investigación Operativa
Departamento:	D00c05 Estatística e Investigación Operativa
Actividade docente e investigadora:	O perfil correspóndese con materias da área
Centro de traballo:	310 Facultade de Ciencias do Mar
Observacións:	Estar en posesión de certificado I3/R3

Praza nº 4.

Referencia:	TU2504-C07-750-TU-TC-01
Nº de prazas:	1
Corpo/categoría:	Profesor/a titular de universidade
Área de coñecemento:	A0750 Química Analítica
Departamento:	D00c07 Química Analítica e Alimentaria
Actividade docente e investigadora:	O perfil correspóndese con materias da área
Centro de traballo:	311 Facultade de Química
Observacións:	Estar en posesión de certificado I3/R3

Praza nº 5.

Referencia:	TU2504-C11-755-TU-TC-01
Nº de prazas:	1
Corpo/categoría:	Profesor/a titular de universidade
Área de coñecemento:	A0755 Química Física
Departamento:	D00c11 Química Física
Actividade docente e investigadora:	O perfil correspóndese con materias da área
Centro de traballo:	101 Facultade de Ciencias
Observacións:	Estar en posesión de certificado I3/R3

Praza nº 6.

Referencia:	TU2504-T04-555-TU-TC-01
Nº de prazas:	1
Corpo/categoría:	Profesor/a titular de universidade
Área de coñecemento:	A0555 Enxeñaría Química
Departamento:	D00t04 Enxeñaría Química
Actividade docente e investigadora:	O perfil correspóndese con materias da área
Centro de traballo:	312 Escola de Enxeñaría Industrial
Observacións:	Estar en posesión de certificado I3/R3

Praza nº 7.

Referencia:	TU2504-T04-555-TU-TC-02
Nº de prazas:	1
Corpo/categoría:	Profesor/a titular de universidade
Área de coñecemento:	A0555 Enxeñaría Química
Departamento:	D00t04 Enxeñaría Química
Actividade docente e investigadora:	O perfil correspóndese con materias da área
Centro de traballo:	312 Escola de Enxeñaría Industrial
Observacións:	Estar en posesión de certificado I3/R3

Praza nº 8.

Referencia:	TU2504-T04-555-TU-TC-03
Nº de prazas:	1
Corpo/categoría:	Profesor/a titular de universidade
Área de coñecemento:	A0555 Enxañería Química
Departamento:	D00t04 Enxeñaría Química
Actividade docente e investigadora:	O perfil correspóndese con materias da área
Centro de traballo:	312 Escola de Enxeñaría Industrial
Observacións:	Estar en posesión de certificado I3/R3

Praza nº 9.

Referencia:	TU2504-T08-385-TU-TC-01
Nº de prazas:	1
Corpo/categoría:	Profesor/a titular de universidade
Área de coñecemento:	A0385 Física Aplicada
Departamento:	D00t08 Física Aplicada
Actividade docente e investigadora:	O perfil correspóndese con materias da área
Centro de traballo:	310 Facultade de Ciencias do Mar
Observacións:	Estar en posesión de certificado I3/R3

Praza nº 10.

Referencia:	TU2504-T08-398-TU-TC-01
Nº de prazas:	1
Corpo/categoría:	Profesor/a titular de universidade
Área de coñecemento:	A0398 Física da Terra
Departamento:	D00t08 Física Aplicada
Actividade docente e investigadora:	O perfil correspóndese con materias da área
Centro de traballo:	310 Facultade de Ciencias do Mar
Observacións:	Estar en posesión de certificado I3/R3

Praza nº 11.

Referencia:	TU2504-X09-095-TU-TC-01
Nº de prazas:	1
Corpo/categoría:	Profesor/a titular de universidade
Área de coñecemento:	A0095 Comercialización e Investigación de Mercados
Departamento:	D00x09 Organización de Empresas e Márketing
Actividade docente e investigadora:	Mercadotecnia responsable
Centro de traballo:	303 Facultade de Ciencias Económicas e Empresariais
Observacións:	Estar en posesión de certificado I3/R3

ANEXO II

Comisións de acceso

Praza nº 1: TU2504-C02-240-TU-TC-01.

Área: Edafoloxía e Química Agrícola.

Cargo	Nome	Corpo	Institución
Comisión titular
Presidente	Xosé Luis Otero Pérez	Catedrático de universidade	Universidade de Santiago de Compostela
Secretario	Jorge Mataix Solera	Catedrático de universidade	Universidade Miguel Hernández de Elche
Vogal 1ª	María del Carmen Monterroso Martínez	Catedrática de universidade	Universidade de Santiago de Compostela
Comisión suplente
Presidente	Gil Garrote Velasco	Catedrático de universidade	Universidade de Vigo
Secretaria	Sara Ibáñez Asensio	Profesora titular de universidade	Universidade Politécnica de València
Suplente 1º	Luis González Rodríguez	Catedrático de universidade	Universidade de Vigo
Listaxe de suplentes adicionais
Suplente 2º	César Plaza de Carlos	Catedrático de universidade	CSIC
Suplente 3ª	Fuensanta García Orenes	Catedrática de universidade	Universidade Miguel Hernández de Elche
Suplente 4ª	Irene Ortiz Bernad	Profesora titular de universidade	Universidade de Granada
Suplente 5ª	Engracia Rodríguez Madejón	Catedrática de universidade	CSIC

Praza nº 2: TU2504-C04-819-TU-TC-01.

Área: Zooloxía.

Cargo	Nome	Corpo	Institución
Comisión titular
Presidente	Andrés Baselga Fraga	Catedrático de universidade	Universidade de Santiago de Compostela
Secretaria	María Aranguren Gassis	Profesora titular de universidade	Universidade de Vigo
Vogal 1ª	Isabel Barja Núñez	Profesora titular de universidade	Universidade Autónoma de Madrid
Comisión suplente
Presidente	Eloy Bécares Mantecón	Catedrático de universidade	Universidade de León
Secretaria	Eva Graciá Martínez	Profesora titular de universidade	Universidade Miguel Hernández de Elche
Suplente 1º	Miguel Ángel Arnedo Lombarte	Catedrático de universidade	Universitat de Barcelona
Listaxe de suplentes adicionais
Suplente 2ª	Carola Gómez Rodríguez	Profesora titular de universidade	Universidade de Santiago de Compostela
Suplente 3º	Germán Orizaola Pereda	Profesor titular de universidade	Universidade de Oviedo
Suplente 4º	José Carlos Noguera Amorós	Profesor titular de universidade	Universidade de Vigo
Suplente 5º	Salvador Rebollo de la Torre	Profesor titular de universidade	Universidade de Alcalá

Praza nº 3: TU2504-C05-265-TU-TC-01.

Área: Estatística e Investigación Operativa.

Cargo	Nome	Corpo	Institución
Comisión titular
Presidente	Gustavo Bergantiño Cid	Catedrático de universidade	Universidade de Vigo
Secretaria	María Amalia Jácome Pumar	Profesora titular de universidade	Universidade da Coruña
Vogal 1º	David Valentín Conesa Guillén	Catedrático de universidade	Universitat de València (Estudi General)
Comisión suplente
Presidenta	María Gloria Fiestras Janeiro	Catedrática de universidade	Universidade de Vigo
Secretario	Alberto Rodríguez Casal	Catedrático de universidade	Universidade de Santiago de Compostela
Suplente 1º	Vicente Núñez Antón	Catedrático de universidade	Universidade do País Vasco/Euskal Herriko Unibertsitatea
Listaxe de suplentes adicionais
Suplente 2ª	Teresa Pérez Pérez	Profesora titular de universidade	Universidade Complutense de Madrid
Suplente 3ª	Guadalupe Gómez Melis	Catedrática de universidade	Universitat Politécnica de Catalunya
Suplente 4ª	Carmen Armero Cervera	Catedrática de universidade	Universitat de València (Estudi General)
Suplente 5º	Virgilio Gómez Rubio	Catedrático de universidade	Universidade de Castilla-La Mancha

Praza nº 4: TU2504-C07-750-TU-TC-01.

Área: Química Analítica.

Cargo	Nome	Corpo	Institución
Comisión titular
Presidenta	María Pilar Bermejo Barrera	Catedrática de universidade	Universidade de Santiago de Compostela
Secretaria	María de los Ángeles Peña Gallego	Profesora titular de universidade	Universidade de Vigo
Vogal 1º	Jorge Ruiz Encinar	Catedrático de universidade	Universidade de Oviedo
Comisión suplente
Presidente	Antonio Moreda Piñeiro	Catedrático de universidade	Universidade de Santiago de Compostela
Secretaria	Benita Pérez Cid	Profesora titular de universidade	Universidade de Vigo
Suplente 1º	José Manuel Costa Fernández	Catedrático de universidade	Universidade de Oviedo
Listaxe de suplentes adicionais
Suplente 2ª	María Carmen Barciela Alonso	Catedrática de universidade	Universidade de Santiago de Compostela
Suplente 3ª	Beatriz Fernández García	Catedrática de universidade	Universidade de Oviedo
Suplente 4º	Pablo Rodríguez González	Catedrático de universidade	Universidade de Oviedo
Suplente 5ª	Raquel Sendón García	Catedrática de universidade	Universidade de Santiago de Compostela

Praza nº 5: TU2504-C11-755-TU-TC-01.

Área: Química Física.

Cargo	Nome	Corpo	Institución
Comisión titular
Presidente	José Francisco Rivadulla Fernández	Catedrático de universidade	Universidade de Santiago de Compostela
Secretaria	Isabel Pastoriza Santos	Catedrática de universidade	Universidade de Vigo
Vogal 1ª	María del Carmen Giménez López	Profesora titular de universidade	Universidade de Santiago de Compostela
Comisión suplente
Presidenta	Socorro Castro García	Catedrática de universidade	Universidade da Coruña
Secretario	Luis García Río	Catedrático de universidade	Universidade de Santiago de Compostela
Suplente 1ª	María Matilde Fondo Busto	Profesora titular de universidade	Universidade de Santiago de Compostela
Listaxe de suplentes adicionais
Suplente 2º	Moisés Pérez Lorenzo	Catedrático de universidade	Universidade de Vigo
Suplente 3º	Remigio Paradelo Núñez	Profesor titular de universidade	Universidade de Santiago de Compostela
Suplente 4º	Antonio Fernández Ramos	Catedrático de universidade	Universidade de Santiago de Compostela
Suplente 5ª	Beatriz Pelaz García	Profesora titular de universidade	Universidade de Santiago de Compostela

Praza nº 6: TU2504-T04-555-TU-TC-01.

Área: Enxeñaría Química.

Cargo	Nome	Corpo	Institución
Comisión titular
Presidente	Ramón Nóvoa Rodríguez	Catedrático de universidade	Universidade de Vigo
Secretaria	Eva Rodil Rodríguez	Catedrática de universidade	Universidade de Santiago de Compostela
Vogal 1º	Manuel Rodríguez Hernández	Catedrático de universidade	Universidade Politécnica de Madrid
Comisión suplente
Presidenta	Ana Belén Moldes Menduíña	Catedrática de universidade	Universidade de Vigo
Secretaria	María González Miquel	Profesora titular de universidade	Universidade Politécnica de Madrid
Suplente 1º	Francisco Javier Álvarez Hornos	Catedrático de universidade	Universitat de València (Estudi General)
Listaxe de suplentes adicionais
Suplente 2ª	Anuska Mosquera Corral	Catedrática de universidade	Universidade de Santiago de Compostela
Suplente 3º	Emilio José González Gómez	Catedrático de universidade	Universidade Politécnica de Madrid
Suplente 4ª	Ana María Soto Campos	Catedrática de universidade	Universidade de Santiago de Compostela
Suplente 5º	José Francisco Palomar Herrero	Catedrático de universidade	Universidade Autónoma de Madrid

Praza nº 7: TU2504-T04-555-TU-TC-02.

Área: Enxeñaría Química.

Cargo	Nome	Corpo	Institución
Comisión titular
Presidente	José Manuel Domínguez González	Catedrática de universidade	Universidade de Vigo
Secretario	Manuel Vázquez Vázquez	Catedrático de universidade	Universidade de Santiago de Compostela
Vogal 1ª	Susana Lucas Yagüe	Profesora titular de universidade	Universidade de Valladolid
Comisión suplente
Presidenta	Herminia Domínguez González	Catedrática de universidade	Universidade de Vigo
Secretaria	Rosa María Darbra Román	Catedrática de universidade	Universitat Politécnica de Catalunya
Suplente 1º	Alberto Bouzas Blanco	Catedrático de universidade	Universitat de València (Estudi General)
Listaxe de suplentes adicionais
Suplente 2º	Remigio Paradelo Núñez	Profesor titular de universidade	Universidade de Santiago de Compostela
Suplente 3ª	Ana Isabel Rodríguez Bernaldo de Quirós	Catedrática de universidade	Universidade de Santiago de Compostela
Suplente 4ª	Blanca María Caballero Iglesias	Catedrática de universidade	Universidade de O País Vasco/Euskal Herriko Unibertsitatea
Suplente 5ª	Raquel Sendón García	Catedrática de universidade	Universidade de Santiago de Compostela

Praza nº 8: TU2504-T04-555-TU-TC-03.

Área: Enxeñaría Química.

Cargo	Nome	Corpo	Institución
Comisión titular
Presidenta	Begoña González de Prado	Catedrática de universidade	Universidade de Vigo
Secretario	Cristóbal Cara Corpas	Profesor titular de universidade	Universidade de Jaén
Vogal 1ª	Eva Rodil Rodríguez	Catedrática de universidade	Universidade de Santiago de Compostela
Comisión suplente
Presidenta	María Asunción Longo González	Catedrática de universidade	Universidade de Vigo
Secretaria	Victoria Eugenia Santos Mazorra	Catedrática de universidade	Universidade Complutense de Madrid
Suplente 1º	Manuel Moya Vilar	Catedrático de universidade	Universidade de Jaén
Listaxe de suplentes adicionais
Suplente 2ª	Ascensión Alfaro Martínez	Profesora titular de universidade	Universidade de Huelva
Suplente 3º	Miguel Ladero Galán	Profesor titular de universidade	Universidade Complutense de Madrid
Suplente 4º	Eulogio Castro Galiano	Catedrático de universidade	Universidade de Jaén
Suplente 5º	Francisco López Baldovín	Catedrático de universidade	Universidade de Huelva

Praza nº 9: TU2504-T08-385-TU-TC-01.

Área: Física Aplicada.

Cargo	Nome	Corpo	Institución
Comisión titular
Presidenta	María José Pérez Comuñas	Catedrática de universidade	Universidade de Santiago de Compostela
Secretario	Javier Vijande López	Profesor titular de universidade	Universidade de Vigo
Vogal 1ª	Sandra María García Garabal Mosquera	Profesora titular de universidade	Universidade da Coruña
Comisión suplente
Presidente	Juan Francisco Sánchez Pérez	Catedrático de universidade	Universidade Politécnica de Cartagena
Secretaria	Marta María Mato Corzón	Profesora titular de universidade	Universidade de Vigo
Suplente 1º	Felipe Jiménez Blas	Catedrático de universidade	Universidade de Huelva
Listaxe de suplentes adicionais
Suplente 2º	Eduardo Faleiro Usanos	Profesor titular de universidade	Universidade Politécnica de Madrid
Suplente 3º	José Manuel Míguez Díaz	Profesor titular de universidade	Universidade de Huelva
Suplente 4ª	Montserrat Domínguez Pérez	Profesora titular de universidade	Universidade da Coruña
Suplente 5ª	Josefa Salgado Carballo	Catedrática de universidade	Universidade de Santiago de Compostela

Praza nº 10: TU2504-T08-398-TU-TC-01.

Área: Física da Terra.

Cargo	Nome	Corpo	Institución
Comisión titular
Presidente	María Inés Álvarez Fernández	Catedrática de universidade	Universidade de Vigo
Secretaria	Natalia Calvo Fernández	Catedrática de universidade	Universidade Complutense de Madrid
Vogal 1º	David Gallego Puyol	Catedrático de universidade	Universidade Pablo de Olavide
Comisión suplente
Presidenta	María de las Nieves Lorenzo González	Catedrática de universidade	Universidade de Vigo
Secretario	Manuel Antón Martínez	Catedrático de universidade	Universidade de Extremadura
Suplente 1ª	María del Carmen Álvarez Castro	Profesora titular de universidade	Universidade Pablo de Olavide
Listaxe de suplentes adicionais
Suplente 2º	José Manuel Vaquero Martínez	Catedrático de universidade	Universidade de Extremadura
Suplente 3ª	María Cruz Gallego Herrezuelo	Catedrática de universidade	Universidade de Extremadura
Suplente 4º	Ricardo García Herrera	Catedrático de universidade	Universidade Complutense de Madrid
Suplente 5ª	Cristina Peña Ortiz	Profesor titular de universidade	Universidade Pablo de Olavide

Praza nº 11: TU2504-X09-095-TU-TC-01.

Área: Comercialización e Investigación de Mercados.

Cargo	Nome	Corpo	Institución
Comisión titular
Presidente	Pablo Cabanelas Lorenzo	Catedrático de universidade	Universidade de Vigo
Secretaria	Mª Eugenia Ruiz Molina	Catedrática de universidade	Universitat de València (Estudi General)
Vogal 1º	Juan Antonio Mondéjar Jiménez	Catedrático de universidade	Universidade de Castilla-La Mancha
Comisión suplente
Presidenta	Encarnación González Vázquez	Catedrática de universidade	Universidade de Vigo
Secretaria	Alicia Cándida Blanco González	Catedrática de universidade	Universidade Rey Juan Carlos
Suplente 1º	Jon Charterina Abando	Profesor titular de universidade	Universidade de O País Vasco/Euskal Herriko Unibertsitatea
Listaxe de suplentes adicionais
Suplente 2ª	María del Carmen Abril Barrie	Catedrática de universidade	Universidade de Castilla-La Mancha
Suplente 3ª	Beatriz Palacios Florencio	Catedrática de universidade	Universidade Pablo de Olavide
Suplente 4ª	Natalia María Rubio Benito	Catedrática de universidade	Universidade Autónoma de Madrid
Suplente 5º	Juan Carlos Gázquez Abad	Catedrático de universidade	Universidade de Almería