De conformidade co disposto nos artigos 44, 45 e 46 da Lei 39/2015, do procedemento administrativo común das administracións públicas, notificáselle a Nicolae Vaduva, titular do vehículo marca Renault, modelo Megane, con matrícula 3762BMY, o seguinte requirimento mediante a publicación no Boletín Oficial del Estado por non ser posible a notificación a través do servizo de Correos.

Así mesmo, este anuncio publicarase no Diario Oficial de Galicia, aínda que a eficacia do acto notificado quedará supeditada á súa publicación no Boletín Oficial del Estado.

Segundo informan as oficinas portuarias de Sada, responsables da xestión directa do porto de Betanzos, o vehículo Renault Megane con placas de matrícula 3762BMY e número de bastidor VF1BA1U0525118338, do que é titular Nicolae Vaduva, leva estacionado desde hai máis dun ano na zona portuaria de Betanzos en completo estado de abandono.

Considerando o exposto, e toda vez que na zona onde se atopa o vehículo a entidade pública Portos de Galicia é a Administración competente en materia de tráfico en relación co tratamento residual do vehículo segundo dispón o artigo 128 da Lei 6/2017, do 12 de decembro, de Portos de Galicia, de conformidade co disposto no artigo 106 do Real decreto lexislativo 6/2015, do 30 de outubro, que aproba o texto refundido da Lei sobre tráfico, circulación de vehículos de motor e seguridade viaria, requírese a Nicolae Vaduva para que, nun prazo máximo dun mes, que se contará desde a publicación desta cédula no Boletín Oficial del Estado, retire o vehículo da zona de servizo do porto de Betanzos.

No caso de incumprirse este requirimento, Portos de Galicia, sen máis trámites, daralle ao vehículo tratamento de residuo e, en consecuencia, trasladarao ao centro autorizado de tratamento de vehículos para a súa posterior destrución e descontaminación.

Santiago de Compostela, 22 de setembro de 2026

Juan Sanmartín Ferreiro
Director de Portos de Galicia