Para lle dar cumprimento ao disposto no artigo 44 da Lei 39/2015, do 1 de outubro, de procedemento administrativo común das administracións públicas, segundo o cal resulta preceptiva a publicación no Boletín Oficial del Estado «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar», mediante o presente anuncio notifícaselle a Antonio Campos Vilas, identificado como propietario do predio que figura no anexo, a resolución deste departamento territorial, do 17 de xuño de 2026, pola que se concede a autorización administrativa previa, de construción e declaración de utilidade pública, en concreto, dunha instalación de distribución eléctrica a prol da entidade UFD Distribución Electricidad, S.A.

A citada resolución corresponde ao proxecto de instalación eléctrica denominada LMT, CCTT, RBT na Pereira e Socastro, no concello de Rois (expediente IN407A 2024/248-1).

O texto íntegro da resolución que agora se anuncia está á disposición das persoas interesadas na sede do Departamento Territorial da Consellería de Economía e Industria da Coruña, situada no Edificio Administrativo de Monelos, na rúa Vicente Ferrer, 2, 2º, 15008 A Coruña, na Sección de Enerxía (teléfono de contacto 981 18 49 02), das 9.00 ás 14.00 horas, de luns a venres. As persoas interesadas disporán dun prazo de dez días, a partir da publicación deste anuncio, para solicitar a remisión da resolución ao enderezo que sinalen.

Contra a resolución, que non lle pon fin á vía administrativa, as persoas interesadas poderán interpoñer un recurso de alzada perante a conselleira de Economía e Industria no prazo dun mes, que se contará a partir da notificación da resolución, ou interpoñer calquera outro recurso que proceda.

A Coruña, 2 de outubro de 2026

Isidoro Martínez Arca
Director territorial da Coruña

ANEXO

Relación de bens e dereitos afectados. Concello de Rois

Número de parcela	Paraxe Referencia catastral	Cultivo	Titular	Afección de solo en pleno dominio		Afección de solo por servidume de paso de enerxía eléctrica
				Apoio núm./CT	m2	ml aér.	ml sot.	m2 aér.	m2 sot.
52	Devesa Alta 15075A086002820000XA	Piñeiral madeirable	Antonio Campos Vilas			5,30		88,47

Abreviacións:

ml aér.: lonxitude da servidume aérea en metros lineais.

m² aér.: superficie da servidume aérea en m2.

ml sot.: lonxitude da servidume soterrada en metros lineais.

m2 sot.: superficie da servidume soterrada.