DOG 199 do 20/10/2026 - CORRECCIÓN DE ERROS. Resolución do 28 de setembro de 2026, da Dirección Xeral de Enerxías Renovables e Cambio Climático, pola que se outorgan a autorización administrativa previa e a autorización administrativa de construción ás instalacións relativas ao proxecto do parque eólico Porto Exterior da Coruña, sito no concello de Arteixo (A Coruña) e promovido por Inditex Renovables, S.L.U. (expediente AUT/2023/02).

VI. Anuncios

a) Administración autonómica

Consellería de Medio Ambiente e Cambio Climático

CORRECCIÓN DE ERROS. Resolución do 28 de setembro de 2026, da Dirección Xeral de Enerxías Renovables e Cambio Climático, pola que se outorgan a autorización administrativa previa e a autorización administrativa de construción ás instalacións relativas ao proxecto do parque eólico Porto Exterior da Coruña, sito no concello de Arteixo (A Coruña) e promovido por Inditex Renovables, S.L.U. (expediente AUT/2023/02).

Tras advertir varios erros na devandita resolución, que se publicou no Diario Oficial de Galicia número 193, do venres 9 de outubro de 2026, cómpre facer as seguintes correccións:

Na páxina 52171, no antecedente de feito vixésimo cuarto, debe engadirse: «en cumprimento do apartado 5.1.2 da DIA».

Na páxina 52175, onde di:

«...composto polo documento Proxecto do parque eólico Porto Exterior da Coruña, asinado dixitalmente o 17.9.2025 polo enxeñeiro industrial José Luis Ovelleiro, colexiado núm. 1.937 do Colexio Oficial de Enxeñeiros Industriais de Aragón y La Rioja e visado o 17.9.2025 polo dito colexio».

Debe dicir:

«...composto polos documentos Proxecto do parque eólico Porto Exterior da Coruña, asinado dixitalmente o 17.9.2025 e visado o 17.9.2025, Proxecto de execución da ampliación da subestación Inditex 132/20 kV, asinado dixitalmente o 1.3.2024 e visado o 5.3.2024 e Proxecto de execución da liña subterránea 132 kV (subestación Inditex 20/132 kV-subestación Sabón 132 kV), asinado dixitalmente o 1.3.2024 e visado o 5.3.2024. Todos eles foron asinados polo enxeñeiro industrial José Luis Ovelleiro, colexiado núm. 1.937 do Colexio Oficial de Enxeñeiros Industriais de Aragón e La Rioja, e visados polo devandito colexio».