O 25 de marzo de 2026 publicouse no Diario Oficial de Galicia a Resolución do 4 de marzo de 2026 pola que se establecen as bases reguladoras para a concesión, en réxime de concorrencia competitiva, das axudas para a posta en marcha de proxectos individuais de investigación e desenvolvemento cuxa actividade se enmarca nas prioridades estratéxicas da RIS3 Galicia 2021-2027, cofinanciadas pola Unión Europea no marco do programa de Galicia Feder 2021-2027, e se procede á súa convocatoria para o ano 2026, Programa ciencia-empresa.
O artigo 2 das bases reguladoras establece que os créditos dedicados a esta convocatoria poderán ampliarse despois da declaración de dispoñibilidade do crédito como consecuencia das circunstancias establecidas no artigo 30.2 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia (en diante, Decreto 11/2009) e, se for o caso, logo da aprobación orzamentaria que proceda.
Dado o elevado volume de solicitudes presentadas, e tendo en conta que existe crédito dispoñible procedente de remanentes doutras convocatorias financiadas con cargo ao mesmo crédito e o mesmo código de proxecto, considérase oportuno ampliar a dotación orzamentaria consignada inicialmente e incrementar o importe total da axuda convocada para atender un maior número de solicitudes. Este aumento de crédito aplícase integramente á liña de proxectos STEP, pois a inmensa maioría dos proxectos presentados encádranse nesta liña.
De acordo co anterior, unha vez declarada a dispoñibilidade de crédito, vista a Lei 9/2007, do 13 de xuño, de subvencións de Galicia, e de acordo co establecido no artigo 30.2.b) do Decreto 11/2009, do 8 de xaneiro, polo que se aproba o seu regulamento,
DISPOÑO:
Ampliar o importe total do crédito das axudas establecidas na Resolución do 4 de marzo de 2026 pola que se establecen as bases reguladoras para a concesión, en réxime de concorrencia competitiva, das axudas para a posta en marcha de proxectos individuais de investigación e desenvolvemento cuxa actividade se enmarca nas prioridades estratéxicas da RIS3 Galicia 2021-2027, cofinanciadas pola Unión Europea no marco do programa de Galicia Feder 2021-2027, e se procede á súa convocatoria para o ano 2026, Programa ciencia-empresa, na contía de 4.050.000 €. Con esta ampliación, o importe total destas axudas ascende a 7.050.000 €, distribuído do seguinte xeito:
Distribución orzamentaria para proxectos non STEP:
|
Aplicación orzamentaria |
Código do proxecto |
2026 |
2027 |
2028 |
Total |
|
07.A2.561A.770.0 |
2023.00002 |
106.597,07 € |
279.044,50 € |
161.781,80 € |
547.423,37 € |
Distribución orzamentaria para proxectos STEP:
|
Aplicación orzamentaria |
Código do proxecto |
2026 |
2027 |
2028 |
Total |
|
07.A2.561A.770.0 |
2023.00002 |
993.402,93 € |
3.226.234,94 € |
2.282.938,76 € |
6.502.576,63 € |
A publicación desta resolución non supón a apertura dun novo prazo de presentación de solicitudes.
Disposición derradeira única. Entrada en vigor
Esta resolución entrará en vigor o día seguinte ao da súa publicación no Diario Oficial de Galicia.
Santiago de Compostela, 6 de novembro de 2026
Carmen Cotelo Queijo
Directora da Axencia Galega de Innovación