DOG 216 do 11/11/2026 - RESOLUCIÓN do 10 de novembro de 2026 pola que se modifican as resolucións do 23 de outubro de 2026 (Diario Oficial de Galicia número 208, do 30 de outubro) pola que se procede ao nomeamento como persoal funcionario das persoas que superaron algún dos procesos selectivos nas escalas técnicas de mantemento de servizos, de recursos naturais e forestais, especialidades de capataz, mecánico naval, patrón de embarcación e guía intérprete de patrimonio natural, de cociña, de condución e de análise de laboratorio; de gardas de recursos naturais, de auxiliar de cociña, de auxiliar de mantemento, de auxiliar de laboratorio, de auxiliar de condución e de auxiliar de recursos naturais e forestais, especialidades de oficial e de mariñeiro vixilante; e en agrupación profesional, escala de persoal de limpeza e recursos naturais e forestais, especialidade de limpeza e cociña, de recursos naturais e forestais e de mantemento, e que foron convocados á elección de destino a través da Resolución do 24 de setembro de 2026 (Diario Oficial de Galicia número 186, do 30 de setembro).

IV. Oposicións e concursos

Consellería de Facenda e Administración Pública

RESOLUCIÓN do 10 de novembro de 2026 pola que se modifican as resolucións do 23 de outubro de 2026 (Diario Oficial de Galicia número 208, do 30 de outubro) pola que se procede ao nomeamento como persoal funcionario das persoas que superaron algún dos procesos selectivos nas escalas técnicas de mantemento de servizos, de recursos naturais e forestais, especialidades de capataz, mecánico naval, patrón de embarcación e guía intérprete de patrimonio natural, de cociña, de condución e de análise de laboratorio; de gardas de recursos naturais, de auxiliar de cociña, de auxiliar de mantemento, de auxiliar de laboratorio, de auxiliar de condución e de auxiliar de recursos naturais e forestais, especialidades de oficial e de mariñeiro vixilante; e en agrupación profesional, escala de persoal de limpeza e recursos naturais e forestais, especialidade de limpeza e cociña, de recursos naturais e forestais e de mantemento, e que foron convocados á elección de destino a través da Resolución do 24 de setembro de 2026 (Diario Oficial de Galicia número 186, do 30 de setembro).

Logo de detectar erros nas resolucións de nomeamento das escalas técnicas de mantemento de servizos, de recursos naturais e forestais, especialidades de capataz, mecánico naval, patrón de embarcación e guía intérprete de patrimonio natural, de cociña, de condución e de análise de laboratorio; de gardas de recursos naturais, de auxiliar de cociña, de auxiliar de mantemento, de auxiliar de laboratorio, de auxiliar de condución e de auxiliar de recursos naturais e forestais, especialidades de oficial e de mariñeiro vixilante; e en agrupación profesional, escala de persoal de limpeza e recursos naturais e forestais, especialidade de limpeza e cociña, de recursos naturais e forestais e de mantemento, publicadas polas resolucións do 23 de outubro de 2026 (DOG núm. 208, do 30 de outubro), esta consellería

DISPÓN:

Primeiro. Para os procesos selectivos afectados pola Lei 20/2021, do 28 de decembro, suprímese a obriga de cesar o día 18 de novembro de 2026.

Segundo. Tras advertir a omisión do prazo posesorio para as persoas aspirantes que adquiriron a condición de persoal funcionario de carreira mediante o seu cambio de vínculo xurídico nos procesos de funcionarización e de promoción específica, nomeadas como persoal funcionario de carreira na agrupación profesional, escala de persoal de limpeza e recursos naturais e forestais, especialidade de limpeza e cociña, establécese que de conformidade co disposto na Lei 2/2015, do 29 de abril, do emprego público de Galicia, e no artigo 8 do Decreto 151/2022, do 4 de agosto, polo que se aproba o Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galicia e das entidades públicas instrumentais integrantes do sector público autonómico, o prazo da toma de posesión comezará a contar a partir do día seguinte ao do cesamento, e será de tres días hábiles se non implica cambio de residencia ou de sete días hábiles se comporta cambio de residencia.

Para estas persoas, o cesamento deberá efectuarse o día 18 de novembro de 2026.

Se a adxudicación comporta o reingreso ao servizo activo, o prazo de toma de posesión será de quince días hábiles e deberá computarse desde o día 19 de novembro de 2026.

Terceiro. Contra esta resolución, que pon fin á vía administrativa, poderase interpoñer, con carácter potestativo, recurso de reposición perante o conselleiro de Facenda e Administración Pública, no prazo dun mes contado desde o día seguinte ao da súa publicación, ou directamente recurso contencioso-administrativo, no prazo de dous meses contados desde esa mesma data, perante a Sala do Contencioso-Administrativo do Tribunal Superior de Xustiza de Galicia, conforme ao disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 10 de novembro de 2026

O conselleiro de Facenda e Administración Pública
P.D. (Orde do 8.1.2020; DOG núm. 16, do 24 de xaneiro)
Nuria Aguilar Vázquez
Directora xeral de Emprego Público e Administración de Persoal