Mediante a Resolución reitoral do 4 de maio de 2026 (DOG do 13 de maio) publícase a convocatoria das probas selectivas para cubrir dúas prazas da categoría profesional de técnico/a superior de actividades deportivas, pola quenda de acceso libre.

Na base 5.3 da Resolución reitoral do 4 de maio de 2026 disponse que en caso de ter que substituír algún membro do tribunal por renuncia ou por calquera outra causa de forza maior, daráselle publicidade ao novo nomeamento no Diario Oficial de Galicia.

Mediante a Resolución reitoral do 21 de agosto de 2026 apróbase e faise pública a lista provisional de persoas admitidas e excluídas no proceso selectivo e noméase o tribunal do proceso selectivo, en aplicación da base 5.1 da convocatoria.

De conformidade coa base 5.3 da convocatoria, a reitora

RESOLVE:

Primeiro. Aceptar a renuncia presentada por Eva María Domínguez Costas como presidenta do tribunal cualificador.

Segundo. Nomear a José Andrés Sánchez Molina, profesor titular de universidade da UDC, como presidente titular en substitución de Eva María Domínguez Costas.

Terceiro. Nomear a Joaquín Fernando Gómez Varela, profesor titular de universidade da UDC, presidente suplente en substitución de José Andrés Sánchez Molina.

Contra esta resolución, que pon fin á vía administrativa, poderase interpoñer demanda no Xulgado do Social no prazo de dous meses contados desde o día seguinte ao da súa publicación, de conformidade co disposto no artigo 69 da Lei 36/2011 reguladora da xurisdición social.

Non obstante, poderase interpoñer recurso potestativo de reposición no prazo dun mes ante o órgano que a ditou ao abeiro do artigo 123 da Lei 39/2015, do procedemento administrativo común das administracións públicas.

Santiago de Compostela, 2 de novembro de 2026

Rosa María Crujeiras Casais
Reitora da Universidade de Santiago de Compostela