A Xunta de Goberno Local, na sesión que tivo lugar o día 21 de setembro de 2026, adoptou o seguinte acordo:
Aprobar inicialmente a modificación puntual do Plan especial de reforma interior núm. 5 (PERI-5) no ámbito da AEI-B -San Lázaro-, formulada de oficio polo Concello de Santiago de Compostela, segundo o documento presentado o día 15 de setembro de 2026 por PLANIFICACIÓN TEC.
De conformidade co artigo 18.1.a) da Lei 1/2019, de rehabilitación e de rexeneración e renovación urbanas de Galicia, a modificación inicialmente aprobada someterase a información pública durante o prazo dun mes. Para este efecto, publicaranse anuncios no Diario Oficial de Galicia, no Boletín Oficial da provincia e nun xornal dos de maior difusión na provincia, así como no taboleiro de edictos.
A seguir relaciónanse as parcelas catastrais afectadas pola modificación:
|
9385702NH3498E |
Rúa de San Lázaro, 42 |
|
9385703NH3498E |
Rúa de San Lázaro, 44 (exclúese do ámbito da AEI-B) |
|
9385704NH3498E |
Rúa de San Lázaro, 46 (exclúese do ámbito da AEI-B) |
|
9385705NH3498E |
Rúa de San Lázaro, 48 (exclúese do ámbito da AEI-B) |
|
9385706NH3498E |
Rúa de San Lázaro, 52 (exclúese do ámbito da AEI-B) |
|
9385714NH3498E |
Avda. de Fernando Casas Novoa, 11 |
|
9385715NH3498E |
Avda. de Fernando Casas Novoa, 3 |
|
9385716NH3498E |
Rúa de San Lázaro, 50 |
|
9385717NH3498E |
Avda. de Fernando Casas Novoa, 7 |
|
9385718NH3498E |
Avda. de Fernando Casas Novoa, 9 |
|
9385719NH3498E |
Rúa de San Lázaro, 40 (exclúese do ámbito da AEI-B) |
|
9385720NH3498E |
Rúa de San Lázaro, 40 A |
|
9385721NH3498E |
Rúa de San Lázaro, 36 A |
|
9385722NH3498E |
Avda. de Fernando Casas Novoa, 1 A |
|
9385723NH3498E |
Avda. de Fernando Casas Novoa, 1 |
Suspensión de licenzas.
Por aplicación do disposto no artigo 47.2 da Lei 2/2016, do solo de Galicia, e no 86.2 do seu regulamento (RLSG), o acordo de aprobación inicial determina, por si só, a suspensión do procedemento de outorgamento de licenzas de parcelación, edificación e demolición no ámbito das parcelas afectadas.
A suspensión non afectará os actos relacionados no número 3 do artigo 86 do Regulamento da Lei do solo de Galicia (RLSG).
A suspensión terá unha duración máxima de dous (2) anos, contados desde o acordo de aprobación inicial, e extinguirase, en todo caso, coa aprobación definitiva e entrada en vigor do planeamento.
O acordo de aprobación inicial adoptouse o día 21 de setembro de 2026, polo que os efectos da suspensión se extinguirán o día 21 de setembro de 2028.
Consulta da documentación.
A documentación sometida a exposición pública pode consultarse no seguinte enderezo da páxina web do Concello de Santiago de Compostela:
https://santiagodecompostela.gal/gl/transparencia/modificacion-do-peri-5-no-ambito-da-aei-b-san-lazaro
Tamén se poderá consultar de forma presencial no Servizo de Planeamento e Xestión Urbanística do Concello de Santiago de Compostela (sito na rúa das Casas Reais, núm. 8, 2º andar), de luns a venres, das 9.00 ás 14.00 horas.
Presentación de alegacións.
As persoas que desexen formular alegacións dispoñen do prazo dun (1) mes, contado a partir do día seguinte ao da publicación deste anuncio, consonte o disposto no artigo 30.4 da Lei 39/2015, do procedemento administrativo común das administracións públicas.
As alegacións deberán formularse por escrito, a través de calquera dos medios relacionados no artigo 16.4 da Lei 39/2015, do procedemento administrativo común das administracións públicas, e indicando no escrito o seguinte número de identificación do procedemento: 2026/10453A.
As alegacións poderán presentarse na sede electrónica do Concello de Santiago de Compostela, na epígrafe «Catálogo de trámites» a través do trámite «Presentación de documentación e alegacións» e da opción «Achega libre». Deberase introducir o dato 2026/10453A no campo «Referencia» e incorporar o documento das alegacións.
As persoas xurídicas, así como as persoas físicas que as representen, só poderán presentar a súa alegación por medios electrónicos.
Santiago de Compostela, 1 de outubro de 2026
A alcaldesa
P.D. (Decreto 2023/8135, do 17.6.2023)
Iago Lestegás Tizón
Concelleiro delegado de Urbanismo, Vivenda e Cidade Histórica