O 24 de outubro de 2024, este departamento territorial ditou unha resolución de autorización administrativa previa e de autorización administrativa de construción da instalación eléctrica LMT, CT Carballido no concello de Vilagarcía de Arousa (expediente IN407A 2023/385-4), publicada no Diario Oficial de Galicia do 20 de novembro.
O 20 de febreiro de 2026, UFD Distribución Electricidad, S.A. solicitou unha nova autorización administrativa previa, en concreto, declaración de utilidade pública e da necesidade da urxente ocupación que leva implícita e de autorización administrativa de construción para a modificación desa instalación eléctrica, debido ao cambio de localización do centro de transformación.
Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:
– Solicitante: UFD Distribución Electricidad, S.A.
– Domicilio social: avenida América, 38, 28028 Madrid.
– Denominación: modificación da LMT, CT Carballido.
– Situación: Vilagarcía de Arousa.
– Descricións técnicas da modificación producida:
• Liña de media tensión subterránea (LMTS) a 20 kV, con condutor RHZ1-2OL 12/20 kV 3x(1x150), de 467 metros de lonxitude, con orixe no apoio proxectado C-1000/14, con matrícula 9VNV4Q30, na LMTA VAR808B, e final no centro de transformación proxectado.
• Centro de transformación a 160 kVA, con relación de transformación 20 kV/400 V, situado na parcela con referencia catastral 36060A020006130000GW.
• A instalación está situada en Carballido, parroquia de Cea, no concello de Vilagarcía de Arousa (Pontevedra).
A relación concreta e individualizada dos bens ou dereitos que se van expropiar figura no anexo.
O proxecto encóntrase á disposición do público para a súa consulta durante o prazo de 30 días hábiles, que se contarán a partir do día seguinte ao da publicación deste anuncio no Diario Oficial de Galicia, nas dependencias da Sección de Enerxía do Departamento Territorial da Consellería de Economía e Industria de Pontevedra, Edificio Administrativo Campolongo, avenida María Victoria Moreno, 43, 36071 Pontevedra, de 9.00 a 14.00 horas, de luns a venres, logo de solicitar cita no teléfono 986 80 52 37; así como no portal da mencionada consellería (https://economia.xunta.gal/transparencia/informacion-publica/en-tramitacion/instalacions-electricas-distribucion-e-transporte).
Durante o devandito período calquera persoa poderá formular as alegacións que considere oportunas, por razón do disposto no artigo 145 do Real decreto 1955/2000 anteriormente citado.
Pontevedra, 28 de outubro de 2026
Beatriz López del Olmo
Directora territorial de Pontevedra
ANEXO
Número de expediente: IN407A 2023/385-4 modificado.
Denominación: Modificación da LMT, CT Carballido.
Concello: Vilagarcía de Arousa.
|
Núm. |
Lugar |
Terreo |
Referencia catastral |
Persoa titular |
Afeccións |
|||||
|
Pleno dominio (m2) |
Servidume |
Ocupación temporal |
||||||||
|
CT (m2) |
Apoio |
ml sub. |
m2 sub. |
m2 |
||||||
|
Núm. |
m2 |
|||||||||
|
1 |
Herbal da Horta |
Rústico |
36060A020006130000GW |
Antonio Saborido Fernández e María Carmen Cancelo Castrelo |
49,54 |
|||||
|
2 |
Carballido |
Rústico |
36060A013000200000GM |
CMVMC de Cea |
1 |
2 |
1,6 |
4,96 |
442,58 |
|
