Santiago de Compostela, 23 de outubro de 2024

A Consellería de Vivenda e Planificación de Infraestruturas vén de recibir once ofertas para executar as obras de reforma e mellora de rúa en Fumaces, no concello de Riós.

A intervención, , licitada por un orzamento de preto de 270.000 euros, consiste no acondicionamento dun tramo da rúa de Fumaces, núcleo pertencente a localidade de Riós e polo que pasa a Vía da Prata. Na actualidade, dita rúa atópase en mal estado de conservación, contando cun pavimento moi deteriorado.

Para iso, baixo este contrato realizarase unha reforma da rúa, levantando o pavimento existente, arranxando aqueles tramos da canalización de augas pluviais que presenten deficiencias e colocando unha nova pavimentación acorde coa contorna do Camiño de Santiago.

A actuación enmárcase no chamado Plan Hurbe impulsado polo departamento que dirixe María Martínez Allegue, co fin de axudar ás administracións locais a financiar diferentes tipos de intervencións urbanísticas, tendo neste caso como obxectivo mellorar a accesibilidade da poboación deste municipio ourensán e contribuír á mellora paisaxística da contorna do Camiño de Santiago.

Estas actuacións inclúese nun convenio de colaboración asinado entre a Xunta, que asumirá o 70% do orzamento desta intervención; e o Concello de Riós, que achegará o 30% restante.

Estas intervención forman parte da continuada colaboración entre a Xunta e as entidades locais para a execución de obras e outras actuacións de mellora de contornas urbanas, de accesibilidade e supresión de barreiras arquitectónicas e de equipamentos públicos que teñan por finalidade a revitalización do territorio e o reequilibrio territorial.