Plans e actuacións

label.Actuacion.eventos

Ten dispoñibles para consulta 124 actuacións:

C. de Medio Ambiente, Territorio e Vivenda; Axencia de Protección da Legalidade Urbanística

Plan de inspección urbanística para os anos 2020-2021

Este plan de inspección urbanística ten por obxecto determinar os obxectivos principais e as actuacións prioritarias da Axencia de Protección da Legalidade Urbanística coa finalidade de mellorar a calidade e a eficacia da disciplina urbanística ao servizo da cidadanía e de garantir a obxectividade e a imparcialidade na actuación da Axencia.


C. do Medio Rural

Plan de prevención e defensa contra os incendios forestais de Galicia 2020

O Plan de prevención e defensa contra os incendios forestais de Galicia actualízase anualmente para a súa entrada en vigor antes do inicio da tempada de risco alto de incendios, que coincide co verán.


C. de Economía, Emprego e Industria

Estratexia integral de optimización loxística de Galicia

A iniciativa, enmarcada na Axenda de Competitividade Galicia Industria 4.0, ten como obxectivo impulsar a mellora loxística tanto do propio sector de transporte e distribución de mercadorías coma dos xestores de infraestruturas e da industria galega que depende dos dous anteriores para ser eficiente na súa cadea de subministro e expedición de produtos.


C. de Política Social

Plan de Inspección de Servizos Sociais de Galicia para o ano 2020

Este plan contén as liñas básicas da actuación da Inspección de Servizos Sociais de Galicia para o ano 2020.


Vicepresidencia e C. de Presidencia, Administracións públicas e Xustiza

Plan anual da cooperación galega 2020

A Lei 3/ 2003, de 19 de xuño, de cooperación para o desenvolvemento establece no artigo 9 que a cooperación galega articularase a través de plans directores e plans anuais. Os plans anuais serán aprobados polo Consello da Xunta de Galicia a proposta do departamento competente en materia de cooperación para o desenvolvemento previo informe do Consello Galego de Cooperación para o Desenvolvemento.


C. de Medio Ambiente, Territorio e Vivenda

Estratexia Galega de Cambio Climático e Enerxía 2050

A Estratexia Galega de Cambio Climático e Enerxía é a resposta que Galicia quere pór en marcha fronte ao problema global do cambio climático. A Xunta, a través desta Estratexia, quere que Galicia sexa un referente no proceso de cambio do modelo de consumo e uso de recursos naturais mediante a conversión da nosa comunidade nun territorio baixo en emisións e preparado para afrontar os cambios derivados do cambio climático.


C. de Cultura e Turismo

Plan Estratéxico do Xacobeo 2021

Este plan, froito dun amplo proceso participativo para a súa elaboración, establece os eixes estratéxicos e os programas de acción cara ao Xacobeo 2021, evento singular e único que, poñendo en valor o Camiño e a cultura xacobea, vai vertebrar á sociedade galega e darlle visibilidade no exterior, incidindo positivamente nos desafíos que asume Galicia para a próxima década.


C. de Política Social

Plan de atención ás persoas sen fogar en Galicia 2019-2023

Trátase do primeiro plan  contra o senfogarismo que se pon en marcha en Galicia. Para lograr un maior impacto das medidas, incorpora novos enfoques, potencia a coordinación, e dispón diferentes modalidades de recursos residenciais con distintas intensidades de acompañamento social.
 


C. de Infraestruturas e Mobilidade

Plan Hidrolóxico da Demarcación Hidrográfica Galicia-Costa 2015-2021

Os obxectivos xerais do plan hidrolóxico son a consecución do bo estado e a axeitada protección das masas de auga da demarcación, a satisfacción das demandas de auga e o equilibrio e harmonización do desenvolvemento rexional e sectorial. Estes obxectivos acadaranse protexendo a calidade do recurso, economizando o seu emprego e racionalizando os seus usos, en función da capacidade de asimilación dos sistemas acuáticos.


C. de Economía, Emprego e Industria

Plan de actividades 2019 do Instituto de Seguridade e Saúde Laboral de Galicia

Son as principais liñas de actividade e programas técnicos do ISSGA nas distintas disciplinas preventivas (seguridade no traballo, hixiene industrial, psicosocioloxía e ergonomía, e medicina do traballo), así como a colaboración e coordinación coas outras unidades directivas con competencias na materia de PRL. Dá resposta ás funcións que corresponden ao Issga como órgano técnico-científico de SST, e á execución do terceiro ano da Estratexia Galega de Seguridade e Saúde no Traballo 2017-2020.