Plans e actuacións

label.Actuacion.eventos

Ten dispoñibles para consulta 135 actuacións:

C. de Medio Ambiente, Territorio e Vivenda

Plan de acción da paisaxe da Ribeira Sacra

Un dos valores que a acción do Goberno está a defender con máis decisión é a protección da paisaxe de Galicia. Esta actuación enmárcase dentro do Plan de acción estratéxico para a Ribeira Sacra, impulsado no ano 2019 pola Consellería de Medio Ambiente, Territorio e Vivenda co fin de promover un total de 10 actuacións ambientais e de ordenación do medio físico cun orzamento de 3,5 millóns de euros para mellorar e poñer en valor este territorio, reforzando así a súa candidatura a Reserva da Biosfera.


C. de Facenda e Administración Pública

Programa marco de integridade institucional e prevención de riscos de xestión

Este programa responde ao compromiso do Goberno galego para a afianzar a súa política institucional de integridade.


C. do Medio Rural

Plan de prevención e defensa contra os incendios forestais de Galicia 2021

O Plan de prevención e defensa contra os incendios forestais de Galicia actualízase anualmente para a súa entrada en vigor antes do inicio da tempada de risco alto de incendios, que coincide co verán.


C. de Facenda e Administración Pública

Programa de mellora da xestión das entidades integrantes do sector público autonómico de Galicia

Este programa responde á necesidade de que as entidades integrantes do sector público autonómico de Galicia realicen unha planificación xeral da súa xestión e de toda a súa actividade para lograr, en definitiva, unha mellora dos servizos públicos que prestan.


C. de Medio Ambiente, Territorio e Vivenda

Plan de dinamización da Área Rexurbe de Mondoñedo

Plan de dinamización da área de rexeneración urbana de interese autonómico (Área Rexurbe) de Mondoñedo, un instrumento de planificación plurianual no que se integran actuacións a nivel arquitectónico, dirixidas a fomentar as políticas de rehabilitación e a mellora do espazo público, con outras desde o punto de vista económico, demográfico e social.


C. de Facenda e Administración Pública

Plan xeral de xestión e mellora da calidade dos servizos do sector público autonómico de Galicia

Este plan responde ao compromiso da Xunta de Galicia de avanzar na consolidación dos principios de boa administración e de calidade na prestación dos servizos públicos á cidadanía.


C. de Emprego e Igualdade

Plan de actividades 2021 do Instituto de Seguridade e Saúde Laboral de Galicia

No desenvolvemento da Estratexia Galega de Seguridade e Saúde no Traballo, o Issga planifica con carácter anual a súa actividade como órgano técnico na materia e co máximo consenso cos/coas interlocutores/as sociais. 


Vicepresidencia primeira e C. de Presidencia, Xustiza e Turismo

Plan de Protección Civil de Atención ao Peregrino 2021 (PAP 2021)

Con este plan preténdese proporcionar aos/ás peregrinos/as que cheguen a Galicia polas diferentes rutas xacobeas a atención continua in situ que poidan demandar en aquelas situacións de emerxencia nas que precisen axuda, facilitándose mediante os dispositivos ordinarios de atención ás emerxencias co apoio do voluntariado de protección civil.


C. de Política Social

Plan Estratéxico de Xuventude de Galicia 2019-2021

A Xunta de Galicia mantén o seu compromiso cos mozos e mozas galegos/as e ten claro o seu obxectivo de mellorar as oportunidades do presente para a xuventude, pero tamén, o de construír para elas e eles un escenario de futuro sólido que fomente a súa empregabilidade e capacitación. Para iso apostamos por elaborar políticas transversais e integrais que dean resposta ás necesidades e demandas da xuventude.


C. de Política Social

Plan de inspección de servizos sociais de Galicia para o ano 2021 e a avaliación do ano 2020

Plan de inspección de servizos sociais para 2021 sobre todas as entidades, centros, programas e servizos que desenvolven actividades de servizos sociais na Comunidade Autónoma de Galicia. Así mesmo, inclúese a avaliación da actividade de inspección no devandito ámbito no ano 2020.