Plans e programas anuais/plurianuais
Ten dispoñibles para consulta 207 actuacións:
Plan sectorial de xestión de residuos industriais de Galicia 2023-2030
O Plan Sectorial de Xestión de Residuos Industriais de Galicia (PRIGA) fomentará a prevención na xeración de residuos e impulsará un correcto tratamento destes, conforme á xerarquía de xestión de residuos, sendo coherente coas estratexias galegas de Economía Circular 2020-2030 e a de Cambio Climático e Enerxía 2050.
Plan de prevención e defensa contra os incendios forestais de Galicia 2024
O Plan de prevención e defensa contra os incendios forestais de Galicia actualízase anualmente para a súa entrada en vigor antes do inicio da tempada de risco alto de incendios, que coincide co verán.
Estratexia galega de mobilidade
A Estratexia Galega de Mobilidade, EGM, é unha ferramenta para a coordinación das políticas públicas en materia de mobilidade en Galicia elaborada pola Xunta de Galicia para dar resposta ás principais problemáticas detectadas tras unha análise pormenorizada da mobilidade da poboación galega.
Plan anual da cooperación galega 2024
O artigo 83 da Lei 10/2021, do 9 de marzo, reguladora da acción exterior e da cooperación para o desenvolvemento de Galicia regula a planificación da Cooperación Galega. Este artigo establece, no seu apartado primeiro, que a política pública autonómica en materia de cooperación para o desenvolvemento articúlase a través do Plan director da cooperación galega cunha duración de catro anos e, no punto cuarto do mesmo artigo, establécese que o órgano de dirección da Administración autonómica competente en materia de cooperación para o desenvolvemento elaborará un Proxecto de plan de acción anual, que se someterá á aprobación do Consello da Xunta.
Plan de actuación do Instituto de Seguridade e Saúde Laboral de Galicia 2024
No desenvolvemento da Estratexia de Seguridade e Saúde no Traballo de Galicia: Horizonte 2027, o Instituto de Seguridade e Saúde Laboral de Galicia (Issga) planifica con carácter anual as súas actuacións como órgano técnico na materia e co máximo consenso cos/as interlocutores/as sociais.
Estratexia galega de seguridade e calidade asistencial 2024-2028
Esta estratexia susténtanse sobre tres piares: a xestión da calidade asistencial, a seguridade do paciente e a atención ao paciente e ao cidadán.
Estrutúrase sobre dez liñas estratéxicas, cada unha delas cos seus correspondentes criterios de avaliación, baseados en directrices consensuadas, priorizadas e referendadas por organismos referentes nacionais e internacionais en seguridade do paciente, así como coa evidencia científica dispoñible.
A posta en marcha destas liñas estratéxicas axudará aos centros sanitarios a avanzar no desenvolvemento de actividades dirixidas a mellorar a seguridade dos pacientes e, en definitiva, a calidade da súa asistencia.
Plan integral contra o acoso e ciberacoso escolar
O Plan integral contra o acoso e o ciberacoso escolar é o marco xeral que cumprirá desenvolver para pór á disposición da comunidade educativa os mecanismos precisos para resolver calquera situación que poida alterar a convivencia nos centros educativos ou o benestar do alumnado, cun enfoque multidisciplinar e desde unha perspectiva construtiva, con actuacións concretas dirixidas a abordar e erradicar este problema.
Estratexia Impulso Autónomo Horizonte 27
A Xunta aproba a Estratexia Impulso Emprego Autónomo 2023-2027 co obxectivo de potenciar a competitividade do colectivo de persoas autónomas en Galicia.
Estratexia de Seguridade e Saúde no Traballo de Galicia: Horizonte 2027
A Estratexia de Seguridade e Saúde no Traballo de Galicia: Horizonte 2027 é o instrumento, froito do consenso cos interlocutores sociais, que serve para desenvolver de forma ordenada e eficaz as políticas da Xunta de Galicia en materia de prevención de riscos laborais e promoción da saúde no traballo.
Estratexia de Educación Dixital 2030
Estratexia para a Educación Dixital 2030 en Galicia que, a través de dous eixes, catro ámbitos de actuación e 12 accións de impacto, busca fomentar o ecosistema educativo dixital e perfeccionar as competencias e capacidades dixitais das comunidades educativas.