Mos (Pontevedra), 7 de decembro de 2024

O director xeral de Comercio e Consumo, Gabriel Alén, participou xunto coa alcaldesa, Nidia Arévalo, e representantes da Asociación de comercio e servicio de Mos, AcesMOs, na inauguración do mercado de Nadal Queda en Mos, que se celebra entre hoxe e o domingo no pazo deste municipio e no que participan negocios locais. Ademais, a iniciativa conxuga gastronomía, artesanía, música e actividades e o seu inicio coincide co acendido das luces de Nadal neste concello.

Alí o director xeral salientou o valor deste tipo de eventos para impusar a demanda no comercio de proximidade e para revitalizar este sector estratéxico na dinamización socioeconómica do territorio. Isto concorda cos obxectivos do futuro Plan estratéxico de comercio de Galicia 2025-2030, actualmente en proceso de elaboración coa previsión de estar listo no primeiro trimestre do ano que vén.