Larouco (Ourense), 19 de abril de 2025

O director da Axencia Galega da Calidade Alimentaria, Martín Alemparte, e o director de Turismo de Galicia, Xosé Merelles, asistiron esta tarde á vixésima edición da Feira do Viño das Covas de Seadur, que se celebra esta tarde neste emblemático conxunto etnográfico, no concello ourensán de Larouco. Alí, Alemparte puxo en valor esta celebración, que serve como escaparate da gastronomía galega e do viño de calidade diferenciada, concretamente da Denominación de Orixe Valdeorras.