O seguimento da folga na quenda de tarde de técnicos superiores sanitarios acada o 69,17 % na sanidade pública galega
Na quenda de tarde, o seguimento da folga nas sete áreas sanitarias foi do 69,42 %
Nas entidades sanitarias como a Axencia Galega de Doazón, Galaria e a Fundación de Medicina Xenómica, o seguimento foi do 66,67 %
O grao de cumprimento dos servizos mínimos marcados foi total ao longo de toda a xornada
Santiago de Compostela, 4 de novembro de 2025
O seguimento da folga de técnicos superiores sanitarios convocada polo sindicato estatal correspondente acadou, na quenda desta tarde, o 69,17 % nos centros sanitarios da comunidade galega.
Así, a porcentaxe de participación nas sete áreas sanitarias do Servizo Galego de Saúde acadou o 69,42 %.
Pola súa banda, en entidades sanitarias como son a Axencia Galega de Doazón de Sangue, Órganos e Tecidos (ADOS), a empresa pública de servizos sanitarios Galaria e a Fundación Pública Galega de Medicina Xenómica, a porcentaxe de seguimento da folga foi do 66,67 %.
O grao de cumprimento dos servizos mínimos marcados foi do 100 % ao longo de toda a xornada.
A Xunta seguirá traballando para ofrecer unha atención óptima a toda a cidadanía e para acadar as mellores condicións laborais para o conxunto de profesionais da sanidade pública.
