Rodeiro (Pontevedra), 14 de novembro de 2025

A conselleira do Medio Rural, María José Gómez, asistiu hoxe ao xantar de confraternidade da Cooperativa O Rodo organizado en Rodeiro. Alí salientou o papel das cooperativas agrarias a prol do desenvolvemento do sector primario e, en definitiva, do rural.

Desde a Consellería do Medio Rural apóiase o modelo cooperativista, que segue crecendo en Galicia, xa que favorece a creación de emprego de calidade e o desenvolvemento dun rural vivo e atractivo para poñer en marcha iniciativas emprendedoras dentro deste eido produtivo. Cómpre salientar que as cooperativas dispoñen de axudas para fomentar o uso de maquinaria agrícola en común.