Santiago de Compostela, 7 de xaneiro de 2026

O director xeral da PAC e do Control da Cadea Alimentaria, Juan José Cerviño, e o director da Axencia Galega da Calidade Alimentaria, mantiveron hoxe unha reunión con representantes da Asociación de Produtores Ecolóxicos de Galicia (Proecogal), na que puxeron en valor a importancia que ten este réxime na nosa comunidade, xa que contribúe ao consumo de produtos de km0 e á sustentabilidade ambiental.

Neste sentido, avaliaron a posibilidade de establecer vías de colaboración con Proecogal para levar a cabo iniciativas que impulsen a produción ecolóxica. Cabe sinalar que Galicia conta cun distintivo de calidade propio que certifica este tipo de producións. Segundo os últimos datos, a comunidade conta con máis de 45.400 ha de superficie cultivada en ecolóxico. Así, os produtos amparados baixo este distintivo acadan un valor económico estimado de máis de 111.000 euros.